完整藏文原文 · 德格版页 当前仅加载第 38 函德格 280a 版页；藏文 NFD、目录标记与异常页序保留在来源切片中，重复版页行以稳定序号区分。
དང་ཡིད་ལ་བྱ་བ་ལས་བྱུང་བ། བྱང་ཆུབ་སེམས་དཔའི་སྨོན་ལམ་ལས་མངོན་པར་སྐྱེས་པ། བྱང་ཆུབ་སེམས་དཔའི་དབང་ལས་བྱུང་བ། བྱང་ཆུབ་སེམས་དཔའི་མངོན་པར་ཤེས་པའི་ཡེ་ཤེས་ཀྱི་སྟོབས་ཀྱིས་སྤྲུལ་བ། བྱང་ཆུབ་སེམས་དཔའི་ཐབས་མཁས་
D44.038.0280a01.01པ་ལས་བྱུང་བ། བྱང་ཆུབ་སེམས་དཔའི་བསོད་ནམས་དང་ཡེ་ཤེས་ཀྱི་སྟོབས་ཀྱིས་རྫོགས་པ། བྱང་ཆུབ་སེམས་དཔའི་སྙིང་རྗེ་ཆེན་པོས་སེམས་ཅན་རྣམ་པར་གདུལ་བའི་དོན་དུ་བསྟན་པ། བྱང་ཆུབ་སེམས་དཔའི་བྱིན་གྱི་རླབས་རྣམ་པར་ཕྱེ་བས་བསྒྲུབས་པ། བྱང་ཆུབ་
D44.038.0280a02.01སེམས་དཔའི་རྣམ་པར་ཐར་པ་བསམ་གྱིས་མི་ཁྱབ་པའི་གནས་ལ་འཇུག་པའི་རྒྱན་གྱིས་བརྒྱན་པ་ཡོད་དེ། དེ་ན་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ཞེས་བྱ་བ་སྐྱེ་བའི་ས་ལ་གནས་པའི་{མྱི་,མི་}རྣམས་རྗེས་སུ་གཟུང་བ་དང་། ཕ་དང་མ་དང་གཉེན་དུ་གྱུར་པ་རྣམས་ཡོངས་སུ་སྨིན་
D44.038.0280a03.01པར་བྱ་བ་དང་། དེར་སྐྱེས་བའི་བྱང་ཆུབ་སེམས་དཔའ་སྐལ་བ་མཉམ་པ་རྣམས་ཀྱི་ཐེག་པ་ཆེན་པོ་རབ་ཏུ་བརྟན་པར་བྱ་བ་དང་། དེ་མ་ཡིན་པའི་སེམས་ཅན་གཞན་རྣམས་ཀྱང་གར་འོས་པའི་སར་དགེ་བའི་རྩ་བས་ཡོངས་སུ་སྨིན་པར་བྱ་བ་དང་། རང་གི་རྣམ་པར་
D44.038.0280a04.01ཐར་པའི་ཚུལ་ལ་འཇུག་པར་བྱ་བ་ཡོངས་སུ་བསྟན་པ་དང་། བྱང་ཆུབ་སེམས་དཔའི་སྐྱེ་བ་ལ་དབང་བསྒྱུར་བ་ཐམས་ཅད་ཀྱི་རྗེས་སུ་སོང་བ་རབ་ཏུ་བརྗོད་པ་དང་། སེམས་ཅན་ཐམས་ཅད་ཀྱི་སྐྱེ་བ་ཡོངས་སུ་བསྟན་པ་ལ་མངོན་པར་གཞོལ་བར་བྱ་བས་སེམས་ཅན་ཡོངས་སུ་སྨིན་
D44.038.0280a05.01པར་བྱ་བ་མི་གཏང་བ་དང་། འགྲོ་བ་ཐམས་ཅད་ཡོངས་སུ་གཟུང་བ་མི་སྨད་པས་བྱང་ཆུབ་སེམས་དཔའི་སྙིང་རྗེ་ཆེན་པོའི་སྟོབས་བསྟན་པར་བྱ་བ་དང་། བྱང་ཆུབ་སེམས་དཔའི་གནས་གཞི་རྟེན་ཐམས་ཅད་ལས་གྱེན་དུ་འཕགས་པ་ཁོང་དུ་ཆུད་པར་བྱ་བ་དང་གནས་མེད་
D44.038.0280a06.01པ་ལ་གཞོལ་བར་སྲིད་པར་སྐྱེ་བ་ཐམས་ཅད་ན་གནས་པ་ཡོངས་སུ་བསྟན་པའི་དོན་དུ་འདུག་གིས། དེའི་གན་དུ་སོང་ལ་ཇི་ལྟར་བྱང་ཆུབ་སེམས་དཔས་བྱང་ཆུབ་སེམས་དཔའི་སྤྱོད་པ་ལ་ཡོངས་སུ་དྲི་བ་དང་། ཇི་ལྟར་བྱང་ཆུབ་སེམས་དཔས་བྱང་ཆུབ་སེམས་དཔའི་ལམ་ཡོངས་སུ་
D44.038.0280a07.01