完整藏文原文 · 德格版页 当前仅加载第 38 函德格 347a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་མཐོང་བར་འགྱུར་བའི། སྔོན་གྱི་ལྟས་བཅུ་པོ་དེ་དག་བྱུང་བར་གྱུར་ཏོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་མཐོང་བར་འགྱུར་བའི་སྔོན་གྱི་
D44.038.0347a01.01ལྟས་སྣང་བ་ཆེན་པོ་བཅུ་བྱུང་བར་གྱུར་ཏེ། བཅུ་གང་ཞེ་ན་འདི་ལྟ་སྟེ། འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་བ་རྣམས་ལས་རྡུལ་ཤིན་ཏུ་ཕྲ་བ་རེ་རེ་ཞིང་ཡང་དེ་བཞིན་གཤེགས་པ་ཐམས་ཅད་ཀྱི་འོད་ཟེར་གྱི་དྲ་བ་མང་པོ་རྣམ་པར་སྣང་བར་གྱུར་
D44.038.0347a02.01ཏོ། །འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་བ་རྣམས་ལས་རྡུལ་ཤིན་ཏུ་ཕྲ་བ་རེ་རེ་ལས་ཀྱང་སངས་རྒྱས་ཐམས་ཅད་ཀྱི་འོད་ཀྱི་དཀྱིལ་འཁོར་མང་པོ་འཐོན་ཏེ། ཁ་དོག་གཅིག་པ་དང་ཁ་དོག་སྣ་ཚོགས་དང་ཁ་དོག་བརྒྱ་སྟོང་དུ་མར་ཆོས་ཀྱི་
D44.038.0347a03.01དབྱིངས་ཐམས་ཅད་རྒྱས་པར་འགེངས་པར་གྱུར་ཏོ། །འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་བ་རྣམས་ལས་རྡུལ་ཤིན་ཏུ་ཕྲ་བ་རེ་རེ་ལས་ཀྱང་རིན་པོ་ཆེ་ཐམས་ཅད་ཀྱི་སྤྲིན་དེ་བཞིན་གཤེགས་པ་ཐམས་ཅད་ཀྱི་གཟུགས་བརྙན་རྣམ་པར་དམིགས་
D44.038.0347a04.01པར་བྱེད་པ་མང་པོ་འཐོན་ཏེ། ཆོས་ཀྱི་དབྱིངས་ཐམས་ཅད་རྒྱས་པར་འགེངས་པར་གྱུར་ཏོ། །འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་བ་རྣམས་ལས་རྡུལ་ཤིན་ཏུ་ཕྲ་བ་རེ་རེ་ལས་ཀྱང་དེ་བཞིན་གཤེགས་པ་ཐམས་ཅད་ཀྱི་འོད་འཕྲོ་བའི་
D44.038.0347a05.01འཁོར་ལོ་དང་དཀྱིལ་འཁོར་གྱི་སྤྲིན་མང་པོ་འཐོན་ཏེ། ཆོས་ཀྱི་དབྱིངས་ཐམས་ཅད་རྒྱས་པར་འགེངས་པར་གྱུར་ཏོ། །འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་བ་རེ་རེ་ལས་ཀྱང་སྤོས་དང་། མེ་ཏོག་དང་
D44.038.0347a06.01ཕྲེང་བ་དང་བྱུག་པ་དང་བདུག་པའི་སྤྲིན་མང་པོ་འཐོན་ཏེ། བྱང་ཆུབ་སེམས་དཔའ་ཀུན་ཏུ་བཟང་པོའི་ཡོན་ཏན་གྱི་ཆོས་རྒྱ་མཚོའི་སྤྲིན་ཐམས་ཅད་ཀྱི་འབྲུག་སྒྲ་རབ་ཏུ་སྒྲོག་ཅིང་ཕྱོགས་བཅུའི་ཆོས་ཀྱི་དབྱིངས་ཐམས་ཅད་རྒྱས་པར་འགེངས་པར་གྱུར་ཏོ།
D44.038.0347a07.01