完整藏文原文 · 德格版页 当前仅加载第 38 函德格 348a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་སྔོན་གྱི་ལྟས་སྣང་བ་ཆེན་པོ་བཅུ་པོ་དེ་དག་བྱུང་བར་གྱུར་ཏོ། །དེ་ནས་ཚོང་དཔོན་གྱི་བུ་ནོར་{བཟངས་ཀྱིས་,བཟང་གིས་}སྔོན་གྱི་ལྟས་སུ་སྣང་བ་བཅུ་པོ་དེ་དག་མཐོང་ནས་བྱང་ཆུབ་སེམས་དཔའ་ཀུན་ཏུ་བཟང་པོ་མཐོང་བར་གྱུར་པའི་སྐབས་ནི་བྱེ། རང་གི་དགེ་བའི་
D44.038.0348a01.01རྩ་བས་ནི་བརྟན་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་ནི་བརླབས་སངས་རྒྱས་ཐམས་ཅད་ཀྱི་ཆོས་ཀྱི་སྣང་བ་ནི་ཡང་དག་པར་སྐྱེས། བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་ལ་ནི་མངོན་དུ་གྱུར། བྱང་ཆུབ་སེམས་དཔའ་ཀུན་ཏུ་བཟང་པོའི་སྨོན་ལམ་གྱི་
D44.038.0348a02.01བྱིན་གྱིས་ནི་བྱིན་དུ་བརླབས། དེ་བཞིན་གཤེགས་པ་ཐམས་ཅད་ཀྱི་སྤྱོད་ཡུལ་ལ་ནི་མངོན་པར་མོས་བྱང་ཆུབ་སེམས་དཔའི་སྤྱོད་ཡུལ་རླབས་པོ་ཆེ་ལ་ནི་ཤིན་ཏུ་ངེས་པའི་སྟོབས་དང་ཤུགས་ནི་རབ་ཏུ་ཐོབ། བྱང་ཆུབ་སེམས་དཔའ་ཀུན་ཏུ་བཟང་པོ་མཐོང་ན་ཐམས་ཅད་
D44.038.0348a03.01མཁྱེན་པ་ཉིད་ཐོབ་པ་དང་འདྲ་བར་ནི་སེམས། བྱང་ཆུབ་སེམས་དཔའ་ཀུན་ཏུ་བཟང་པོ་མཐོང་བར་བྱ་བ་ལ་དབང་པོ་ནི་མངོན་དུ་གྱུར་བྱང་ཆུབ་སེམས་དཔའ་ཀུན་ཏུ་བཟང་པོ་མཐོང་བར་བྱ་བ་ལ་བརྩོན་འགྲུས་ཀྱི་ཤུགས་ཆེན་པོ་ནི་ཐོབ། བྱང་ཆུབ་སེམས་དཔའ་
D44.038.0348a04.01ཀུན་ཏུ་བཟང་པོ་ཡོངས་སུ་བཙལ་བ་ལ་བརྩོན་འགྲུས་ཕྱིར་མི་ལྡོག་པའི་སྦྱོར་བ་དང་ནི་ལྡན་ཕྱོགས་ཐམས་ཅད་དུ་མངོན་དུ་གྱུར་པའི་དབང་པོའི་འཁོར་ལོ་དང་ཀུན་ཏུ་ལྟ་བས་ཡུལ་ཡོངས་སུ་གནོན་པའི་བྱང་ཆུབ་སེམས་དཔའི་ལུས་དང་སངས་རྒྱས་མ་ལུས་པའི་ཞབས་
D44.038.0348a05.01ཀྱི་དྲུང་ན་བྱང་ཆུབ་སེམས་དཔའ་ཀུན་ཏུ་བཟང་པོ་འདུག་པའི་རྗེས་སུ་འབྲང་བའི་སེམས་དེ་བཞིན་གཤེགས་པ་ཐམས་ཅད་དམིགས་པར་བྱ་བ་ལ་ཡང་དག་པར་བཏང་བ་དང་། བྱང་ཆུབ་སེམས་དཔའ་ཀུན་ཏུ་བཟང་པོའི་དམིགས་པ་ཡོངས་སུ་བཙལ་
D44.038.0348a06.01བ་དང་མི་འབྲལ་བའི་བསམ་པ་དང་བྱང་ཆུབ་སེམས་དཔའ་ཀུན་ཏུ་བཟང་པོ་མཐོང་བར་བྱ་བའི་འདུ་ཤེས་ཀྱི་རྣམ་པའི་སྙིང་པོ་དང་ལྡན་པའི་ཡེ་ཤེས་ཀྱི་{མྱིག་,མིག་}བྱང་ཆུབ་སེམས་དཔའ་ཀུན་ཏུ་བཟང་པོའི་ལམ་ལ་ཞུགས་པ་དང་། ནམ་མཁའི་དབྱིངས་ལྟར་
D44.038.0348a07.01