完整藏文原文 · 德格版页 当前仅加载第 38 函德格 99b 版页；藏文 NFD、目录标记与异常页序保留在来源切片中，重复版页行以稳定序号区分。
དག་པར་བརྗོད་པ་དང་། ཆོས་ཀྱི་སྒོ་རྒྱ་མཚོ་ཐམས་ཅད་རྣམ་པར་འབྱེད་པ་དང་། ཆོས་ཐམས་ཅད་ཀྱི་མཚན་ཉིད་དང་རང་བཞིན་དང་ཚུལ་མངོན་པར་བརྗོད་པ་དང་། ཆོས་ཐམས་ཅད་ཏིང་ངེ་འཛིན་གྱི་སྒོར་ཡོངས་སུ་སྟོན་པ་དང་། སེམས་ཅན་ཐམས་ཅད་ཀྱི་
D44.038.0099b01.01དྲི་བ་དང་ཐེ་ཙོམ་རྒྱ་མཚོ་རྣམ་པར་སེལ་བས་ཤེས་རབ་ཀྱི་ཡུལ་ཡོངས་སུ་སྟོན་པ་དང་། སེམས་ཅན་ཐམས་ཅད་ཀྱི་ལྟ་བའི་རི་ཤིན་ཏུ་འཇོམས་པའི་ཤེས་རབ་རྡོ་རྗེ་ཡོངས་སུ་སྟོན་པ་དང་། སེམས་ཀྱི་སྐད་ཅིག་གཅིག་དང་ལྡན་པས། སེམས་ཅན་ཐམས་ཅད་
D44.038.0099b02.01ཀྱི་མ་རིག་པའི་མུན་པ་རྣམ་པར་སེལ་བའི་ཤེས་རབ་ཀྱི་ཉི་མའི་དཀྱིལ་འཁོར་འཆར་བ་ཡོངས་སུ་སྟོན་པ་བྱེད་ཅིང་། སེམས་ཅན་ཐམས་ཅད་ཀྱི་དགའ་བ་ཡོངས་སུ་སྐྱེ་བར་བྱ་བས་སེམས་ཅན་ཡོངས་སུ་སྨིན་པར་བྱེད་པ་མཐོང་ངོ་། །བ་སྤུའི་སྒོ་ཐམས་ཅད་
D44.038.0099b03.01ནས་ཁ་དོག་དང་དབྱིབས་བསམ་གྱིས་མི་ཁྱབ་པའི་ལུས་མང་པོ་འགྲོ་བ་ཐམས་ཅད་དང་མཉམ་པའི་སྤྲུལ་པའི་སྤྲིན་འཐོན་ཏེ་བསམ་པ་དང་མོས་པ་ཇི་ལྟ་བ་བཞིན་དུ་སེམས་ཅན་ཐམས་ཅད་ལ་མངོན་དུ་གནས་ཤིང་། སྒྲ་སྐད་སྣ་ཚོགས་ཀྱིས་ཡོངས་སུ་སྦྱང་བའི་བསྟན་པས་འཇིག་
D44.038.0099b04.01རྟེན་པའི་བསོད་ནམས་དང་བསོད་ནམས་མ་ཡིན་པ་མངོན་པར་སྟོན་པ་དང་། འཇིག་རྟེན་པའི་བྱ་བ་ཐམས་ཅད་རབ་ཏུ་རྒྱུ་བ་དང་ཁམས་གསུམ་པ་འབྱུང་བ་ཐམས་ཅད་ཡོངས་སུ་བསྟན་པ་དང་། ཁམས་གསུམ་པ་ཐམས་ཅད་ལས་འབྱུང་བའི་ཕྱོགས་ཡང་དག་པར་བརྗོད་པ་དང་། ལྟ་
D44.038.0099b05.01བའི་མྱ་ངན་མི་བཟད་པ་ཐམས་ཅད་ལས་འབྱུང་བའི་ཕྱོགས་ཡང་དག་པར་བསྟན་པས། ཐམས་ཅད་མཁྱེན་པ་ཉིད་ཀྱི་ལམ་གྱི་ཁྱད་པར་ཡོངས་སུ་བརྗོད་པ་དང་། ཉན་ཐོས་དང་རང་སངས་རྒྱས་ཀྱི་སའི་ལམ་ལས་ཡོངས་སུ་བཟླ་བ་ཡང་དག་པར་སྟོན་པ་
D44.038.0099b06.01དང་། རིམ་གྲོར་བྱས་པ་དང་། རིམ་གྲོར་མ་བྱས་པ་ལ་བྱམས་སྡང་གིས་གོས་པ་མེད་པར་ཡོངས་སུ་སྟོན་པ་དང་། འཁོར་བ་དང་མྱ་ངན་ལས་འདས་པའི་སྒོ་ལ་མི་གནས་པ་ཡང་དག་པར་སྟོན་པ་དང་། དགའ་ལྡན་གྱི་གནས་ལ་{སྩོགས་,སོགས་}པ་གཅིག་ནས་
D44.038.0099b07.01