完整藏文原文 · 德格版页 当前仅加载第 38 函德格 83a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་པའི་ལམ་བསྟན་པ་དང་། ཀ་ལ་པིང་ཀའི་སྒྲ་སྐད་བསྒྲག་པ་དང་། རྨ་བྱའི་རྒྱལ་པོའི་སྐད་འབྱིན་པའི་དབྱངས་དང་། སྨན་འབར་བས་སྣང་བའི་གཟུགས་དང་། རིའི་ལྷའི་འོད་ཀྱི་གཟུགས་དང་། རིའི་ཕུག་དང་སུལ་དང་།
D44.038.0083a01.01ལྟོངས་སུ་རླག་སྟེ། སྡུག་བསྔལ་སྣ་ཚོགས་ཀྱིས་གཙེས་པའི་སེམས་ཅན་རྣམས་ཀྱི་མུན་པའི་རབ་རིབ་རྣམ་པར་བསལ་བ་དང་། སའི་གཞི་མཉམ་པར་མངོན་པར་བསྒྲུབ་པས་སྐྱབས་སུ་གྱུར་པར་བྱེད་དེ། སེམས་ཀྱང་ཇི་ལྟར་བདག་གིས་སེམས་ཅན་
D44.038.0083a02.01རི་ལ་སྤྱོད་པ་འདི་དག་ཡོངས་སུ་བསྐྱབས་པ་དེ་བཞིན་དུ་འཁོར་བའི་རིའི་ལམ་རྒྱུད་གཡང་ས་ལ་གནས་ཤིང་རྒ་ཤིའི་གདོན་གྱིས་ཟིན་པ་དེ་དག་གི་སྐྱབས་སུའང་བདག་འགྱུར་བར་ཤོག་ཤིག་པར་བསྐྱེད་དོ། །ནགས་ཚལ་ཐིབས་པོའི་དྲ་བས་ཐོགས་པའི་
D44.038.0083a03.01སེམས་ཅན་མཚན་མོ་མུན་པའི་མུན་ནག་གིས་ཆོད་དེ། ཤིང་དང་། ཤིང་འཕྲན་འཛིངས་པའི་གསེབ་ཤིན་ཏུ་ཉམ་ང་བ་དང་། ཆུ་དང་། རྩྭ་དང་། སྤོང་པོ་དང་། འཁྲི་ཤིང་གིས་ལམ་ཆོད་པ་དང་། ཤིང་དང་ཤིང་ཕྲན་སྣ་ཚོགས་ཀྱི་ནགས་ཚལ་ཐིབས་པའི་ནང་དུ་ཕྱིན་
D44.038.0083a04.01ཏེ། སྟག་གི་སྒྲ་ཐོས་པས་སྐྲག་པའི་སྙིང་ཅན་དོན་མ་གྲུབ་པས། སེམས་འཁྲུགས་པར་གྱུར་པ་དང་། འཇིགས་པ་དང་འཚེ་བ་དང་། མི་དགའ་བ་སྣ་ཚོགས་ཀྱིས་ཉམས་མི་བདེ་བ་ནགས་ཚལ་སྟུག་པ་ནས་འབྱུང་བའི་ཕྱོགས་མི་ཤེས་པ་རྣམས་ལ།
D44.038.0083a05.01ཁོ་མོ་ནི་བདེ་བར་འགྲོ་བའི་ལམ་ཡོངས་སུ་སྟོན་པ་བྱེད་དེ། སེམས་ཀྱང་འདི་ལྟར་དགེ་བའི་རྩ་བ་འདིས་སེམས་ཅན་ལྟ་བའི་ཐིབས་པོ་སྣ་ཚོགས་ལ་གནས་པ། སྲེད་པའི་དྲ་བས་འཁྲིས་པར་གྱུར་པ། འཁོར་བའི་སྡུག་བསྔལ་སྣ་ཚོགས་ཀྱིས་གཙེས་
D44.038.0083a06.01པ་རྣམས་སྡུག་བསྔལ་ཐམས་ཅད་ལས་ཡོངས་སུ་འགྲེལ་བར་ཤོག་ཤིག་པར་བསྐྱེད་དོ། །འབྲོག་དགོན་པ་ལ་སྤྱོད་པའི་སེམས་ཅན་མུན་པའི་ནང་ན་འཐོམས་པ་རྣམས་ཀྱང་ཐབས་ཀྱི་སྒོ་སྣ་ཚོགས་ཀྱིས་བདེ་བ་ཡོངས་སུ་བསྐྱེད་ཅིང་ལམ་བསྟན་ཏེ། དེ་དག་
D44.038.0083a07.01