完整藏文原文 · 德格版页 当前仅加载第 38 函德格 357a 版页；藏文 NFD、目录标记与异常页序保留在来源切片中，重复版页行以稳定序号区分。
བཀྱེ་བ་མཐོང་བས་ལ་ལས་ནི་ཞིང་བསྐྱོད་པས་ལ་ལས་ནི་གཟུགས་ཀྱི་ལུས་བསྟན་པས་ལ་ལས་ནི་དགའ་བར་བྱས་པས་ཡོངས་སུ་སྨིན་པར་འགྱུར་ཏེ། རིགས་ཀྱི་བུ་དེ་ལྟར་ཐབས་ཀྱི་ཚུལ་སངས་རྒྱས་ཀྱི་ཞིང་གི་རྡུལ་ཤིན་
D44.038.0357a01.01ཏུ་ཕྲ་བ་སྙེད་ཀྱི་སེམས་ཅན་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །རིགས་ཀྱི་བུ་སེམས་ཅན་གང་གིས་ངའི་སངས་རྒྱས་ཀྱི་ཞིང་ཡོངས་སུ་དག་པ་ཐོབ་པ་དེ་དག་ནི་སངས་རྒྱས་ཀྱི་ཞིང་ཡོངས་
D44.038.0357a02.01སུ་དག་པར་སྐྱེའོ། །གང་གིས་ངའི་ལུས་ཡོངས་སུ་དག་པ་མཐོང་བར་གྱུར་པ་དེ་དག་ནི་ངའི་ལུས་ལྟ་བུར་སྐྱེ་བར་འགྱུར་གྱིས་རིགས་ཀྱི་བུ་ངའི་ལུས་རྣམ་པར་དག་པ་འདི་ལ་ལྟོས་ཤིག །དེ་ནས་ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}བྱང་ཆུབ་སེམས་དཔའ་
D44.038.0357a03.01ཀུན་ཏུ་བཟང་པོའི་ལུས་ལ་བསམ་པ་དང་། བ་སྤུའི་བུ་ག་རེ་རེ་ལ་ཡང་སངས་རྒྱས་ཀྱི་ཞིང་རྒྱ་མཚོ་བརྗོད་དུ་མེད་པའི་ཡང་བརྗོད་དུ་མེད་པའི་སངས་རྒྱས་སྐྱེ་བས་ཡོངས་སུ་གང་བ་མཐོང་ངོ་། །ཞིང་རྒྱ་མཚོ་རེ་རེ་ན་ཡང་དེ་བཞིན་གཤེགས་པ་བྱང་ཆུབ་སེམས་དཔའི་
D44.038.0357a04.01འཁོར་རྒྱ་མཚོས་ཀུན་ནས་བསྐོར་བ་མང་པོ་བཞུགས་པ་མཐོང་ངོ་། །ཞིང་རྒྱ་མཚོ་དེ་དག་ཐམས་ཅད་ཀྱང་གཞི་སྣ་ཚོགས་དང་དབྱིབས་སྣ་ཚོགས་དང་། རྒྱན་སྣ་ཚོགས་དང་འཁོར་ཡུག་སྣ་ཚོགས་དང་སྤྲིན་སྣ་ཚོགས་དང་ནམ་མཁའ་སྣ་ཚོགས་
D44.038.0357a05.01ཀྱིས་ཀུན་ནས་ཁེབས་པ་དང་། སངས་རྒྱས་འབྱུང་བ་སྣ་ཚོགས་དང་ཆོས་ཀྱི་འཁོར་ལོ་སྣ་ཚོགས་ཀྱི་དབྱངས་དང་ལྡན་པར་མཐོང་ངོ་། །བ་སྤུའི་བུ་ག་རེ་རེ་ལ་ཇི་ལྟ་བ་བཞིན་དུ་བ་སྤུའི་བུ་ག་མ་ལུས་པ་ཐམས་ཅད་དང་། མཚན་ཐམས་ཅད་དང་དཔེ་
D44.038.0357a06.01བྱད་བཟང་པོ་ཐམས་ཅད་དང་། ཡན་ལག་དང་ཉིང་ལག་ཐམས་ཅད་ལ་ཡང་དེ་བཞིན་ཏེ། ཞིང་རྒྱ་མཚོ་རེ་རེ་ནས་ཀྱང་སངས་རྒྱས་ཀྱི་སྐུ་སྤྲུལ་པའི་སྤྲིན་སངས་རྒྱས་ཀྱི་ཞིང་ཐམས་ཅད་ཀྱི་རྡུལ་ཤིན་ཏུ་ཕྲ་བ་སྙེད་བྱུང་ནས་ཕྱོགས་བཅུར་འཇིག་རྟེན་གྱི་ཁམས་
D44.038.0357a07.01