完整藏文原文 · 德格版页 当前仅加载第 38 函德格 229a 版页；藏文 NFD、目录标记与异常页序保留在来源切片中，重复版页行以稳定序号区分。
རྟེན་གྱི་ཁམས་ཡོངས་སུ་འབྱུང་བ་དང་། འཇིག་རྟེན་གྱི་ཁམས་པདྨོ་དང་། འཇིག་རྟེན་གྱི་ཁམས་སྡོང་པོ་དང་། འཇིག་རྟེན་གྱི་ཁམས་རྟ་བགབ་དང་། འཇིག་རྟེན་གྱི་{མྱིང་,མིང་}དུ་བྱ་བ་རྣམས་ཀྱི་བསྐལ་པ་རྒྱ་མཚོ་དག་ཀྱང་རབ་ཏུ་ཤེས་
D44.038.0229a01.01སོ། །འཇིག་རྟེན་གྱི་ཁམས་རྒྱ་མཚོ་གཞི་དང་སྙིང་པོ་མེ་ཏོག་གི་རྒྱན་གྱིས་བརྒྱན་པ། འདི་ཇི་ལྟར་ཤེས་པར་གྱུར་པ་དེ་བཞིན་དུ། ཕྱོགས་བཅུ་མཐའ་ཡས་མུ་མེད་པའི་འཇིག་རྟེན་གྱི་ཁམས་རྒྱ་མཚོ་ཆོས་ཀྱི་དབྱིངས་ཀྱིས་ཀླས་པ། ནམ་མཁའི་
D44.038.0229a02.01མཐས་གཏུགས་པ་དག་གི་བཅོམ་ལྡན་འདས་རྣམ་པར་སྣང་མཛད་ཀྱི་སྔོན་གྱི་སྨོན་ལམ་རྒྱ་མཚོ་དག་ཀྱང་རབ་ཏུ་ཤེས་སོ། །རྗེས་སུ་དྲན་ནོ། །སྔོན་གྱི་སྦྱོར་བ་རྒྱ་མཚོ་དག་ལའང་ཤེས་ཤིང་། ཁོང་དུ་ཆུད་དོ། །སྔོན་ཡོངས་སུ་བསྒྲུབས་པའི་ཚུལ་རྒྱ་
D44.038.0229a03.01མཚོ་དག་ལའང་ཤེས་ཤིང་ཁོང་དུ་ཆུད་དོ། །བསྐལ་པ་མཐའ་དང་དབུས་མེད་པར་བྱང་ཆུབ་སེམས་དཔའ་སྤྱོད་པ་ལ་ཡང་དག་པར་བཞུགས་པ་མཛད་པ་དག་ཀྱང་ཤེས་ཤིང་ཁོང་དུ་ཆུད་དོ། །ཞིང་ཡོངས་སུ་དག་པར་མཛད་པའི་ཚུལ་དག་ཀྱང་ཤེས་ཤིང་ཁོང་
D44.038.0229a04.01དུ་ཆུད་དོ། །སེམས་ཅན་ཡོངས་སུ་སྨྱིན་པར་མཛད་པའི་ཐབས་ཀྱི་ཚུལ་དག་ཀྱང་ཤེས་ཤིང་ཁོང་དུ་ཆུད་དོ། །སྔོན་གྱི་དེ་བཞིན་གཤེགས་པ་རྣམས་ལ་བསྙེན་བཀུར་མཛད་ཅིང་གཤེགས་པའི་རྣམ་པར་འཕྲུལ་བ་དག་ཀྱང་ཤེས་ཤིང་ཁོང་དུ་ཆུད་དོ། །སྔོན་གྱི་
D44.038.0229a05.01དེ་བཞིན་གཤེགས་པ་ལ་མཆོད་ཅིང་རིམ་གྲོར་མཛད་པའི་སྦྱོར་བའི་ཚུལ་དག་ཀྱང་ཤེས་ཤིང་ཁོང་དུ་ཆུད་དོ། །སྔོན་གྱི་དེ་བཞིན་གཤེགས་པ་དག་གིས་ཆོས་བསྟན་པ་ཡོངས་སུ་བཟུང་བའི་ཚུལ་དག་ཀྱང་ཤེས་ཤིང་ཁོང་དུ་ཆུད་དོ། །སྔོན་བྱང་ཆུབ་སེམས་དཔའ་
D44.038.0229a06.01ཏིང་ངེ་འཛིན་རབ་ཏུ་བརྙེས་པའི་ཚུལ་དག་ཀྱང་ཤེས་ཤིང་ཁོང་དུ་ཆུད་དོ། །ཡོ་བྱད་ལ་དབང་བསྒྱུར་བ་རབ་ཏུ་བརྙེས་པའི་ཚུལ་དག་ཀྱང་ཤེས་ཤིང་ཁོང་དུ་ཆུད་དོ། །སྔོན་གྱི་དེ་བཞིན་གཤེགས་པའི་ཡོན་ཏན་རྒྱ་མཚོ་ལ་ནན་ཏན་ཏུ་མཛད་པའི་ཚུལ་དག་ཀྱང་
D44.038.0229a07.01