完整藏文原文 · 德格版页 当前仅加载第 38 函德格 171b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་སུ་གྱུར་ཏོ། །སྙིང་རྗེ་ཆེན་པོའི་ཤུགས་དྲག་པོ་ཤིན་ཏུ་ཡངས་པ་ཡང་བྱུང་བར་གྱུར་ཏོ། །ཕྱི་མའི་མཐའི་བསྐལ་པར་སློངས་མོ་བ་ཐམས་ཅད་ཡོངས་སུ་ཚིམ་པར་བྱ་བ་ལས་ཕྱིར་མི་ལྡོག་པའི་བརྩོན་འགྲུས་ཀྱི་ཤུགས་དྲག་པོ་ཡང་སྐྱེས་པར་གྱུར་ཏོ། །འགྲོ་བ་ཐམས་ཅད་དུ་
D44.038.0171b01.01སྙོམས་པའི་སྦྱོར་བས་ཡོངས་སུ་གཏོང་བའི་སེམས་ཀྱིས་རྒྱས་པར་དགང་བའི་སྤྲིན་ཀྱང་མངོན་པར་བྱུང་བར་གྱུར་ཏེ། རྒྱལ་པོ་ཆོས་ཐམས་ཅད་ཀྱི་ང་རོའི་གདུགས་ཀྱི་དཀྱིལ་འཁོར་རབ་ཏུ་སྒྲོག་པ་དེས། སློངས་མོ་བ་དེ་དག་མཐོང་བའི་མོད་ལ་དེའི་རྒྱུས་ཆེས་དགའ་བར་གྱུར་གྱིས།
D44.038.0171b02.01བསྐལ་པས་མཚམས་མེད་པའི་མཐས་ཀླས་པར་སྟོང་གསུམ་གྱི་འཁོར་ལོས་སྒྱུར་བའི་རྒྱལ་པོ་ཐོབ་པས་ནི་མ་ཡིན་ནོ། །བསྐལ་བ་བྱེ་བ་ཁྲག་ཁྲིག་བརྒྱ་སྟོང་མང་པོའི་མཐས་ཀླས་པར་བརྒྱ་བྱིན་གྱི་དབང་ལ་གནས་པས་ནི་མ་ཡིན་ནོ། །བསྐལ་བ་བྱེ་བ་ཁྲག་ཁྲིག་བརྒྱ་སྟོང་མང་པོའི་
D44.038.0171b03.01མཐས་ཀླས་པར་རབ་མཚེ་མའི་ལྷའི་རྒྱལ་པོའི་དབང་ལ་གནས་པ་ཐོབ་པས་ནི་མ་ཡིན་ནོ། །བསྐལ་བ་བྱེ་བ་ཁྲག་ཁྲིག་བརྒྱ་སྟོང་མང་པོའི་མཐས་ཀླས་པར་རབ་དགའ་ལྡན་གྱི་ལྷའི་རྒྱལ་པོའི་དབང་ལ་གནས་པས་ནི་མ་ཡིན་ནོ། །བསྐལ་བ་ཚད་མེད་པའི་མཐསཀླས་
D44.038.0171b04.01པར་རབ་འཕྲུལ་དགའི་ལྷའི་རྒྱལ་པོའི་དབང་ཕྱུག་གི་དབང་ལ་གནས་པ་ཐོབ་པས་ནི་མ་ཡིན་ནོ། །བསྐལ་བ་བསམ་གྱིས་མི་ཁྱབ་པའི་མཐས་ཀླས་པར་དབང་བསྒྱུར་གྱི་ལྷའི་རྒྱལ་པོའི་དབང་རབ་ཏུ་ཐོབ་སྟེ། ལྷའི་བུ་མོ་བཞིན་བཟང་མོ་ཡིད་དུ་འོང་བས་བསྙེན་བཀུར་
D44.038.0171b05.01བས་ནི་མ་ཡིན་ནོ། །བསྐལ་བ་བརྗོད་དུ་མེད་པའི་མཐས་ཀླས་པར་ཚངས་པའི་ཐབས་ལ་གནས་པ་ཐོབ་པས་ནི་མ་ཡིན་ནོ། །བསྐལ་པ་མཐའ་ཡས་པའི་མཐས་ཀླས་པར་གྱ་ནོམ་སྣང་བའི་ལྷའི་བདེ་བ་ཐོབ་པས་ནི་མ་ཡིན་ནོ། །བསྐལ་
D44.038.0171b06.01བ་དཔག་ཏུ་མེད་ཅིང་མི་ཟད་པར་དགེ་རྒྱས་ཀྱི་ལྷའི་བདེ་བ་ཐོབ་པས་ནི་མ་ཡིན་ནོ། །བསྐལ་བ་མུ་མེད་པའི་མཐས་ཀླས་པར་གནས་གཙང་མའི་ལྷའི་རྣམ་པར་ཐར་པ་ཞི་བའི་བདེ་བ་ལ་རྣམ་པར་སྤྱོད་པ་ཐོབ་པས་ནི་མ་ཡིན་ནོ། །རིགས་ཀྱི་བུ་འདི་ལྟ་སྟེ་དཔེར་ན། སྐྱེས་བུ་
D44.038.0171b07.01