完整藏文原文 · 德格版页 当前仅加载第 38 函德格 354b 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པས་མཁྱེན་ན་མཁྱེན་གྲང་ངོ་། །དེས་སྨྲས་པ། རིགས་ཀྱི་བུ་ངས་ནི་ཐམས་ཅད་མཁྱེན་པ་ཉིད་ཀྱི་སེམས་མངོན་པར་འདོད་ཅིང་། བསྐལ་པ་སངས་རྒྱས་ཀྱི་ཞིང་བརྗོད་དུ་{མྱེད་,མེད་}པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཅིག་ཏུ་རྣམ་
D44.038.0354b01.01པར་སྤྱད་དེ། བསྐལ་པ་ཆེན་པོ་དེ་དག་རེ་རེ་ལ་ཡང་བྱང་ཆུབ་ཀྱི་སེམས་ཡོངས་སུ་སྦྱོང་བར་བྱེད་ཅིང་། ངས་དེ་བཞིན་གཤེགས་པ་སངས་རྒྱས་ཀྱི་ཞིང་བརྗོད་དུ་{མྱེད་,མེད་}པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཅིག་བསྙེན་བཀུར་ཏོ། །
D44.038.0354b02.01བསྐལ་པ་ཆེན་པོ་དེ་དག་རེ་རེ་ལ་ཡང་། ཐམས་ཅད་མཁྱེན་པ་ཉིད་ཀྱི་བསོད་ནམས་ཡོངས་སུ་སྡུད་པ་བྱེད་ཅིང་། མཆོད་སྦྱིན་ཆེན་པོ་གཏང་བ་ཐམས་ཅད་དང་སྦྱར་བ། འཇིག་རྟེན་ཐམས་ཅད་དུ་རྣམ་པར་གྲགས་པ། སེམས་ཅན་ཐམས་ཅད་
D44.038.0354b03.01ལ་བསྟབས་པ་དག་ཀྱང་མཆོད་སྦྱིན་ཏུ་བྱས་སོ། །བསྐལ་པ་ཆེན་པོ་དེ་དག་རེ་རེ་ལ་ཡང་ཐམས་ཅད་མཁྱེན་པ་ཉིད་ཀྱི་ཆོས་ལ་མངོན་པར་སྨོན་ཅིང་གཏང་བ་དང་། གཏང་བ་ཆེན་པོ་དང་། ཤིན་ཏུ་གཏང་བ་སངས་རྒྱས་ཀྱི་ཞིང་བརྗོད་དུ་མེད་
D44.038.0354b04.01པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཅིག་བྱས་སོ། །བསྐལ་པ་ཆེན་པོ་དེ་དག་རེ་རེ་ལ་ཡང་ལུས་དང་སྲོག་ཕངས་པར་བྱ་བ་{མྱེད་,མེད་}པར་སངས་རྒྱས་ཀྱི་ཆོས་གཅེས་པར་བྱ་བས་ལུས་བརྗོད་དུ་མེད་པའི་ཡང་བརྗོད་དུ་མེད་པ་
D44.038.0354b05.01ཞིག་ཡོངས་སུ་བཏང་ངོ་རྒྱལ་པོའི་སྲིད་ཆེན་པོ་ཡང་ཡོངས་སུ་བཏང་ངོ་། །གྲོང་དང་གྲོང་ཁྱེར་དང་ལྗོངས་དང་ཡུལ་དང་ཁམས་དང་རྒྱལ་པོའི་གནས་དག་ཀྱང་ཡོངས་སུ་བཏང་ངོ་། །སྡུག་ཅིང་ཡིད་དུ་འོང་ལ་བཏང་མི་བྲ་བའི་འཁོར་གྱི་ཚོགས་དག་ཀྱང་ཡོངས་སུ་བཏང་ངོ་། །
D44.038.0354b06.01བུ་དང་བུ་མོ་དང་ཆུང་མ་དག་ཀྱང་ཡོངས་སུ་བཏང་ངོ་། །རང་གི་ལུས་དང་། ཤ་དག་ཀྱང་ཡོངས་སུ་བཏང་ངོ་། །བདག་གི་ལུས་ལས་ཁྲག་དག་ཀྱང་སློང་བ་རྣམས་ལ་ཡོངས་སུ་བཏང་ངོ་། །རུས་པ་དང་རྐང་དག་ཀྱང་ཡོངས་སུ་
D44.038.0354b07.01