完整藏文原文 · 德格版页 当前仅加载第 38 函德格 316b 版页；藏文 NFD、目录标记与异常页序保留在来源切片中，重复版页行以稳定序号区分。
རུང་སྟེ། ཐམས་ཅད་མཁྱེན་པ་ཉིད་དུ་སེམས་བསྐྱེད་པ་དང་ལྡན་པའི་བྱང་ཆུབ་སེམས་དཔའི་དྲུང་དུ་ཉེ་བར་འོངས་པ་དེ་དག་ཐམས་ཅད་ཀྱང་ཐམས་ཅད་མཁྱེན་པ་ཉིད་ཀྱི་ཁ་དོག་ཏུ་ཁ་དོག་གཅིག་པར་འགྱུར་རོ། །རིགས་ཀྱི་བུ་འདི་ལྟ་སྟེ་དཔེར་ན། ཤིང་སུས་
D44.038.0316b01.01ཀྱང་མི་ཚུགས་པ་དང་། ཀུན་ནས་འདུ་བའི་ཤུན་ཕྲགས་ཀྱི་དྲི་ཞིམ་པོ་འབྱུང་བ་དེ་ལྟ་བུ་ནི་འཛམ་བུ་གླིང་གི་མེ་ཏོག་པར་ཤི་ཀ་དང་། མེ་ཏོག་ཛ་ཏི་དང་། མེ་ཏོག་སུ་མ་ན་ལ་{སྩོགས་,སོགས་}པ་མེ་ཏོག་གི་རྣམ་པ་ཐམས་ཅད་ལ་ཡང་མེད་དོ། །དེ་བཞིན་དུ་བྱང་ཆུབ་སེམས་
D44.038.0316b02.01དཔའ་ཐམས་ཅད་མཁྱེན་པ་ཉིད་དུ་སེམས་བསྐྱེད་པའི་ས་བོན་ལས་བྱུང་བའི་སྨོན་ལམ་གྱི་ཤིང་གི་ཡོན་ཏན་དང་ཡེ་ཤེས་ཀྱི་ཤུན་ཕྲགས་ཀྱི་དྲི་ཞིམ་པོའི་ངད་འབྱུང་བ་འདི་ལྟ་བུ་ནི་དགེ་བའི་རྩ་བ་དམའ་བ་དང་ལྡན་པ་ཐམས་ཅད་དང་། ཉན་ཐོས་དང་། རང་སངས་རྒྱས་
D44.038.0316b03.01ཀྱི་མེ་ཏོག་པར་ཤི་ཀ་དང་། མེ་ཏོག་ཛ་ཏི་དང་། མེ་ཏོག་སུ་མ་ནའི་ཚུལ་ཁྲིམས་དང་། ཏིང་ངེ་འཛིན་དང་ཤེས་རབ་དང་རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང་བ་ཟག་པ་མེད་པ་དང་ལྡན་པ་ཐམས་ཅད་ལ་ཡང་མེད་དོ། །རིགས་ཀྱི་བུ་འདི་ལྟ་
D44.038.0316b04.01སྟེ་དཔེར་ན། ཤིང་སུས་ཀྱང་མི་ཐུབ་པ་དང་། ཀུན་ནས་འདུ་བ་ཁ་འབུས་པར་གྱུར་ན། མེ་ཏོག་སྟོང་ཕྲག་མང་པོའི་འབྱུང་གནས་སུ་གྱུར་པར་ཤེས་པར་བྱའོ། །དེ་བཞིན་དུ་ཐམས་ཅད་མཁྱེན་པ་ཉིད་དུ་སེམས་བསྐྱེད་པའི་ཤིང་ཀུན་ནས་འདུ་བ་དགེ་བའི་རྩ་བས་ཁ་
D44.038.0316b05.01འབྲུས་པར་གྱུར་ན། །ལྷ་དང་{མྱི་,མི་}གྲངས་{མྱེད་,མེད་}པའི་བྱང་ཆུབ་ཀྱི་མེ་ཏོག་ཟག་པ་དང་བཅས་པ་དང་། ཟག་པ་མེད་པའི་སྐྱེ་གནས་སུ་འགྱུར་བར་ཤེས་པར་བྱའོ། །རིགས་ཀྱི་བུ་འདི་ལྟ་སྟེ་དཔེར་ན། ཤིང་ཀུན་ནས་འདུ་བའི་མེ་ཏོག་གིས་ཉི་མ་གཅིག་ཏུ་བསྒོས་
D44.038.0316b06.01བའི་གོས་སམ། ཏིལ་མར་ལས་དྲི་ཞིམ་པོའི་ངད་འབྱུང་བ་དེ་ལྟ་བུ་ཡང་མེ་ཏོག་ཙམ་པ་ཀ་དང་། མེ་ཏོག་སུ་མ་ནས་ཉི་མ་བརྒྱ་ཕྲག་སྟོང་དུ་བསྒོས་པའི་གོས་སམ་ཏིལ་མར་ལས་ཀྱང་མི་འབྱུང་ངོ་། །དེ་བཞིན་དུ་ཐམས་ཅད་མཁྱེན་པ་ཉིད་ཀྱི་སེམས་ཀྱི་རྒྱུད་ཚེ་
D44.038.0316b07.01