完整藏文原文 · 德格版页 当前仅加载第 38 函德格 171a 版页；藏文 NFD、目录标记与异常页序保留在来源切片中，重复版页行以稳定序号区分。
གྲག་པ་བྱུང་བར་གྱུར་ཏེ། རྒྱལ་པོ་ཆོས་ཐམས་ཅད་ཀྱི་ང་རོའི་གདུགས་ཀྱི་དཀྱིལ་འཁོར་རབ་ཏུ་སྒྲོག་པ་དེ། རིན་པོ་ཆེའི་རྡུལ་ཡབ་ཀྱིས་མངོན་པར་གཡོབ་ཅིང་། ལྷའི་དབང་པོ་བརྒྱ་བྱིན་པས་ཀྱང་ལྷག་པར་གཟི་བརྗིད་རབ་ཏུ་འབར་བས་ཤིན་ཏུ་མཛེས་
D44.038.0171a01.01སོ། དེ་སེང་གེའི་ཁྲི་དེ་ལ་འདུག་མ་ཐག་ཏུ་འགྲོ་བའི་མང་པོ་དེ་དག་ཐམས་ཅད་མངོན་དུ་གྱུར་ཏེ། ཐལ་མོ་སྦྱར་ནས་རྒྱལ་པོ་དེ་ལ་ཕྱག་འཚལ་ལོ། །དེ་ནས་རྒྱལ་པོ་ཆོས་ཐམས་ཅད་ཀྱི་ང་རོའི་གདུགས་ཀྱི་དཀྱིལ་འཁོར་རབ་ཏུ་སྒྲོག་པ་དེའི་དྲུང་དུ་སློང་བའི་སྲོག་ཆགས་བྱེ་བ་ཁྲག་
D44.038.0171a02.01ཁྲིག་བརྒྱ་སྟོང་སྣ་ཚོགས་དངོས་པོ་སྣ་ཚོགས་ཡོངས་སུ་ལེན་པ་ཡོ་བྱད་སྣ་ཚོགས་ལ་མོས་པ། རིགས་སྣ་ཚོགས་དང་ལྡན་པ། འགྲོ་བའི་རྒྱུད་སྣ་ཚོགས་སུ་གཏོགས་པ། འདོད་པ་སྣ་ཚོགས་ཀྱི་སེམས་དང་ལྡན་པ། སྨོན་པ་དང་བསམ་པ་སྣ་ཚོགས་ཅན། ཕྱོགས་སྣ་ཚོགས་ནས་
D44.038.0171a03.01འདུས་པ། ཡུལ་གྱི་སྤྱོད་པ་སྣ་ཚོགས་ལ་གནས་པ། ལོངས་སྤྱོད་སྣ་ཚོགས་ལ་མངོན་པར་སྨོན་པའི་སེམས་དང་ལྡན་པ། བསམ་པ་དང་ཡོངས་སུ་རྟོག་པ་སྣ་ཚོགས་ཅན། མིའི་རིས་སྣ་ཚོགས་སུ་གཏོགས་པ། རིགས་ཀྱི་སྐྱེ་གནས་སྣ་ཚོགས་སུ་སྐྱེས་པ། ཡུལ་སྣ་
D44.038.0171a04.01ཚོགས་ནས་འོངས་པ། སྒྲ་སྐད་དང་ཚིག་གི་འདུ་བྱེད་སྣ་ཚོགས་དང་ལྡན་པ། དབྱངས་ཀྱི་དཀྱིལ་འཁོར་སྣ་ཚོགས་འབྱིན་པ་དངོས་པོ་སྣ་ཚོགས་ཀྱི་དོན་དུ་གསོལ་བ་འདེབས་པ། ཚིག་དང་ངག་སྣ་ཚོགས་བརྗོད་པ། བསོད་ནམས་ཀྱི་རི་རབ་ཆེན་པོ་དེ་འབའ་ཤིག་གི་གདོང་དུ་
D44.038.0171a05.01ལྟ་བ་འདི་འབའ་ཤིག་ཤེས་པའི་སྐྱེས་བུ་ཆེན་པོ་ཡིན་ཞེས་ངེས་པར་སེམས་པ། བསོད་ནམས་ཆེན་པོས་བརྟན་པའོ། །སྐྱེས་བུ་ཆེན་པོའི་ཟླ་བའོ། །གཏོང་བ་ཆེན་པོའི་བསམ་པ་དང་ལྡན་པའོ། །ཞེས་བྱ་བར་འདུན་པའི་སེམས་ཀྱིས་རྟོག་པ། བྱང་ཆུབ་སེམས་དཔའི་
D44.038.0171a06.01སྨོན་ལམ་གྱི་སེམས་ཀྱིས་འདུས་པ་བྱང་ཆུབ་སེམས་དཔའི་སྨོན་ལམ་གྱི་སེམས་ཀྱིས་སྤྲུལ་པའི་སློངས་མོ་བའི་ཚོགས་ཆེན་པོ་དེ་མཐོང་ནས། སློངས་མོ་བ་དེ་དག་ལ་སེམས་དགའ་བ་དང་སེམས་མོས་པ་དང་། སེམས་སྤྲོ་བ་དང་དགེ་བའི་བཤེས་གཉེན་མཐོང་བའི་འདུ་
D44.038.0171a07.01