完整藏文原文 · 德格版页 当前仅加载第 38 函德格 327b 版页；藏文 NFD、目录标记与异常页序保留在来源切片中，重复版页行以稳定序号区分。
དྲུང་ན་བདག་ཉིད་འདུག་པར་ཡང་ཤེས་པར་གྱུར་ཏེ། བྱ་བ་དེ་དག་ཐམས་ཅད་ཀྱང་མཐོང་བར་གྱུར་ཏོ། །ཁང་པ་བརྩེགས་པ་ལ་ལར་ནི། བྱང་ཆུབ་སེམས་དཔའ་བྱམས་པས་ཐོག་མ་གང་དུ། བྱམས་པའི་ཏིང་ངེ་འཛིན་ཐོབ་པར་གྱུར་པ་དང་
D44.038.0327b01.01དུས་གང་ནས་བཟུང་སྟེ། དེའི་{མྱིང་,མིང་}བྱམས་པ་ཞེས་བྱ་བར་གྱུར་པ་དེ་དག་མཐོང་བར་གྱུར་ཏོ། །ལ་ལར་ནི་གང་དུ་སྤྱོད་པ་སྤྱད་པ་དང་། ལ་ལར་ནི་གང་དུ་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱས་པ་དང་། ལ་ལར་ནི་གང་དུ་བཟོད་པ་ལ་ཞུགས་པ་དང་།
D44.038.0327b02.01ལ་ལར་ནི་གང་དུ་ས་ནོན་པ་དང་། ལ་ལར་ནི་གང་དུ་སངས་རྒྱས་ཀྱི་ཞིང་གི་རྒྱན་ཡོངས་སུ་བཟུང་བ་དང་། ལ་ལར་ནི་གང་དུ་དེ་བཞིན་གཤེགས་པའི་བསྟན་པ་ཡོངས་སུ་བཟུང་བ་དང་། ལ་ལར་ནི་གང་དུ་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་བ་དང་། ལ་ལར་
D44.038.0327b03.01ནི་གང་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་དང་། རྣམ་པ་ནི་ཇི་ལྟ་བུ་ཞིག་ཏུ་ལུང་བསྟན་པ་དང་། ལུང་ནི་སུས་བསྟན་པ་དང་། ཡུན་ནི་ཇི་སྲིད་ཅིག་གིས་ལུང་བསྟན་པ་དེ་དག་ཐམས་ཅད་ཀྱང་མཐོང་བར་གྱུར་ཏོ། ཁང་པ་བརྩེགས་
D44.038.0327b04.01པ་ལ་ལར་ནི། བྱང་ཆུབ་སེམས་དཔའ་བྱམས་པ་འཁོར་ལོས་སྒྱུར་བའི་རྒྱལ་པོར་གྱུར་ཏེ། སེམས་ཅན་རྣམས་དགེ་བ་བཅུའི་ལས་ཀྱི་ལམ་ལ་རབ་ཏུ་འགོད་པ་མཐོང་བར་གྱུར་ཏོ། །ལ་ལར་ནི་འཇིག་རྟེན་གྱི་མགོན་པོར་གྱུར་ཏེ། འཇིག་རྟེན་གྱི་ཕན་
D44.038.0327b05.01པ་དང་། བདེ་བ་ཐམས་ཅད་ཀྱིས་སེམས་ཅན་རྣམས་ལ་ཉེ་བར་སྡུད་པ་དང་། ལ་ལར་ནི་བརྒྱ་བྱིན་དུ་གྱུར་ཏེ། འདོད་པའི་ཡོན་ཏན་གྱི་དགའ་བ་ལས་སེམས་ཅན་རྣམས་རྣམ་པར་ཟློག་པ་དང་། ལ་ལར་ནི་ཚངས་པར་གྱུར་ཏེ། བསམ་གཏན་
D44.038.0327b06.01དང་། ཚད་མེད་པའི་དགའ་བ་སེམས་ཅན་རྣམས་ལ་ཡོངས་སུ་བརྗོད་པ་དང་། ལ་ལར་ནི་ལྷའི་དབང་པོ་རབ་མཚེ་མར་གྱུར་ཏེ། ཚད་མེད་པའི་ཡོན་ཏན་སེམས་ཅན་རྣམས་ལ་ཡོངས་སུ་བརྗོད་པ་དང་། ལ་ལར་ནི་ལྷའི་དབང་པོ་རབ་དགའ་ལྡན་དུ་གྱུར་ཏེ།
D44.038.0327b07.01