完整藏文原文 · 德格版页 当前仅加载第 38 函德格 232a 版页；藏文 NFD、目录标记与异常页序保留在来源切片中，重复版页行以稳定序号区分。
བལྟ་ན་སྡུག་པ། ཁ་དོག་བཟང་པོའི་མཆོག་ཤིན་ཏུ་རྒྱས་པ་དང་ལྡན་པ་ཤ་སྟག་གོ །རྒྱལ་པོ་ནོར་གྱི་བདག་པོ་དེའི་བཙུན་མོ་དམ་པ་ནི་པདྨོའི་དཔལ་དམ་པ་འབྱུང་བ་ཞེས་བྱ་བ་སྟེ། བུད་མེད་སྟོང་ཕྲག་བརྒྱད་ཅུ་རྩ་བཞི་པོ་
D44.038.0232a01.01དེ་དག་གི་ནང་ནས་གཙོ་མོར་བྱ་བའོ། །དེའི་བུ་གཟི་བརྗིད་ཀྱི་དབང་པོ་ཞེས་བྱ་བ་གཟུགས་བཟང་བ་ཤིན་ཏུ་མཛེས་པ་བལྟ་ན་སྡུག་པ། མི་ཆེན་པོའི་མཚན་སུམ་ཅུ་རྩ་གཉིས་ཀྱིས་རབ་ཏུ་བརྒྱན་པའི་ལུས་དང་ལྡན་པ་ཞིག་ཡོད་པར་གྱུར་ཏེ། དེ་ལ་མི་
D44.038.0232a02.01ཆེན་པོའི་མཚན་སུམ་ཅུ་རྩ་གཉིས་པོ་འདི་དག་ཡོད་པར་གྱུར་ཏོ། །དེའང་འདི་ལྟར་རྒྱལ་བུ་གཞོན་ནུ་གཟི་བརྗིད་ཀྱི་བདག་པོ་དེ་རྐང་པའི་མཐིལ་ཤིན་ཏུ་གནས་པ་དང་ལྡན་ཏེ། ས་ཆེན་པོ་ལ་རྐང་པའི་མཐིལ་འདོར་ན་མཉམ་པར་འདོར་ལ།
D44.038.0232a03.01འདེག་ན་མཉམ་པར་འདེག་སྟེ། གཞོག་ན་རྐང་པའི་མཐིལ་ཀུན་གྱིས་ས་ཆེན་པོ་ལ་མཉམ་པར་རེག་གོ །དེའི་རྐང་པའི་མཐིལ་གཉིས་ལ་འཁོར་ལོ་རྩིབས་སྟོང་དང་ལྡན་པ། ལྟེ་བ་དང་བཅས་པ་མུ་ཁྱུད་དང་བཅས་པ། རྣམ་པ་ཐམས་
D44.038.0232a04.01ཅད་དུ་ཤིན་ཏུ་ཚང་བ་ཤིན་ཏུ་མཛེས་པ་བལྟ་ན་སྡུག་པ་དག་ཀྱང་བྱུང་བར་གྱུར་ཏོ། །དེའི་རྐང་པའི་བོ་ལ་གཉིས་ཀྱང་ཤིན་ཏུ་རྒྱས་པར་གྱུར་ཏོ། །རྐང་པའི་སྟེང་གི་མདོག་ཤིན་ཏུ་གསལ་ལ། ཤིན་ཏུ་མཛེས་ཏེ། མེ་ཏོག་དམ་པ་
D44.038.0232a05.01བས་ཀྱང་ལྷག་པར་མདོག་བཟང་ཞིང་གསལ་བར་གྱུར་ཏེ། དེའི་རྐང་ལག་གི་སོར་མོ་དྲ་བར་འབྲེལ་པར་གྱུར་ཏེ། ཤིན་ཏུ་མཛེས་པ་རྣམ་པར་ཕྱེ་བ། བུ་ག་མེད་པས་ཟག་པ་མེད་པ་ནི་དཔེར་ན་ངང་པའི་རྒྱལ་པོ་གནས་སྲུང་ལྟ་བུར་གྱུར་ཏོ། །དེའི་རྐང་
D44.038.0232a06.01པའི་རྟིང་པ་ཡངས་པ་ཤིན་ཏུ་དག་ལ་ཤིན་ཏུ་གསལ་བ་རིན་པོ་ཆེ་ཐམས་ཅད་ཀྱི་འོད་རབ་ཏུ་འགྱེད་པར་གྲུབ་པ་དང་ལྡན་པར་གྱུར་ཏོ། །དེའི་སོར་མོ་རྣམས་ཀྱང་རིང་ཞིང་ཟླུམ་ལ་ཚིགས་བར་མཉམ་ཞིང་ཡངས་པ་དང་ལྡན་པར་གྱུར་ཏེ། དེ་དག་མཉམ་པར་
D44.038.0232a07.01