完整藏文原文 · 德格版页 当前仅加载第 38 函德格 350a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་གཏོགས་པའི་སངས་རྒྱས་ཀྱི་ཞིང་ཐམས་ཅད་དང་འདྲ་བ། སངས་རྒྱས་ཀྱི་ཞིང་ཐམས་ཅད་ཀྱི་རྡུལ་ཤིན་ཏུ་ཕྲ་བ་སྙེད་མངོན་པར་འཐོན་ནས། ཆོས་ཀྱི་དབྱིངས་ནམ་མཁའི་མཐས་ཀླས་པ། ཐམས་ཅད་རྒྱས་པར་བཀང་སྟེ།
D44.038.0350a01.01སེམས་ཅན་གནས་མེད་པ་དང་སྐྱབས་{མྱེད་,མེད་}པ་དང་རྟེན་{མྱེད་,མེད་}པ་རྣམས་ཀྱི་གནས་དང་། སྐྱབས་དང་རྟེན་དུ་གྱུར་པར་མཐོང་ངོ་བ་སྤུའི་བུ་ག་ཐམས་ཅད་ཀྱི་བ་སྤུའི་སྒོ་རེ་རེ་ནས་ཀྱང་། སེམས་ཀྱི་སྐད་ཅིག་རེ་རེ་ལས་སངས་རྒྱས་ཀྱི་ཞིང་ཡོངས་སུ་དག་པ། སངས་
D44.038.0350a02.01རྒྱས་འབྱུང་བ་དང་། བྱང་ཆུབ་སེམས་དཔའི་འཁོར་གྱི་དཀྱིལ་འཁོར་ཐམས་ཅད་ཀྱིས་ཡོངས་སུ་གང་བའི་སྤྲིན་སངས་རྒྱས་ཀྱི་ཞིང་ཐམས་ཅད་ཀྱི་རྡུལ་ཤིན་ཏུ་ཕྲ་བ་སྙེད་མངོན་པར་འཐོན་ནས། ཆོས་ཀྱི་དབྱིངས་ནམ་མཁའི་མཐས་ཀླས་པ་ཐམས་ཅད་རྒྱས་པར་བཀང་སྟེ།
D44.038.0350a03.01སེམས་ཅན་མོས་པ་རླབས་པོ་ཆེ་རྣམས་ཡོངས་སུ་དག་པར་སྒྲུབ་པ་མཐོང་ངོ་། །བ་སྤུའི་བུ་ག་ཐམས་ཅད་ལས་བ་སྤུའི་སྒོ་རེ་རེ་ནས་ཀྱང་སེམས་ཀྱི་སྐད་ཅིག་རེ་རེ་ལ་སངས་རྒྱས་ཀྱི་ཞིང་རྣམ་པར་དག་པ་ལ་ཀུན་ནས་ཉོན་མོངས་པ་སངས་རྒྱས་ཀྱི་ཞིང་ཐམས་ཅད་ཀྱི་རྡུལ་
D44.038.0350a04.01ཤིན་ཏུ་ཕྲ་བ་སྙེད་ཀྱི་སྤྲིན་མང་པོ་མངོན་པར་འཐོན་ནས། ཆོས་ཀྱི་དབྱིངས་ནམ་མཁའི་དབྱིངས་ཀྱི་མཐས་ཀླས་པ་ཐམས་ཅད་རྒྱས་པར་བཀང་སྟེ་ཀུན་ནས་ཉོན་མོངས་པའི་སེམས་ཅན་རྣམས་རྣམ་པར་དག་པར་སྒྲུབ་པ་མཐོང་ངོ་། །བ་སྤུའི་བུ་ག་རེ་རེའི་བ་སྤུའི་སྒོ་ཐམས་ཅད་
D44.038.0350a05.01ནས་སེམས་ཀྱི་སྐད་ཅིག་རེ་རེ་ལ་སངས་རྒྱས་ཀྱི་ཞིང་ཀུན་ནས་ཉོན་མོངས་ལ་རྣམ་པར་དག་པ་སངས་རྒྱས་ཀྱི་ཞིང་ཐམས་ཅད་ཀྱི་རྡུལ་ཤིན་ཏུ་ཕྲ་བ་སྙེད་ཀྱི་སྤྲིན་མང་པོ་མངོན་པར་འཐོན་ནས། ཆོས་ཀྱི་དབྱིངས་ནམ་མཁའི་དབྱིངས་ཀྱིས་ཀླས་པ་ཐམས་ཅད་རྒྱས་
D44.038.0350a06.01པར་བཀང་སྟེ། སེམས་ཅན་གཅིག་ཏུ་ཀུན་ནས་ཉོན་མོངས་པ་རྣམས་རྣམ་པར་དག་པར་སྒྲུབ་པ་མཐོང་ངོ་། །བ་སྤུའི་བུ་ག་ཐམས་ཅད་ལས་བ་སྤུའི་སྒོ་རེ་རེ་ནས་ཀྱང་སེམས་ཅན་ཐམས་ཅད་ཀྱི་ལུས་ཀྱི་སྤྲིན་སངས་རྒྱས་ཀྱི་ཞིང་ཐམས་ཅད་ཀྱི་རྡུལ་ཤིན་ཏུ་ཕྲ་བ་
D44.038.0350a07.01