完整藏文原文 · 德格版页 当前仅加载第 38 函德格 239a 版页；藏文 NFD、目录标记与异常页序保留在来源切片中，重复版页行以稳定序号区分。
མཚན་ཀུན་ཏུ་འཕྲོ། །དེ་ཚེ་དགུང་ལ་གདུགས་ཤིག་ཤར་ཏམ་ཞེས། །སྐྱེ་བོ་ཀུན་ཀྱང་ཡིད་གཉིས་འཚལ་བར་གྱུར། །དགུང་སངས་གྱུར་ནས་པད་མོ་ཆེན་པོ་དེ། །གདུགས་ཀྱི་འོད་ཀྱིས་རབ་ཏུ་རྒྱས་བགྱིས་ནས། །སྣང་བ་དེ་དང་སྒྲ་སྙན་རབ་ཀྱང་བཀྱེ། །
D44.038.0239a01.01འདི་འབྱུང་དེ་ནི་སྔོན་གྱི་ལྟས་སུ་བྱུང་། །བུད་{མྱེད་,མེད་}རིན་ཆེན་འདི་འདྲ་འཇིག་རྟེན་དུ། །ཚུལ་ཁྲིམས་དམ་པ་རྣམ་པར་དག་པས་བྱུང་། །སུག་ལས་བགྱིས་པ་ཆབ་འཚལ་མི་འགྱུར་བས། །འདི་ནི་སྔོན་ཅད་ལེགས་པར་སྤྱད་པའི་འབྲས། །སྐྲ་ནི་མཐོན་ཏིང་
D44.038.0239a02.01མིག་ཡངས་ཨུད་པ་ལ། །ཚངས་པའི་དབྱངས་ལྡན་ཁ་དོག་རྣམ་དག་ལྡན། །ཕྲེང་བ་རྒྱན་མཆོག་ཆ་ལུགས་དབྱིབས་སུ་ཤིས། །དཔལ་ལྟར་དྲི་{མྱེད་,མེད་}པད་མོའི་མཆོག་ལས་སྐྱེས། །ལུས་ནི་རྣམ་དག་ཡན་ལག་རྒྱན་དུ་མཉམ། །ལུས་ཀྱི་དབྱིབས་ལེགས་ཡན་ལག་
D44.038.0239a03.01ཡོངས་སུ་ཚང་། །གསེར་གྱི་གཟུགས་ལ་ནོར་བུས་ཕྱིས་པ་འདྲ། །ཕྱོགས་ཀུན་འོད་ཀྱིས་རྣམ་པར་གདའ་བར་གསལ། །ལུས་ལས་ཙན་དན་རྒྱལ་པོའི་སྤོས་ཀྱི་དྲི། །ཕྱོགས་སུ་རྒྱས་པར་འདི་ཡི་ལུས་ལས་འབྱུང་། །སྒྲ་སྙན་ལྷ་རྫས་ཡིད་དུ་འོང་བརྗོད་ཚེ། །ཁ་ནས་
D44.038.0239a04.01ཨུད་པ་ལ་ཡི་ངད་ཀྱང་ལྡང་། །འདི་ནི་གང་ཚེ་འཛུམ་ཞིང་རྒོད་པའི་ཚེ། །རོལ་མོའི་སྒྲ་སྙན་དེ་ཚེ་འབྱུང་བར་འགྱུར། །བུད་མེད་རིན་ཆེན་འཇིག་རྟེན་འདིར་བྱུང་སྟེ། །ཐ་མལ་ཀུན་གྱི་དབང་དུ་འགྱུར་མ་ལགས། །ཁྱོད་མ་གཏོགས་པར་མི་ཡི་འཇིག་རྟེན་ན། །འདི་ཡི་
D44.038.0239a05.01བདག་པོ་གཞན་ནི་གཅིག་མ་མཆིས། །མཚན་རབ་བརྒྱན་པའི་སྐུ་གཟུགས་མཛེས་མངའ་བ། །ཁྱོད་ཀྱི་ཞལ་སྔར་བུ་མོ་འདི་བཞེས་གསོལ། །འདི་ནི་ཧ་ཅང་མི་རིང་མི་ཐུང་སྟེ། །ཧ་ཅང་མི་སྦོམ་ཧ་ཅང་ཕྲ་མ་ལགས། །ལྟོ་ནི་གཞུ་འདྲ་ནུ་མ་ཤས་ཀྱང་རྒྱས། །
D44.038.0239a06.01ཡན་ལག་སྐྱོན་བྲལ་འདི་ནི་ཁྱོད་ལ་འོས། །གྲངས་དང་ཡི་གེ་ཤེས་བགྱི་ཚུལ་རྣམས་དང་། །ལག་བརྡའི་ཚུལ་དང་གཙུག་ལག་ཚུལ་ལ་མཁས། །འཇིག་རྟེན་ཀུན་ན་བཟོ་རྣམས་ཇི་སྙེད་པ། །མ་ལུས་དེ་ལ་འདི་ནི་ཕ་རོལ་ཕྱིན། །མདའ་གཞུའི་ཚུལ་ལ་འང་རྣམ་
D44.038.0239a07.01