完整藏文原文 · 德格版页 当前仅加载第 38 函德格 38a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ལོངས་སྤྱོད་དུ་མཉམ་པ་ཡང་ཕྱོགས་བཅུའི་འཇིག་རྟེན་ན་མེད་ན་ལྷག་པ་ལྟ་ག་ལས་འོང་། གཡོག་འཁོར་ཕུན་སུམ་ཚོགས་པ། དེ་ལྟ་བུའང་དེ་བཞིན་གཤེགས་པའི་འཁོར་ཕུན་སུམ་ཚོགས་པ་དང་། བྱང་ཆུབ་སེམས་དཔའི་འཁོར་
D44.038.0038a01.01ཕུན་སུམ་ཚོགས་པ་མ་གཏོགས་པར་དེའི་གཡོག་འཁོར་ཕུན་སུམ་ཚོགས་པ་དང་། མཉམ་པ་ཡང་ཕྱོགས་བཅུའི་འཇིག་རྟེན་ན་མེད་ན་ལྷག་པ་ལྟ་ག་ལས་འོང་སྟེ། དགེ་བསྙེན་མ་མི་གཡོ་བ་དེ་ལ་འདོད་ཆགས་དང་ལྡན་པའི་སེམས་ཀྱིས་བལྟ་བར་ནུས་པའི་སེམས་
D44.038.0038a02.01ཅན་དེ་ལྟ་བུའང་ཕྱོགས་བཅུའི་འཇིག་རྟེན་གྱི་སེམས་ཅན་གྱི་རིས་ན་མེད་དོ། །དགེ་བསྙེན་མ་མི་གཡོ་བ་དེ་མཐོང་མ་ཐག་དུ་ཉོན་མོངས་པ་ཞི་བར་མི་འགྱུར་བ་དེ་ལྟ་བུའི་སེམས་ཅན་ཡང་ཕྱོགས་བཅུའི་འཇིག་རྟེན་གྱི་སེམས་ཅན་གྱི་རིས་ན་མེད་དེ། འདི་ལྟ་སྟེ་དཔེར་ན། ཚངས་པ་ཆེན་
D44.038.0038a03.01པོ་སྟོང་ཕྲག་བཅུ་ལ་དབང་སྒྱུར་བ་ལ་ནི་འདོད་པ་ལ་སྤྱོད་པའི་ཉོན་མོངས་པ་རྣམས་མི་རྒྱུའོ། །དེ་བཞིན་དུ་དགེ་བསྙེན་མ་མི་གཡོ་བའང་མཐོང་མ་ཐག་ཏུ་སེམས་ཅན་རྣམས་ཀྱི་ཉོན་མོངས་པ་མི་རྒྱུའོ། །དགེ་བསྙེན་མ་མི་གཡོ་བ་དེ་ལ་བལྟ་བས་ངོམས་པར་འགྱུར་བའི་སེམས་
D44.038.0038a04.01ཅན་དེ་ལྟ་བུའང་ཤེས་རབ་ཀྱིས་ངོམས་པ་མ་གཏོགས་པར་ཕྱོགས་བཅུའི་འཇིག་རྟེན་གྱི་ཁམས་ཀྱི་སེམས་ཅན་གྱི་རིས་ན་མེད་དོ། །དེ་ནས་ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}དགེ་བསྙེན་མ་མི་གཡོ་བའི་ལུས་ཀྱི་བྱིན་བསམ་གྱིས་མི་ཁྱབ་པ་དང་། གཟུགས་དང་ཁ་དོག་དང་དབྱིབས་
D44.038.0038a05.01དང་། ཆུ་ཞེང་བསམ་གྱིས་མི་ཁྱབ་པ་དང་། སའི་གཞི་དང་། གྲོང་ཁྱེར་དང་རིན་པོ་ཆེ་ཐམས་ཅད་ལ་ཐོགས་པ་མེད་པའི་འོད་ཟེར་གྱི་དྲ་བའི་རྒྱན་བསམ་གྱིས་མི་ཁྱབ་པ་དང་། སེམས་ཅན་གྱི་དོན་བསམ་གྱིས་མི་ཁྱབ་པ་བསྒྲུབ་པ་མཐོང་སྟེ། བ་སྤུའི་བུ་ག་ཐམས་ཅད་ནས་བྱུང་བའི་དྲི་
D44.038.0038a06.01ཞིམ་པོ་ཚོར་ནས། འཁོར་རྒྱ་མཚོ་ཕུན་སུམ་ཚོགས་པ་མཐའ་ཡས་པ་མཐོང་སྟེ། ཁྱིམ་དང་གཞལ་མེད་ཁང་གི་རྒྱན་ཕུན་སུམ་ཚོགས་པ་མི་འཕྲོགས་པ་མཐོང་ནས་ཡོན་ཏན་རྒྱ་མཚོ་ཚད་མེད་པ་ཁོང་དུ་ཆུད་དེ། དགེ་བསྙེན་མ་མི་གཡོ་བ་ལ་ཚིགས་སུ་བཅད་པ་འདིས་བསྟོད་དོ། །ཁྱོད་
D44.038.0038a07.01