完整藏文原文 · 德格版页 当前仅加载第 38 函德格 32a 版页；藏文 NFD、目录标记与异常页序保留在来源切片中，重复版页行以稳定序号区分。
བག་ཚ་ཞིང་སྐྱི་གཡའ་བ་མེད་དེ། རིགས་ཀྱི་བུ་སེམས་ཅན་གང་ཕོངས་ཤིང་ཡོ་བྱད་སྣ་ཚོགས་ཀྱིས་བྲེལ་བ། བཟའ་བ་འདོད་པའམ། བཏུང་བ་འདོད་པའམ། གོས་འདོད་པ་ནས་ཡོ་བྱད་སྣ་ཚོགས་ཐམས་ཅད་གང་འདོད་ཀྱང་རུང་སྟེ། དེ་དག་ཐམས་ཅད་ངའི་
D44.038.0032a01.01དྲུང་དུ་འོང་ངོ་། །དེ་དག་ལའང་ངས་སྔ་ནས་བཤམ་བཤམ་པའི་མཛོད་སྒོ་ཕྱེ་ཞིང་ཅི་འདོད་པ་ཁྱེར་ཅིག་ཅེས་བསྟབས་ཏེ། གང་གི་དོན་དུ་ཁྱེད་སྡིག་པའི་ལས་ལ་སྤྱོད་པར་གྱུར་ཅིང་། སྲོག་གཅོད་པའམ། མ་བྱིན་པར་ལེན་པའམ། འདོད་པས་ལོག་པར་གཡེམ་པའམ། {བརྫུན་,རྫུན་}
D44.038.0032a02.01དུ་སྨྲ་བ་འམ། ཕྲ་མ་འམ། ངག་རྩུབ་པོའམ། ཚིག་ཀྱལ་པའམ། ཆགས་སེམས་དང་། གནོད་སེམས་སམ། ལོག་པར་ལྟ་བའམ། དེ་མ་ཡིན་པའི་ལྟ་བའི་རྣམ་པ་སྣ་ཚོགས་ལ་མངོན་པར་ཞེན་པར་གྱུར་པ་དེ་དག་ཐམས་ཅད་ཀྱང་། གྲོང་ཁྱེར་ཆེན་པོ་འོད་བཟང་པོ་འདིའི་སྒོ་དང་། སྲང་དང་།
D44.038.0032a03.01ཁྱམས་དང་། ལམ་གྱི་སུམ་མདོ་དང་། བཞི་མདོ་ཀུན་ཏུ་སྤུངས་ཏེ། སྔ་ནས་བྱིན་པ་ཡིན་གྱི། སུ་ཅི་འདོད་པ་ཀུན་ཀྱང་ཁྱེར་ཅིག་ཅེས་བསྟབས་ཤིང་བྱིན་ནོ། །རིགས་ཀྱི་བུ་གྲོང་ཁྱེར་འོད་བཟང་པོ་འདི་ན་སེམས་ཅན་ཇི་སྙེད་ཅིག་གནས་པ་དེ་དག་ཐམས་ཅད་ནི་བྱང་ཆུབ་སེམས་དཔའ་སྟེ་ཐེག་པ་
D44.038.0032a04.01ཆེན་པོ་ལ་ཞུགས་པའོ། །དེ་བས་ན་གྲོང་ཁྱེར་ཆེན་པོ་འོད་བཟང་པོ་འདི་ཡང་དེ་དག་ལ་བསམ་པ་རྣམ་པ་ཇི་ལྟ་བུར་དག་པའི་ཚུལ་བཞིན་དུ་སྣང་སྟེ། ལ་ལ་ལ་ནི་དོག་པར་སྣང་ངོ་། །ལ་ལ་ལ་ནི་ཡངས་པར་སྣང་ངོ་། །ལ་ལ་ལ་ནི་གཞིས་ལ་གནས་པར་སྣང་ངོ་། །ལ་ལ་ལ་ནི་གཞི་རིན་པོ་ཆེ་བཻ་
D44.038.0032a05.01ཌཱུརྱ་ལས་བླངས་པར་སྣང་ངོ་། །ལ་ལ་ལ་ནི་སའི་ར་བས་བསྐོར་བར་སྣང་ངོ་། །ལ་ལ་ལ་ནི་རིན་པོ་ཆེ་རྡོ་རྗེ་གཞན་གྱིས་མི་ཐུབ་པའི་རྒྱལ་མཚན་གྱི་ར་བས་བསྐོར་བར་སྣང་ངོ་། །ལ་ལ་ལ་ནི་གསེག་མ་དང་གྱོ་མོས་གང་ཞིང་ཐག་ཐུག་དང་གྲོག་པོ་དང་། གཡང་ས་མང་པོ་ཅན་དུ་སྣང་ངོ་། །ལ་ལ་
D44.038.0032a06.01ལ་ནི་ནོར་བུ་རིན་པོ་ཆེ་དམ་པ་གྲངས་མེད་པས། གཞི་བརྒྱན་ཅིང་ཡོངས་སུ་བཀྲམ་པ་དང་། ལག་མཐིལ་བཞིན་དུ་གཞི་མཉམ་པར་སྣང་ངོ་། །ལ་ལ་ལ་ནི་ས་ལས་བྱས་པར་སྣང་ངོ་། །ལ་ལ་ལ་ནི་རིན་པོ་ཆེ་གྲངས་མེད་པའི་ཁང་པ་དང་། གཞལ་མེད་ཁང་དང་། ཁང་བཟང་དང་། ཁང་པ་
D44.038.0032a07.01