完整藏文原文 · 德格版页 当前仅加载第 38 函德格 213a 版页；藏文 NFD、目录标记与异常页序保留在来源切片中，重复版页行以稳定序号区分。
བ་དན་གྱི་རྒྱན་རྣམ་པར་ཕྱེ་བ་དང་། རིན་པོ་ཆེའི་རྒྱལ་པོ་ཐམས་ཅད་རྣམ་པར་འཕྲུལ་པའི་རྒྱན་རྣམ་པར་ཕྱེ་བ་དང་། རོལ་མོ་དང་གླུ་དང་། བསྟོད་པ་དང་། སིལ་སྙན་གྱི་སྒྲ་ཇི་སྙེད་ཅིག་བྱུང་བར་གྱུར་པ་དེ་དག་ཐམས་ཅད་ཀྱང་། ལྷ་མོ་སྒྱུ་མ་ལུམ་བི་
D44.038.0213a01.01ནིའི་ནགས་ཚལ་དུ་ཕྱིན་པའི་ཚེ། ལུམ་བི་ནིའི་ནགས་ཚལ་འདིར་ཡོངས་སུ་བྱུང་བར་གྱུར་ཏོ། །མངོན་པར་སྐྱེས་སོ། །འགྲོ་བས་རྣམ་པར་{དམྱིགས་,དམིགས་}སུ་ཡོད་པར་བྱུང་བར་གྱུར་ཏེ། རིགས་ཀྱི་བུ་འདི་ནི་བྱང་ཆུབ་སེམས་དཔའ་སྐྱེ་བའི་རྣམ་པར་
D44.038.0213a02.01འཕྲུལ་པ་ལུམ་བི་ནིའི་ནགས་ཚལ་དུ་བྱུང་བ་བདུན་པའོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའི་ལོངས་སྤྱོད་ལྷའི་དབང་པོ་ཐམས་ཅད་ཀྱི་གནས་ཀྱི་རྒྱན་གྱི་ལོངས་སྤྱོད་ལས་ཡོངས་སུ་འདས་པ་དང་། ཀླུ་དང་གནོད་སྦྱིན་དང་། དྲི་ཟ་དང་ལྷ་མ་ཡིན་དང་།
D44.038.0213a03.01ནམ་མཁའ་ལྡིང་དང་། མིའམ་ཅི་དང་ལྟོ་འཕྱེ་ཆེན་པོ་དང་། མིའི་དབང་པོ་ཐམས་ཅད་ཀྱི་གནས་ཀྱི་རྒྱན་གྱི་ལོངས་སྤྱོད་ལས་འདས་པ་འདི་ལྟེ་སྟེ། རིན་པོ་ཆེའི་རྒྱལ་པོ་ཐམས་ཅད་ཀྱི་ཁང་པ་བརྩེགས་པའི་ལོངས་སྤྱོད་དམ། རིན་པོ་ཆེའི་རྒྱལ་པོའི་
D44.038.0213a04.01གཞལ་མེད་ཁང་གི་ལོངས་སྤྱོད་དམ། རིན་པོ་ཆེའི་རྒྱལ་པོའི་དྲ་བའི་ལོངས་སྤྱོད་དམ། རིན་པོ་ཆེའི་རྒྱལ་པོའི་འབྲུའི་ལོངས་སྤྱོད་དམ། རིན་པོ་ཆེའི་རྒྱལ་པོའི་གཟུགས་ཀྱི་ལོངས་སྤྱོད་དམ། རིན་པོ་ཆེའི་རྒྱན་ཐམས་ཅད་ཀྱི་ལོངས་སྤྱོད་དམ། སྤོས་ཀྱི་རྒྱལ་པོ་ཐམས་ཅད་ཀྱི་ལོངས་སྤྱོད་དམ།
D44.038.0213a05.01{དམྱིགས་,དམིགས་}པ་ཐམས་ཅད་བཟང་ཞིང་འཐུན་པའི་ལོངས་སྤྱོད་ཀྱང་རུང་སྟེ། དེ་དག་ཐམས་ཅད་ལྷ་མོ་སྒྱུ་མའི་རུམ་ནས་མ་འདྲེས་པར་འཐོན་ཏེ། ལུམ་བི་ནིའི་ནགས་ཚལ་འདི་ཡོངས་སུ་བརྒྱན་ཅིང་ཀུན་ནས་གནས་པར་གྱུར་ཏེ། རིགས་ཀྱི་བུ་འདི་ནི་བྱང་ཆུབ་
D44.038.0213a06.01སེམས་དཔའ་སྐྱེ་བ་རྣམ་པར་འཕྲུལ་པ་ལུམ་བི་ནིའི་ནགས་ཚལ་དུ་བྱུང་བ་བརྒྱད་པའོ། །རིགས་ཀྱི་བུ་གཞན་ཡང་ལྷ་མོ་སྒྱུ་མའི་ལུས་ལས་བྱང་ཆུབ་སེམས་དཔའ་སངས་རྒྱས་ཀྱི་ཞིང་བརྗོད་དུ་མེད་པ་བྱེ་བ་ཁྲག་ཁྲིག་བརྒྱ་ཕྲག་སྟོང་གི་རྡུལ་ཤིན་ཏུ་ཕྲ་བ་སྙེད་
D44.038.0213a07.01