完整藏文原文 · 德格版页 当前仅加载第 38 函德格 119a 版页；藏文 NFD、目录标记与异常页序保留在来源切片中，重复版页行以稳定序号区分。
བས་ཤིན་ཏུ་སྣང་བར་བྱས་པ། ལྷ་རྫས་ཀྱི་རོལ་མོ་སྣ་ཚོགས་ཀྱི་ཤིང་ལས། སིལ་སྙན་སྣ་ཚོགས་ཀྱི་སྤྲིན་རླུང་གིས་བསྐྱོད་ཅིང་། ནམ་མཁའི་དབྱིངས་ལས་སྒྲ་དབྱངས་སྙན་པ་འབྱུང་བ། ཉིན་མཚན་གྱི་བདེ་བ་ཉི་མ་དང་ཟླ་བས་འབྱུང་བ། ནོར་
D44.038.0119a01.01བུ་རིན་པོ་ཆེ་ཀུན་ཏུ་སྣང་བས་གཞི་བྱས་པའི་ས་རབ་ཏུ་མཉམ་པར་གྱུར་པ་སྟེ། གླིང་བཞི་པ་དེར་རྒྱལ་པོའི། ཕོ་བྲང་བྱེ་བ་ཁྲག་ཁྲིག་བརྒྱ་སྟོང་བྱུང་བར་གྱུར་ཏེ། རྒྱལ་པོའི་ཕོ་བྲང་དེ་དག་རེ་རེ་ཞིང་ཡང་ཆུ་ཀླུང་སྟོང་གིས་ཡོངས་སུ་བསྐོར་བའོ། །ཆུ་
D44.038.0119a02.01ཀླུང་དེ་དག་ཐམས་ཅད་ཀྱང་ལྷ་རྫས་ཀྱི་མེ་ཏོག་སིལ་མས་གང་བའོ། །ལྷ་རྫས་ཀྱི་རོལ་མོ་དང་། གླུའི་སྒྲ་སྐད་སྙན་ཅིང་ཡིད་དུ་འོང་བ་འབྱིན་པའོ། །ཆུ་འགྲམ་རིན་པོ་ཆེའི་ཤིང་ཡིད་དུ་འོང་བས་རྣམ་པར་བརྒྱན་པའོ། །རིན་པོ་ཆེ་སྣ་ཚོགས་ཀྱིས་ཤིན་
D44.038.0119a03.01ཏུ་བརྒྱན་པའི་གྲུ་ཕན་ཚུན་དུ་རྒྱུ་བའོ། །བདེ་བ་སྣ་ཚོགས་ཅི་དགའ་བར་ཡོངས་སུ་སྤྱད་དུ་ཡོད་པའོ། །ཆུ་ཀླུང་གི་མཚན་མས་ཀྱི་གཞི་རེ་རེ་དག་ན་འང་། གྲོང་ཁྱེར་བྱེ་བ་ཁྲག་ཁྲིག་བརྒྱ་སྟོང་ཕྲག་བཅུ་ཀུན་ནས་གནས་པ་སྟེ། གྲོང་ཁྱེར་དེ་དག་
D44.038.0119a04.01རེ་རེ་ཞིང་ཡང་གྲོང་རྡལ་བྱེ་བ་ཁྲག་ཁྲིག་བརྒྱ་ཕྲག་སྟོང་གིས་ཡོངས་སུ་བསྐོར་བའོ། །གྲོང་དང་གྲོང་ཁྱེར་དང་གྲོང་རྡལ་དེ་དག་ཐམས་ཅད་ཀྱང་ལྷ་རྫས་ཀྱི་བཟའ་ཤིང་གི་ར་བ་དང་། གཞལ་མེད་ཁང་དང་། ཁང་པ་བྱེ་བ་ཁྲག་ཁྲིག་བརྒྱ་ཕྲག་སྟོང་གི་
D44.038.0119a05.01འཁོར་གྱིས་ཡོངས་སུ་བསྐོར་བའོ། །གླིང་བཞི་པ་དེའི་འཛམ་བུའི་གླིང་གི་དབུས་ན་རྒྱལ་པོའི་ཕོ་བྲང་དབུ་མ་རིན་པོ་ཆེའི་མེ་ཏོག་སྒྲོན་མ་ཞེས་བྱ་བ་ཡོད་པར་གྱུར་ཏོ། །དེ་ནི་སྐྱིད་ཅིང་ལོངས་སྤྱོད་ཕུན་སུམ་ཚོགས་པ་དང་ལྡན་ལ། རྟག་
D44.038.0119a06.01དུ་ལོ་ལེགས་ཤིང་བདེ་བའི་རྣམ་པ་ཐམས་ཅད་དང་ལྡན་པའོ། །ལྷ་དང་མི་མང་པོས་ཡོངས་སུ་གང་བའོ། །སེམས་ཅན་དགེ་བ་བཅུའི་ལས་ཀྱི་ལམ་དང་ལྡན་པ་རྣམས་ཀྱི་གནས་སུ་གྱུར་པ་སྟེ། རྒྱལ་པོའི་ཕོ་བྲང་རིན་པོ་ཆེ་མེ་ཏོག་སྒྲོན་མ་
D44.038.0119a07.01