完整藏文原文 · 德格版页 当前仅加载第 38 函德格 216a 版页；藏文 NFD、目录标记与异常页序保留在来源切片中，重复版页行以稳定序号区分。
བརྩེགས་པ་ཞེས་བྱ་བ་བྱུང་སྟེ། ཕོ་བྲང་བརྩེགས་པ་དེའི་ནང་དུ་ཤིང་འདོད་པ་ཐམས་ཅད་འབྱིན་པའི་ཡལ་ག་ལ་འཇུ་སྟེ། ལྷ་མོ་རབ་ཏུ་དགའ་བའི་འོད་ལ་དབང་བསྒྱུར་བ་ལས་བཅོམ་ལྡན་འདས་དེ་བཞིན་གཤེགས་པ་དབང་ཕྱུག་གི་ཡོན་
D44.038.0216a01.01ཏན་གཞན་གྱིས་མི་ཐུབ་པའི་རྒྱལ་མཚན་བལྟམ་མོ། །དེའི་ཚེ་བཅོམ་ལྡན་འདས་དེ་བལྟམ་ཁར། མ་མ་དྲི་མ་མེད་པ་སྐྱེད་པའི་འོད་ཅེས་བྱ་བ་སྟ་གོན་དུ་གནས་གནས་ཏེ། བྱང་ཆུབ་སེམས་དཔའ་དེ་བལྟམ་པར་གྱུར་མ་ཐག་ཏུ་འཇིག་རྟེན་གྱི་དབང་པོ་
D44.038.0216a02.01རྣམས་ཀྱིས་སྤོས་དྲི་ཤིན་ཏུ་ཞིམ་པའི་སྤོས་ཆུའི་བུམ་པ། མེ་ཏོག་དྲི་ཞིམ་ཞིང་ཡིད་དུ་འོང་བ་སྣ་ཚོགས་མངོན་པར་འཐོར་བས་སྐུ་བསིལ་ཏེ། དེ་ལ་ཚུལ་དང་མཐུན་པའི་མཆོད་པ་བསམ་གྱིས་མི་ཁྱབ་ལ་གྲངས་མེད་པ་མཆོག་ཏུ་བྱ་བས་མཆོད་ནས་མ་མ་དྲི་མ་མེད་
D44.038.0216a03.01པ་སྐྱེད་པའི་འོད་ཀྱི་པང་དུ་བཞག་གོ །མ་མ་དེས་བྱང་ཆུབ་སེམས་དཔའ་པང་དུ་བླངས་མ་ཐག་ཏུ། དེའི་མོད་ལ་མ་མ་དེ་དགའ་བ་དང་མོས་པའི་ཤུགས་ཆེན་པོ་ཐོབ་པར་གྱུར་ནས། བྱང་ཆུབ་སེམས་དཔའི་ཏིང་ངེ་འཛིན་ཡུལ་ཀུན་ཏུ་ལྟ་བ་ཞེས་
D44.038.0216a04.01བྱ་བ་ཐོབ་པར་གྱུར་ཏོ། །དེ་ཐོབ་པར་གྱུར་མ་ཐག་ཏུ་དེས་ཕྱོགས་བཅུའི་འཇིག་རྟེན་གྱི་ཁམས་ན་བཞུགས་པའི་དེ་བཞིན་གཤེགས་པ་ཚད་མེད་པ་དེ་དག་ཐམས་ཅད་ཀྱང་མཐོང་བར་གྱུར་ཏོ། །བྱང་ཆུབ་སེམས་དཔའི་རྣམ་པར་ཐར་པ་བསྐལ་པ་ཚད་མེད་
D44.038.0216a05.01པར་{དམྱིགས་,དམིགས་}པ་ཐམས་ཅད་དུ་བྱང་ཆུབ་སེམས་དཔའི་སྐྱེ་བས་རྣམ་པར་འཕྲུལ་པ་ཡོངས་སུ་སྟོན་པ་འདི་ལའང་ཤིན་ཏུ་ཕྲ་བའི་ཚུལ་གྱིས་ཞུགས་པར་གྱུར་ཏེ། དེ་ནི་དཔེར་ན། མའི་མངལ་དུ་ཞུགས་མ་ཐག་པའི་རྣམ་པར་ཤེས་པ་ལྟ་བུའོ། །རྣམ་
D44.038.0216a06.01པར་ཐར་པ་དེ་ཐོབ་པར་གྱུར་པས་ཀྱང་། དེས་དེ་བཞིན་གཤེགས་པ་ཐམས་ཅད་སྐྱེ་བའི་རྣམ་པར་འཕྲུལ་པ། ཡང་དག་པར་བལྟ་བའི་སྨོན་ལམ་ཆེན་པོ་ཡང་མངོན་པར་བསྒྲུབས་སོ། །རིགས་ཀྱི་བུ་དེ་ལ་ཇི་སྙམ་དུ་སེམས། དེའི་ཚེ་དེའི་དུས་ན་
D44.038.0216a07.01