完整藏文原文 · 德格版页 当前仅加载第 38 函德格 340b 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་བ་ནི་འོང་བ་མེད་པར་འགྲོའོ། །གཡོ་བ་དང་གནས་པ་མེད་པར་འགྲོའོ། །གནས་དང་བརྟེན་མེད་པར་འགྲོའོ། །ཤི་འཕོ་དང་སྐྱེ་བ་མེད་པར་འགྲོའོ། །གནས་པ་དང་འཕོ་བ་མེད་པར་འགྲོའོ། །གཡོ་བ་དང་ལྡང་བ་མེད་པར་འགྲོའོ། །ལྟོས་
D44.038.0340b01.01པ་དང་གནས་མེད་པར་འགྲོའོ། །ལས་དང་རྣམ་པར་སྨིན་པ་མེད་པར་འགྲོའོ། །{མྱི་,མི་}སྐྱེ་བ་དང་མི་འགག་པར་འགྲོའོ། །རྟག་པ་མེད་པ་དང་ཆད་པ་མེད་པར་འགྲོའོ། །གཞན་ཡང་རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་འགྲོ་བ་ནི་འདུལ་
D44.038.0340b02.01བའི་སེམས་ཅན་ལ་ལྟ་བས་སྙིང་རྗེ་ཆེན་པོའོ། །བྱང་ཆུབ་སེམས་དཔའ་རྣམས་ཀྱི་འགྲོ་བ་ནི་སྡུག་བསྔལ་བའི་སེམས་ཅན་ཡོངས་སུ་སྐྱོབ་པས་བྱམས་པའོ། །བྱང་ཆུབ་སེམས་དཔའ་རྣམས་ཀྱི་འགྲོ་བ་ནི་གང་དུ་དགའ་བར་སྐྱེ་བས་ཚུལ་ཁྲིམས་སོ།
D44.038.0340b03.01བྱང་ཆུབ་སེམས་དཔའ་རྣམས་ཀྱི་འགྲོ་བ་ནི་སྔོན་གྱི་བྱིན་གྱི་རླབས་ཀྱིས་སྨོན་ལམ་མོ། །བྱང་ཆུབ་སེམས་དཔའ་རྣམས་ཀྱི་འགྲོ་བ་ནི་ཐམས་ཅད་དུ་བཞིན་ཡོངས་སུ་སྟོན་པས་མངོན་པར་ཤེས་པའོ། །བྱང་ཆུབ་སེམས་དཔའ་རྣམས་ཀྱི་འགྲོ་བ་ནི་དེ་བཞིན་
D44.038.0340b04.01གཤེགས་པ་ཐམས་ཅད་ཀྱི་ཞབས་ཀྱི་དྲུང་ནས་གཡོ་བ་མེད་པས་མངོན་པར་འདུ་བྱ་བ་མེད་པའོ། །བྱང་ཆུབ་སེམས་དཔའ་རྣམས་ཀྱི་འགྲོ་བ་ནི་ལུས་དང་སེམས་ཡོངས་སུ་མི་གཏོང་བས་ལེན་པ་དང་འདོར་བ་མེད་པའོ། །བྱང་ཆུབ་སེམས་དཔའ་རྣམས་
D44.038.0340b05.01ཀྱི་འགྲོ་བ་ནི་སེམས་ཅན་ཐམས་ཅད་ཀྱི་རྗེས་སུ་འབྲང་བས་ཤེས་རབ་དང་ཐབས་སོ། །བྱང་ཆུབ་སེམས་དཔའ་རྣམས་ཀྱི་འགྲོ་བ་ནི་མིག་ཡོར་དང་གཟུགས་བརྙན་དང་། སྤྲུལ་པ་ལྟ་བུ་ཡིན་པས་སྤྲུལ་པ་ཡོངས་སུ་སྟོན་པའོ། །རིགས་ཀྱི་བུ་
D44.038.0340b06.01གཞན་ཡང་ཁྱོད་ལམ་ཇི་སྲིད་ཅིག་ནས་འོངས་ཤེས་ཁྱོད་ཀྱིས་སྨྲས་པ་ནི། རིགས་ཀྱི་བུ་ང་ནི་ཚེའི་ས་ཡུལ་ཕྲེང་བ་སྟོབས་ཀྱི་གྲོང་རྡལ་ཁང་ཁྱིམ་ཅན་ཞེས་བྱ་བ་དེ་ན་ཚོང་དཔོན་ས་སྐྱོང་ཞེས་བྱ་བ་ཞིག་ཡོད་དེ། དེ་སངས་རྒྱས་ཀྱི་ཆོས་ལ་བཞག་
D44.038.0340b07.01