完整藏文原文 · 德格版页 当前仅加载第 38 函德格 131a 版页；藏文 NFD、目录标记与异常页序保留在来源切片中，重复版页行以稳定序号区分。
མཛེས་པའི་དཔལ་ཞེས་བྱ་བ་ཞིག་ཏུ་གྱུར་ཏེ། དེ་བཞིན་གཤེགས་པ་དེ་གྲོང་ཁྱེར་དུ་གཤེགས་ནས། གར་མཁན་གྱི་ཚོགས་ཀྱིས་རོལ་མོ་བྱས་པའི་ཚེ། ཁོ་མོས་སངས་རྒྱས་ཀྱི་བྱིན་གྱིས་སྟེང་གི་ནམ་མཁའི་དབྱིངས་ལས། ཚིགས་སུ་བཅད་
D44.038.0131a01.01པ་སྟོང་གིས་དེ་བཞིན་གཤེགས་པ་དེ་ལ་མངོན་པར་བསྟོད་དེ་སྤྱན་སྔར་ཕྱིན་ཏོ། །དེ་བཞིན་གཤེགས་པ་དེས་མཛོད་སྤུ་ནས་འོད་ཟེར་ཆོས་ཀྱི་དབྱིངས་རྣམ་པར་སྣང་བའི་རྒྱན་ཅེས་བྱ་བ་བཀྱེ་སྟེ། ཁོ་མོའི་ལུས་ཐམས་ཅད་ཀྱང་སྣང་བར་མཛད་དོ། །འོད་ཟེར་དེས་ཁོ་མོ་ལ་
D44.038.0131a02.01ཕོག་མ་ཐག་ཏུ་རྣམ་པར་ཐར་པ། ཆོས་ཀྱི་དབྱིངས་ཀྱི་ཚུལ་ཡོངས་སུ་འཁྱིལ་བའི་སྙིང་པོ་ཞེས་བྱ་བ་ཐོབ་པར་གྱུར་ཏོ། །རིགས་ཀྱི་བུ་དེ་ལྟར་དེ་བཞིན་གཤེགས་པ་དེ་དག་ལ་{སྩོགས་,སོགས་}པ་བསྐལ་པ་འོད་ཆེན་པོ་ལ་འཇིག་རྟེན་གྱི་ཁམས་རིན་ཆེན་འཁོར་ལོ་སྣ་ཚོགས་
D44.038.0131a03.01ཀྱིས་ཀླུབས་ཤིང་བརྒྱན་པར་སངས་རྒྱས་ལྔ་བརྒྱ་བྱུང་བར་གྱུར་པ་དེ་དག་ཐམས་ཅད་ཀྱང་མཉེས་པར་བྱས་ཏེ། དེ་བཞིན་གཤེགས་པ་དེ་དག་ལ་ཁོ་མོས་མཆོད་པ་ཡང་བྱས་སོ། །དེ་བཞིན་གཤེགས་པ་དེ་དག་གིས་ཁོ་མོ་ལ་ཆོས་བསྟན་པ་དེ་དག་ཐམས་ཅད་ཀྱང་དྲན་
D44.038.0131a04.01ཏེ། ཆོས་ཀྱི་ཚུལ་དེ་དག་ལས་ཡི་གེ་འགའ་འམ། ཚིག་འགའ་ཡང་བརྗེད་པར་མ་གྱུར་ཏོ། །དེ་བཞིན་གཤེགས་པ་དེ་དག་རེ་རེའི་དྲུང་དུ་འགྲོ་བའི་ཚེ་ཡང་སངས་རྒྱས་ཀྱི་ཆོས་ཡོངས་སུ་བརྗོད་པར་བྱ་བས་སེམས་ཅན་ཚད་མེད་པའི་དོན་བྱས་སོ། །དེ་བཞིན་
D44.038.0131a05.01གཤེགས་པ་དེ་དག་རེ་རེ་ལ་ཡང་ཁོ་མོས་ཆོས་ཀྱི་དབྱིངས་ཀྱི་རང་བཞིན་རྒྱ་མཚོ་དུས་གསུམ་གྱི་ཡེ་ཤེས་ཀྱི་སྙིང་པོ་ཆོས་ཀྱི་དབྱིངས་ཤིན་ཏུ་ཡངས་པ་ཞེས་བྱ་བའི་ཐམས་ཅད་མཁྱེན་པའི་གློག་མངོན་པར་སྣང་བ་ཀུན་ཏུ་བཟང་པོའི་སྤྱོད་པ་ཐམས་ཅད་ལ་གནས་པར་ཡང་
D44.038.0131a06.01དག་པར་གཞོལ་བ་ཐོབ་པར་གྱུར་ཏེ། རིགས་ཀྱི་བུ་ཁོ་མོ་ལ་ནི་དེ་ལྟར་ཡང་སེམས་ཀྱི་སྐད་ཅིག་རེ་རེ་ལ་དེ་བཞིན་གཤེགས་པ་མཐའ་དང་དབུས་མེད་པ་ཡོངས་སུ་སྣང་སྟེ། དེ་བཞིན་གཤེགས་པ་དེ་དག་ཁོ་མོས་མཐོང་བར་གྱུར་པས་ཐམས་ཅད་མཁྱེན་པའི་ཀློག་མངོན་
D44.038.0131a07.01