完整藏文原文 · 德格版页 当前仅加载第 38 函德格 247a 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པའི་མཆོད་པ་རྣམ་པ་ཐམས་ཅད་དུ་བསམ་གྱིས་མི་ཁྱབ་པ་མཆོད་དེ། སངས་རྒྱས་གྲོང་ཁྱེར་དུ་གཤེགས་པའི་ཆོ་འཕྲུལ་དང་། རྣམ་པར་འཕྲུལ་པས་སེམས་ཅན་ཚད་མེད་པའི་དགེ་བའི་རྩ་བ་ཡོངས་སུ་བསྐྱེད་པའི་ཕྱིར་གཤེགས་སུ་
D44.038.0247a01.01གསོལ་ཏོ། །དེར་ཡང་སེམས་ཅན་མ་དད་པའི་སེམས་དང་ལྡན་པ་རྣམས་ནི་དད་པ་ཐོབ་པར་གྱུར་ཏོ། །དད་པ་དང་ལྡན་པའི་སེམས་ཅད་རྣམས་ནི་སངས་རྒྱས་མཐོང་བས་དགའ་བའི་ཤུགས་རྣམ་པར་འཕེལ་བར་གྱུར་ཏོ། །དགའ་བའི་ཤུགས་རྣམ་པར་འཕེལ་བའི་
D44.038.0247a02.01སེམས་ཅན་རྣམས་ནི་བྱང་ཆུབ་ཀྱི་བསམ་པ་རྣམ་པར་དག་པ་ཐོབ་པར་གྱུར་ཏོ། །བྱང་ཆུབ་ཀྱི་བསམ་པ་རྣམ་པར་དག་པའི་སེམས་ཅན་རྣམས་ནི་སྙིང་རྗེ་ཆེན་པོའི་སེམས་སྐྱེས་པར་གྱུར་ཏོ། །སེམས་ཅན་ལ་ཕན་པར་ཞུགས་པའི་སེམས་ཅན་རྣམས་ནི་སངས་རྒྱས་ཀྱི་ཆོས་
D44.038.0247a03.01ཐམས་ཅད་ཡོངས་སུ་བཙལ་བ་ལ་བརྩོན་པར་གྱུར་ཏོ། །སངས་རྒྱས་ཀྱི་ཆོས་ཀྱི་ཚུལ་གྱི་རྣམ་པ་ལ་མཁས་པའི་སེམས་ཅན་རྣམས་ནི་ཆོས་ཐམས་ཅད་ཀྱི་རང་བཞིན་ངེས་པར་ཁོང་དུ་ཆུད་པར་བྱ་བའི་ཕྱིར་སེམས་མངོན་པར་གཞོལ་བར་གྱུར་ཏོ། །ཆོས་མཉམ་པ་ཉིད་ལ་ཞུགས་
D44.038.0247a04.01པའི་སེམས་ཅན་རྣམས་ནི་དུས་གསུམ་མཉམ་པ་ཉིད་ལ་འཇུག་པའི་ཕྱིར། སེམས་མངོན་པར་གཞོལ་བར་གྱུར་ཏོ། །དུས་གསུམ་གྱི་ཡེ་ཤེས་སྣང་བ་ཐོབ་པའི་སེམས་ཅན་རྣམས་ནི་སངས་རྒྱས་གཅིག་ནས་གཅིག་ཏུ་བརྒྱུད་པ་རྣམ་པར་{དམྱིགས་,དམིགས་}པར་བྱ་བའི་དོན་དུ་
D44.038.0247a05.01ཡེ་ཤེས་སྣང་བ་ལ་ཞུགས་པར་གྱུར་ཏོ། །དེ་བཞིན་གཤེགས་པ་སྣ་ཚོགས་རྣམ་པར་{དམྱིགས་,དམིགས་}པར་བྱ་བ་ལ་ཞུགས་པའི་སེམས་ཅན་རྣམས་ནི་འགྲོ་བ་ཐམས་ཅད་ཡོངས་སུ་བསྡུ་བའི་དོན་དུ་སེམས་ཅན་མངོན་པར་གཞོལ་བར་གྱུར་ཏོ། །འགྲོ་བ་ཐམས་ཅད་ཡོངས་སུ་བསྡུ་
D44.038.0247a06.01བ་ལ་བརྩོན་པའི་སེམས་ཅན་རྣམས་ནི་བྱང་ཆུབ་སེམས་དཔའི་ལམ་རྣམ་པར་དག་པར་བྱ་བའི་ཕྱིར་སྨོན་ལམ་སྐྱེད་པར་གྱུར་ཏོ། །ལམ་གྱི་མཉམ་པ་ཉིད་ལ་ཞུགས་པའི་སེམས་ཅན་རྣམས་ནི་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་འཁོར་ལོ་མངོན་པར་བསྒྲུབ་པའི་ཕྱིར་
D44.038.0247a07.01