完整藏文原文 · 德格版页 当前仅加载第 38 函德格 98a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་ཐམས་ཅད་ཡོངས་སུ་སྨིན་པར་བྱེད་པ་མཐོང་ངོ་། །བ་སྤུའི་སྒོ་ཐམས་ཅད་ནས་སེམས་ཅན་ཐམས་ཅད་དང་མཉམ་པའི་ལུས་ཁ་དོག་སྣ་ཚོགས་སུ་སྤྲུལ་པའི་སྤྲིན་འཐོན་ཏེ། ཡན་ལག་དང་ཉིང་ལག་ཐམས་
D44.038.0098a01.01ཅད་ཀྱང་ཉམས་སུ་བཟོད་པ་སེམས་ཅན་ཐམས་ཅད་ལ་ཡོངས་སུ་སྟོན་པ། སེམས་ཅན་ཐམས་ཅད་ཀྱིས་ལུས་ལ་གནོད་པར་ཐོ་བརྩམས་ཀྱང་ཉམས་སུ་བཟོད་པར་བྱེད་པ་དང་སེམས་ཅན་ཐམས་ཅད་ཀྱི་ཚུལ་དང་མི་འདྲ་བའི་ཚིག་གིས་
D44.038.0098a02.01སྤྱོ་བ་དང་། བརྒྱད་པ་དང་། སྨད་པ་དང་། བསྐྱུང་བ་དང་། བརྡེག་པ་དང་། བསྡིགས་པ་ཉམས་སུ་བཟོད་པར་བྱེད་པ་ཡོངས་སུ་སྟོན་པ་དང་། སེམས་ཅན་ཐམས་ཅད་ཀྱིས་མི་སྒུལ་བ་ཡོངས་སུ་སྟོན་པ་དང་། རིམ་གྲོར་བྱས་པ་དང་། རིམ་གྲོར་མ་བྱས་པ་ཐམས་
D44.038.0098a03.01ཅད་ཀྱིས་མཐོ་བ་དང་དམའ་བར་མི་འགྱུར་བ་ཡོངས་སུ་སྟོན་པ་དང་། སེམས་ཅན་ཐམས་ཅད་ལ་ང་རྒྱལ་མེད་པ་ཡོངས་སུ་སྟོན་པ་དང་། ཆོས་ཐམས་ཅད་ཀྱི་རང་བཞིན་ལ་བཟོད་པ་མི་ཟད་པས་ཡེ་ཤེས་མི་ཟད་པ་ཡོངས་སུ་སྟོན་པ་དང་། སེམས་ཅན་
D44.038.0098a04.01ཐམས་ཅད་ཀྱི་ཉོན་མོངས་པ་ཐམས་ཅད་ཡོངས་སུ་སྤང་བའི་ཕྱིར་བཟོད་པའི་སྤྱོད་པ་ཡོངས་སུ་སྟོན་པ་དང་། སེམས་ཅན་ཐམས་ཅད་ཀྱི་ལུས་དབྱིབས་མི་སྡུག་ཅིང་། ཁ་དོག་མི་མཛེས་པའི་གཟུགས་རྣམ་པར་ཟློག་པ་བྱེད་པ་དང་། སེམས་ཅན་
D44.038.0098a05.01ཐམས་ཅད་ལ་དེ་བཞིན་གཤེགས་པའི་སྐུ་མདོག་རྣམ་པར་དག་པ་བླ་ན་མེད་པ་ཡོངས་སུ་སྟོན་ཅིང་སེམས་ཅན་ཡོངས་སུ་སྨིན་པར་བྱེད་པ་མཐོང་ངོ་། །བ་སྤུའི་སྒོ་ཐམས་ཅད་ནས་སེམས་ཅན་ཐམས་ཅད་དང་མཉམ་པའི་སྐྱེ་བ་སྣ་ཚོགས་ཀྱི་ལུས་ཁ་དོག་
D44.038.0098a06.01དང་དབྱིབས་དང་། ཆུ་ཞེངསྣ་ཚོགས་སུ་སྤྲུལ་པའི་སྤྲིན་འཐོན་ཏེ། སེམས་ཅན་རྣམས་ཀྱི་བསམ་པ་ཇི་ལྟ་བ་བཞིན་དུ་རྒྱས་པར་ཁྱབ་པར་བྱས་ནས། ཐམས་ཅད་མཁྱེན་པ་ཉིད་ཀྱི་ཚོགས་ཆེན་པོ་ལ་བརྩོན་འགྲུས་ཀྱིས་སྔོན་དུ་འདོར་བ། ཡང་དག་
D44.038.0098a07.01