完整藏文原文 · 德格版页 当前仅加载第 38 函德格 81a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཀྱི་ཡོན་ཏན་ཐམས་ཅད་འབྱུང་བར་ཡང་དག་པར་མཐོང་པས། དགེ་བའི་བཤེས་གཉེན་གྱི་ཕྱག་ཏུ་བདག་ཉིད་བོར་བ་ལགས་ན། ལྷ་མོ་ཤུལ་གང་ལ་བརྟེན་ན། བྱང་ཆུབ་སེམས་དཔའི་སྟོབས་བཅུའི་སར་
D44.038.0081a01.01འབྱུང་བར་འགྱུར་བའི་ཐམས་ཅད་མཁྱེན་པའི་ཤུལ་བདག་ལ་བཤད་དུ་གསོལ། དེ་སྐད་ཅེས་སྨྲས་པ་དང་། མཚན་མོའི་ལྷ་མོ་དཔྱིད་དང་ལྡན་པས། ཚོང་དཔོན་གྱི་བུ་ནོར་{བཟངས་,བཟང་}ལ་འདི་སྐད་ཅེས་སྨྲས་སོ། །རིགས་ཀྱི་བུ་དེ་ལྟར་ཁྱོད་དགེ་བའི་
D44.038.0081a02.01བཤེས་གཉེན་ཀྱི་སྦྱིན་གྱིས་ནོན་ཏེ། དགེ་བའི་བཤེས་གཉེན་ཀྱི་ཚིག་མཉན་པར་འདོད་པ་དང་། དགེ་བའི་བཤེས་གཉེན་གྱི་གདམས་དག་ལ་ནན་ཏན་དུ་བྱེད་པའི་ལེགས་སོ་ལེགས་སོ། །རིགས་ཀྱི་བུ་ཁྱོད་དེ་ལྟར་དགེ་བའི་བཤེས་གཉེན་
D44.038.0081a03.01གྱི་གདམས་ངག་ལ་ནན་ཏན་དུ་བྱེད་པས། གདོན་མི་ཟ་བར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཉེ་བར་འགྱུར་རོ། །རིགས་ཀྱི་བུ་ཁོ་མོ་ནི་བྱང་ཆུབ་སེམས་དཔའི་རྣམ་པར་ཐར་པ་སེམས་ཅན་ཐམས་ཅད་ཀྱི་མུན་པ་རྣམ་པར་སེལ་
D44.038.0081a04.01བའི་ཆོས་ཀྱི་སྣང་བས་འགྲོ་བ་རྣམ་པར་འདུལ་བའི་སྒོ་ཐོབ་པ་སྟེ། བསམ་པ་མི་མཉམ་པ་དང་ལྡན་པའི་སེམས་ཅན་རྣམས་ལ་བྱམས་པའི་སེམས་དང་ལྡན་པའོ། །མི་དགེ་བའི་ལས་ཀྱི་ལམ་ལ་ཞུགས་པ་རྣམས་ལ་སྙིང་རྗེའི་སེམས་དང་ལྡན་པའོ། །དགེ་
D44.038.0081a05.01བའི་ལས་ཀྱི་ལམ་ལ་ཞུགས་པ་རྣམས་ལ་དགའ་བའི་སེམས་དང་ལྡན་པའོ། །སེམས་མཉམ་པར་དང་མི་མཉམ་པར་ལྡན་པའི་སེམས་ཅན་རྣམས་ལ་མི་གཉིས་པའི་སེམས་དང་ལྡན་པའོ། །ཀུན་ནས་ཉོན་མོངས་བ་རྣམས་ལ་རྣམ་པར་བྱང་
D44.038.0081a06.01བའི་སེམས་དང་ལྡན་པའོ། །ཉམ་ང་བར་གྱུར་པ་རྣམས་ལ་ཡང་དག་པར་ཞུགས་པའི་སེམས་དང་ལྡན་པའོ། །དམའ་བ་ལ་མོས་པ་རྣམས་ལ་ཡངས་པ་ལ་མོས་པ་ཡོངས་སུ་བསྐྱེད་པའི་སེམས་དང་ལྡན་པའོ། །དབང་པོ་ཞུམ་པ་རྣམས་ལ་བརྩོན་
D44.038.0081a07.01