完整藏文原文 · 德格版页 当前仅加载第 38 函德格 338b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་རྣམ་པ་ལ་ཞུགས་པས། ཉི་མ་གཅིག་གམ། ཉི་མ་བདུན་ནམ། ཟླ་བ་ཕྱེད་དམ། ཟླ་བ་གཅིག་གམ། ལོ་གཅིག་གམ། ལོ་བརྒྱར་ཡང་འདུ་ཤེས་ཀྱི་རྣམ་པར་ཤེས་ཏེ། ཀླུའི་འདུ་ཤེས་ཀྱི་རྣམ་པ་དང་། བྲལ་ནས།
D44.038.0338b01.01མིའི་འདུ་ཤེས་ཀྱི་རྣམ་པར་ན་ཡིད་ཙམ་ལས་མ་ལོན་པར་མཐོང་ངོ་། །དེ་བཞིན་དུ་ཚོང་དཔོན་གྱི་བུ་ནོར་{བཟངས་,བཟང་}བྱང་ཆུབ་སེམས་དཔའི་འདུ་ཤེས་ཀྱི་རྣམ་པ་མ་བཏང་བའི་བློ་དང་ལྡན་པས་ཀྱང་། བྱང་ཆུབ་སེམས་དཔའ་བྱམས་
D44.038.0338b02.01པའི་བྱིན་གྱི་རླབས་ཀྱིས། ཡུད་ཙམ་གཅིག་པོ་དེ་ཡང་བསྐལ་པ་བྱེ་བ་ཁྲག་ཁྲིག་བརྒྱ་སྟོང་མང་པོར་ཤེས་པར་གྱུར་ཏོ། །འདི་ལྟ་སྟེ། དཔེར་ན། ཚངས་པ་ཆེན་པོའི་གཞལ་མེད་ཁང་འགྲོ་བ་ཐམས་ཅད་ན་རྒྱན་གྱི་དམ་པ་ཕུལ་
D44.038.0338b03.01ཞེས་བྱ་བ་ཡོད་དེ། དེའི་ནང་དུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་ཀྱང་། གཟུགས་བརྙན་གྱི་ཚུལ་དུ་དམིགས་པ་ཐམས་ཅད་དང་མ་འདྲེས་པར་གསལ་བར་སྣང་ངོ་། །དེ་བཞིན་དུ་ཚོང་དཔོན་གྱི་
D44.038.0338b04.01བུ་ནོར་{བཟངས་ཀྱིས་,བཟང་གིས་}ཀྱང་། རྒྱན་དེ་དག་ཐམས་ཅད་དམིགས་པ་ཐམས་ཅད་དུ། ཕན་ཚུན་མ་འདྲེས་པ་དང་། ཕན་ཚུན་མ་འཛིངས་པར་གཟུགས་བརྙན་རབ་ཏུ་བྱུང་བ་མཐོང་ངོ་། །འདི་ལྟ་སྟེ། དཔེར་ན།
D44.038.0338b05.01རྒྱས་པའི་སྐྱེ་མཆེད་ཀྱི་སྙོམས་པར་འཇུག་པ་ལ་རྣམ་པར་སྤྱོད་པའི་དགེ་སློང་ནི། གཅིག་པུ་གཉིས་སུ་མེད་པར་ཁང་བུའམ། འཆག་ས་འམ། འདུག་པའི་གནས་ན་འདུག་གམ། འགྲེང་ཡང་རུང་སྟེ། འཇིག་
D44.038.0338b06.01རྟེན་ཐམས་ཅད་རྒྱས་པའི་སྐྱེ་མཆེད་གང་ལ་སྙོམས་པར་ཞུགས་པའི། ཡུལ་བཞིན་དུ་བསམ་གཏན་པའི་ཡུལ། བསམ་གྱིས་མི་ཁྱབ་པར་མཐོང་ཞིང་། ཉམས་སུ་མྱོང་ངོ་། །དེ་བཞིན་དུ་ཚོང་དཔོན་གྱི་
D44.038.0338b07.01