完整藏文原文 · 德格版页 当前仅加载第 38 函德格 151a 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་རྒྱ་མཚོ་ལས་ཀྱང་བརྩམས་ཤིང་ཆོས་སྟོན་ཏོ། །དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་རྒྱ་མཚོ་ལས་ཀྱང་བརྩམས་ཤིང་ཆོས་སྟོན་ཏོ། །དེ་བཞིན་གཤེགས་པ་གཅིག་གི་ཆོས་ཀྱི་འཁོར་ལོ་ལས་ཀྱང་བརྩམས་ཤིང་ཆོས་
D44.038.0151a01.01སྟོན་ཏོ། །དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་འཁོར་ལོ་རྒྱ་མཚོ་ལས་ཀྱང་བརྩམས་ཤིང་ཆོས་སྟོན་ཏོ། །མདོ་སྡེ་གཅིག་ལས་ཀྱང་བརྩམས་ཤིང་ཆོས་སྟོན་ཏོ། །དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་འཁོར་ལོ་ལ་ཡང་དག་པར་གཞོལ་བའི་མདོ་སྡེ་ལས་
D44.038.0151a02.01ཀྱང་བརྩམས་ཤིང་ཆོས་སྟོན་ཏོ། །དེ་བཞིན་གཤེགས་པ་གཅིག་གི་འཁོར་གྱི་དཀྱིལ་འཁོར་ཀུན་ནས་འདུས་པ་ལས་ཀྱང་བརྩམས་ཤིང་ཆོས་སྟོན་ཏོ། །དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་ཀུན་ནས་འདུས་པ་རྒྱ་མཚོ་ལས་ཀྱང་བརྩམས་ཤིང་
D44.038.0151a03.01ཆོས་སྟོན་ཏོ། །ཐམས་ཅད་མཁྱེན་པ་ཉིད་ཀྱི་སེམས་གཅིག་ལས་ཀྱང་བརྩམས་ཤིང་ཆོས་སྟོན་ཏོ། །བྱང་ཆུབ་ཀྱི་སེམས་ཀྱི་ཡན་ལག་རྒྱ་མཚོ་ཐམས་ཅད་ལས་ཀྱང་བརྩམས་ཤིང་ཆོས་སྟོན་ཏོ། །ཐེག་པ་གཅིག་ལས་ཀྱང་བརྩམས་ཤིང་ཆོས་སྟོན་ཏོ། །ཐེག་པ་
D44.038.0151a04.01ཐམས་ཅད་ཀྱི་འབྱུང་བ་རྒྱ་མཚོ་ལས་ཀྱང་བརྩམས་ཤིང་ཆོས་སྟོན་ཏོ། །རིགས་ཀྱི་བུ་དེ་ལྟར་ཁོ་མོས་བསྟན་པའི་ཚུལ་མངོན་པར་བསྒྲུབ་པ་བརྗོད་དུ་མེད་པས་སེམས་ཅན་རྣམས་ལ་ཆོས་སྟོན་ཏེ། རིགས་ཀྱི་བུ་དེ་ལྟར་ཁོ་མོས་ཆོས་ཀྱི་དབྱིངས་ཀྱི་ཚུལ་ཐ་མི་དད་པས་
D44.038.0151a05.01དེ་བཞིན་གཤེགས་པ་རྒྱ་མཚོ་ལ་འཇུག་ཅིང་སེམས་ཅན་ཐམས་ཅད་ལ་ཆོས་སྟོན་པས། བླ་ན་མེད་པའི་ཡོངས་སུ་བསྡུ་བ་བྱེད་ཅིང་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་ལ་ཕྱི་མའི་མཐའི་མུར་ཐུག་པའི་བསྐལ་པ་རྒྱ་མཚོར་གནས་པར་བྱ་བས་བྱང་ཆུབ་
D44.038.0151a06.01སེམས་དཔའི་རྣམ་པར་ཐར་པ་སྒྲ་ཡིད་དུ་འོང་བ་དང་། རྣམ་པར་འཕྲུལ་པ་ཟབ་མོ་ལ་འཇུག་པ་འདི་ལ་སེམས་ཀྱི་སྐད་ཅིག་རེ་རེ་ཞིང་རྣམ་པར་འཕེལ་བའི་རྣམ་པར་ཐར་པའི་ཡུལ་བསྒོམ་པའི་ཚུལ་གྱིས་ཡོངས་སུ་སྒོམ་སྟེ་རྣམ་པར་ཐར་པའི་ཡུལ་བསྒོམ་པའི་ཚུལ་
D44.038.0151a07.01