完整藏文原文 · 德格版页 当前仅加载第 38 函德格 150a 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་ཏུ་གྱུར་པར་ཁོང་དུ་ཆུད་པར་བྱེད་དོ། །འགྲོ་བ་ཐམས་ཅད་རྣམ་པར་གདུལ་བའི་མཐར་ཕྱིན་པས། དེ་བཞིན་གཤེགས་པས་སྔོན་གྱི་སྨོན་ལམ་གྱི་མཐར་ཐུག་པ་ལ་འཇུག་པར་བྱ་བའི་ཕྱིར། ཆོས་ཀྱི་དབྱིངས་ནི་རང་བཞིན་གྱི་རྒྱ་ཆེ་བར་ཁོང་དུ་
D44.038.0150a01.01ཆུད་པར་བྱེད་དོ། །བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་འབྱམ་ཀླས་པ་ལ་འཇུག་པར་བྱ་བའི་ཕྱིར། ཆོས་ཀྱི་དབྱིངས་ནི་འགྲོ་བ་ཐམས་ཅད་ལ་མཉམ་པ་ཉིད་དུ་གྱུར་པར་ཁོང་དུ་ཆུད་པར་བྱེད་དོ། །ཀུན་ཏུ་བཟང་པོའི་སྤྱོད་པས་རྣམ་པར་འཕྲུལ་པའི་རྒྱན་ལ་
D44.038.0150a02.01འཇུག་པར་བྱ་བའི་ཕྱིར་ཆོས་ཀྱི་དབྱིངས་ནི་རྒྱན་གཅིག་ཏུ་གྱུར་པར་ཁོང་དུ་ཆུད་པར་བྱེད་དོ། །དགེ་བ་ཐམས་ཅད་ཀྱིས་ཆོས་ཀྱི་དབྱིངས་རྒྱས་པར་དགང་ཞིང་རྣམ་པར་དག་པར་བྱ་བར་ཆུད་མི་ཟ་བའི་ཆོས་ཅན་དུ་བྱ་བའི་ཕྱིར་ཆོས་ཀྱི་དབྱིངས་ནི་ཐུག་པ་མེད་པར་ཁོང་དུ་
D44.038.0150a03.01ཆུད་པར་བྱེད་དོ། །རིགས་ཀྱི་བུ་དེ་ལྟར་ཁོ་མོ་རྣམ་པ་བཅུ་པོ་དེ་དག་གིས་དགེ་བའི་རྩ་བ་དང་། ཚོགས་ཐམས་ཅད་ཡོངས་སུ་བསྩགས་པ་དང་། སངས་རྒྱས་ཀྱི་བདག་ཉིད་ཆེ་བ་ཉིད་ལ་འཇུག་པར་བྱ་བ་དང་། སངས་རྒྱས་ཀྱི་ཡུལ་བསམ་གྱིས་མི་ཁྱབ་པ་
D44.038.0150a04.01རྗེས་སུ་རྟོགས་པར་བྱ་བའི་ཕྱིར། ཆོས་ཀྱ་དབྱིངས་ཐམས་ཅད་ལ་རྣམ་པར་བལྟའོ། །ཁོང་དུ་ཆུད་པ་དང་རྗེས་སུ་གཞོལ་བར་བྱེད་དོ། །རིགས་ཀྱི་བུ་གཞན་ཡང་ཁོ་མོ་དེ་ལྟར་དེ་བཞིན་གཤེགས་པའི་བདག་ཉིད་ཆེ་བ་ཉིད་ཀྱི་རྗེས་སུ་འབྲང་བའི་ཡིད་ལ་བྱ་བ་དང་
D44.038.0150a05.01ལྡན་པས། གཟུངས་ཀྱི་དཀྱིལ་འཁོར་གྱི་རྒྱུད་སྟོང་ཕྲག་བཅུས་སེམས་ཅན་རྣམས་ལ་ཆོས་སྟོན་ཏེ། བཅུ་གང་ཞེ་ན་འདི་ལྟར་ཆོས་རྒྱ་མཚོ་ཐམས་ཅད་ཡང་དག་པར་འདུ་བ་ཞེས་བྱ་བའི་གཟུངས་ཀྱི་དཀྱིལ་འཁོར་དང་། ཆོས་ཐམས་ཅད་བྱིན་གྱིས་རློབ་
D44.038.0150a06.01བའི་གཟུངས་ཀྱི་དཀྱིལ་འཁོར་དང་། ཆོས་ཀྱི་སྤྲིན་ཐམས་ཅད་ཡོངས་སུ་འཛིན་པའི་གཟུངས་ཀྱི་དཀྱིལ་འཁོར་དང་། དེ་བཞིན་གཤེགས་པ་ཐམས་ཅད་ཀྱི་དགོངས་པ་སྒྲོན་མའི་གཟུངས་ཀྱི་དཀྱིལ་འཁོར་དང་། སེམས་ཅན་ཐམས་ཅད་ཀྱི་ལས་རྒྱ་མཚོ་
D44.038.0150a07.01