完整藏文原文 · 德格版页 当前仅加载第 38 函德格 53a 版页；藏文 NFD、目录标记与异常页序保留在来源切片中，重复版页行以稳定序号区分。
ཁམས་དང་། རྒྱལ་པོའི་ཕོ་བྲང་འཁོར་དང་འདོད་པའི་ཁམས་སུ་གཏོགས་པའི་སེམས་ཅན་གྱི་རྒྱུད་ཐམས་ཅད་དུ་ཆོས་ནི་སྟོན་ཏོ། །ཆོས་མ་ཡིན་པ་ནི་བཟློག་གོ །རྩོད་པ་ནི་ཞི་བར་བྱེད་དོ། །འཐབ་པ་ནི་རྣམ་པར་བཟློག་གོ །འཁྲུག་པ་ནི་ཉེ་བར་ཞི་བར་བྱེད་དོ། །
D44.038.0053a01.01གཡུལ་དུ་ལྷགས་པ་ནི་རྣམ་པར་བཟློག་གོ །ཤགས་འགྱེད་པ་ནི་ཞི་བར་བྱེད་དོ། །མདུད་པར་འཛིན་པ་ནི་རབ་ཏུ་སེལ་ཏོ། བཅིངས་པ་ཐམས་ཅད་ནི་ཡོངས་སུ་གཅོད་དོ། །བཙོན་ར་ཐམས་ཅད་ནི་མངོན་པར་འདྲལ་ལོ། །འཇིགས་པ་ནི་རྣམ་པར་བཟློག་གོ །མི་དགེ་བའི་ལས་ཀྱི་འདུ་
D44.038.0053a02.01བྱེད་ནི་རྒྱུན་གཅོད་དོ། །སྲོག་གཅོད་པ་ལས་ནི་སེམས་ཅན་རྣམས་རྣམ་པར་ཟློག་གོ །མ་བྱིན་པར་ལེན་པ་དང་འདོད་པས་ལོག་པར་གཡེམ་པ་དང་། {བརྫུན་,རྫུན་}དུ་སྨྲ་བ་དང་ཕྲ་མ་དང་ཞེ་གཅོད་པ་དང་། ཚིག་ཀྱལ་པ་དང་ཆགས་སེམས་དང་། གནོད་སེམས་དང་ལོག་པར་ལྟ་བ་ལས་ནི་སེམས་
D44.038.0053a03.01ཅན་རྣམ་པར་ཟློག་གོ །མི་བྱ་བ་ཐམས་ཅད་ནི་བྱེད་དུ་མི་འཛུད་དོ། །དགེ་བའི་ཆོས་བྱ་བ་ཐམས་ཅད་ནི་བྱེད་དུ་འཛུད་དོ། །སེམས་ཅན་ཐམས་ཅད་ནི་བཟོ་ཐམས་ཅད་ལ་སློབ་ཏུ་འཛུད་དེ། འཇིག་རྟེན་རྣམས་རབ་ཏུ་དགའ་བར་བྱ་བ་དང་། སེམས་ཅན་ཡོངས་སུ་སྨིན་པར་
D44.038.0053a04.01བྱ་བ་དང་། ཞགས་པ་འཐུབ་པ་ཐམས་ཅད་ལ་གོང་མའི་ཡེ་ཤེས་ཁྱད་པར་དུ་འཕགས་པ་བརྗོད་པའི་ཕྱིར་རྗེས་སུ་འབྲང་བར་བྱ་བ་དང་། ལྟ་བའི་རྣམ་པ་ཐམས་ཅད་རྣམ་པར་བཟློག་པ་དང་། སངས་རྒྱས་ཀྱི་ཆོས་ཐམས་ཅད་བརྗོད་ཅིང་བསྟན་པའི་ཕྱིར་འཇིག་རྟེན་ལ་ཕན་པར་
D44.038.0053a05.01འགྱུར་བའི་གཙུག་ལག་ཐམས་ཅད་ཀྱང་སྟོན་ཏོ། །རྣམ་པར་འགོད་དོ། །རབ་ཏུ་གསལ་བར་བྱེད་དོ། །བརྗོད་དོ། །དེ་བཞིན་དུ་ཚངས་པའི་འཇིག་རྟེན་གྱི་བར་དུ་གཟུགས་ཀྱི་ཁམས་ཀྱི་ལྷ་ཐམས་ཅད་ཟིལ་གྱིས་མནན་ཏེ་ཆོས་སྟོན་ཏོ། སྟོང་གསུམ་གྱི་སྟོང་ཆེན་པོའི་འཇིག་
D44.038.0053a06.01རྟེན་གྱི་ཁམས་འདིར་ཇི་ལྟ་བ་དེ་བཞིན་དུ་ཕྱོགས་བཅུར་ཡང་འཇིག་རྟེན་གྱི་ཁམས་སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱ་སྟོང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་དག་ཏུ་ཆོས་སྟོན་ཏེ། སངས་རྒྱས་ཀྱི་ཆོས་ཀྱང་སྟོན་ཏོ། །བྱང་ཆུབ་སེམས་དཔའི་
D44.038.0053a07.01