完整藏文原文 · 德格版页 当前仅加载第 38 函德格 193a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་རྣམས་ཐོང་། དེ་སྟེ་{མྱི་,མི་}གཏོང་ཞིང་དེ་རྣམས་ཀྱི་ལེ་ལན་དུ་ཤི་བར་གྱུར་ཏ་རེ་ཞེས་པ་དང་། དེས་ཞུམ་པ་{མྱེད་,མེད་}པའི་སེམས་མ་འཁུམས་པ་ཐམས་ཅད་མཁྱེན་པ་ཉིད་དུ་{དམྱིགས་,དམིགས་}པར་བརྩོན་པ། གཞན་ལ་ཕན་པར་གཞོལ་བ། སྙིང་རྗེ་ཆེན་པོ་སྔོན་
D44.038.0193a01.01དུ་འགྲོ་བས་འཆི་བར་ཁས་བླངས་པ་དང་། དེའི་མས་རྒྱལ་པོ་རྒྱལ་བའི་འོད་ལ་ཟླ་བ་ཕྱེད་ཅིག་ཏུ་ཕྲད་པར་གསོལ་བ་བཏབ་པ། དགུང་ཟླ་ཕྱེད་གཅིག་ཏུ་གཞོན་ནུ་འདི་སྦྱིན་པ་སྩོལ་དུ་ཅི་གནང་། དེ་སླན་ཅད་ནི་སུ་ཅི་དགྱེས་པ་དེའང་མཛད་པར་གསོལ་ཞེས་པ་དང་། དེ་དེ་ལྟར་
D44.038.0193a02.01གྱིས་ཤིག་ཅེས་རྒྱལ་པོས་གནང་ངོ་། །དེ་ནས་རྒྱལ་པོའི་གནས་དགའ་བས་བརྒྱན་པ་དེའི་བྱང་ཕྱོགས་ལོགས་ཤིག་ན། སྔོན་མཆོད་སྦྱིན་གྱི་གནས་སུ་བྱ་བའི་བཟའ་ཤིང་གི་ར་བ་ཆེན་པོ་ཉི་མའི་འོད་ཅེས་བྱ་བ་དེར་གཞོན་ནུ་དེ་སོང་ནས། སུ་ཅི་འདོད་པ་དེ་ལ་དེ་བྱིན་ཏེ། དེས་
D44.038.0193a03.01གཏན་པ་{མྱེད་,མེད་}པའི་མཆོད་སྦྱིན་བྱས་ནས་ཟླ་བ་ཕྱེད་དུ་སྦྱིན་པ་རྣམ་པ་སྣ་ཚོགས་བྱིན་ཏེ། ཟས་འདོད་པ་ལ་ཟས་བྱིན། སྐོམ་འདོད་པ་ལ་སྐོམ་བྱིན། བཞོན་པ་དང་། གོས་དང་། མེ་ཏོག་དང་། ཕྱེ་མ་དང་། བྱུག་པ་དང་། ཆོས་གོས་དང་། གདུགས་དང་། རྒྱལ་མཚན་དང་། བ་དན་
D44.038.0193a04.01དང་རིན་པོ་ཆེའི་རྒྱན་དང་། ཡོ་བྱད་ཐམས་ཅད་དང་། ལྷབ་ལྷུབ་ཐམས་ཅད་དང་། ཡོ་བྱད་ཀྱི་རྣམ་པ་ཐམས་ཅད་ཀྱང་དེ་དག་འདོད་པ་ལ་ཡོངས་སུ་བཏང་སྟེ། དེ་ནས་ཉི་མ་ཐ་མ་ལ་བབ་པར་གྱུར་བ་དང་། འགྲོ་བ་མང་པོའི་ཚོགས་ཀུན་ནས་འདུས་ཏེ། རྒྱལ་
D44.038.0193a05.01པོའི་བློན་པོ་དང་། བུད་{མྱེད་,མེད་}ཀྱི་ཚོགས་དང་། ཚོང་དཔོན་དང་། ཁྱིམ་བདག་དང་། ལྗོངས་དང་། ཡུལ་གྱི་{མྱི་,མི་}དང་། ཞགས་པ་འཐུབ་པ་ཐམས་ཅད་ཀྱང་ཀུན་ནས་འདུས། བཅོམ་ལྡན་འདས་ཆོས་ཀྱི་འཁོར་ལོའི་སྒྲ་ནམ་མཁའི་སྤྲིན་གྱི་སྒྲོན་མ་རྒྱལ་པོ་དེ་བཞིན་
D44.038.0193a06.01གཤེགས་པ་དེ་ཡང་། སེམས་ཅན་ཡོངས་སུ་སྨིན་པར་བྱ་བ་དང་། གདུལ་བའི་དུས་ཐུགས་སུ་ཆུད་ནས། མཆོད་སྦྱིན་གྱི་གནས་དེར་གཤེགས་ཏེ། ལྷའི་དབང་པོའི་ཚོགས་ཀྱིས་ནི་ཡོངས་སུ་བསྐོར། ཀླུའི་དབང་པོས་ནི་ཡང་དག་པར་མཆོད།
D44.038.0193a07.01