完整藏文原文 · 德格版页 当前仅加载第 38 函德格 120a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་བུ་མོ་པདྨོ་བཟང་མོ་མིག་ཡིད་དུ་འོང་བའི་དཔལ་གྱི་ཟླ་བ་ཞེས་བྱ་བ་ཡན་ལག་ཐམས་ཅད་ཚང་བ། གཟུགས་མཛེས་ཤིང་སྡུག་པ། བལྟ་ན་ཡིད་དུ་འོང་བ། འཇིག་རྟེན་ཐམས་ཅད་གྱིས་བལྟ་ན་མི་ངོམས་པ་བྱུང་བར་གྱུར་ཏེ། རིགས་ཀྱི་བུ་འདི་ལྟ་སྟེ་དཔེར་ན།
D44.038.0120a01.01འཁོར་ལོས་སྒྱུར་བའི་རྒྱལ་པོ་ལ་བལྟ་ན་སུ་ཡང་ངོམས་པར་མི་འགྱུར་བ་དེ་བཞིན་དུ་འཁོར་ལོས་སྒྱུར་བའི་བུ་མོ་པདྨོ་བཟང་མོ་མིག་ཡིད་དུ་འོང་བའི་དཔལ་དེ་ལ་བལྟ་བས་ཀྱང་སུ་ཡང་ངོམས་པར་མི་འགྱུར་ཏེ། ཤེས་རབ་ཀྱིས་ཡོངས་སུ་ངོམས་པར་འགྱུར་བ་ནི་མ་གཏོགས་སོ། །དེའི་ཚེ་
D44.038.0120a02.01དེའི་དུས་ན། སེམས་ཅན་རྣམས་ཀྱང་ཚེ་དཔག་ཏུ་མེད་པར་གྱུར་ཏེ། ཚེ་ལ་གཅིག་ཏུ་ངེས་པ་མེད་པས་བར་མ་དོར་འཆི་བ་ནི་ཡོད་དོ། །དེའི་དུས་ན་སེམས་ཅན་རྣམས་ཀྱི་དབྱིབས་སྣ་ཚོགས་དང་། ཁ་དོག་སྣ་ཚོགས་དང་། དབྱངས་སྣ་ཚོགས་དང་། མིང་སྣ་ཚོགས་དང་། རིགས་སྣ་ཚོགས་དང་།
D44.038.0120a03.01ཚེའི་ཚད་སྣ་ཚོགས་དང་། ཆུ་ཞེང་རྣམ་པ་ཐ་དད་པ་དང་། མོས་པ་དང་སྟོབས་དང་། བརྩོན་འགྲུས་དང་། མཐུ་རྣམ་པ་ཐ་དད་པ་དང་། ཡིད་དུ་འོང་བ་དང་། ཡིད་དུ་མི་འོང་བ་རྣམ་པ་ཐ་དད་པ་དང་། ཡངས་པ་དང་དམའ་བ་ལ་མོས་པ་སྣ་ཚོགས་ཀྱང་ཡོད་པར་གྱུར་ཏེ། དེ་ལ་སེམས་ཅན་ཇི་སྙེད་
D44.038.0120a04.01ཅིག་ཁ་དོག་བཟང་བ་དང་། ཡངས་པ་ལ་མོས་པ་དང་། ཡན་ལག་ཚང་བ་དང་། བལྟ་ན་སྡུག་ཅིང་ཡིད་དུ་འོང་བར་གྱུར་པ་དེ་དག་ནི་འདི་སྐད་ཅེས་འཛེར་ཏེ། ཀྱེ་མི་དག་ང་ནི་ཁྱེད་བས་ཁ་དོག་ཆེས་བཟང་ངོ་ཞེས་ཟེར་རོ། །དེ་བཞིན་དུ་སེམས་ཅན་ཇི་སྙེད་ཅིག་ལུས་ཀྱི་དབྱིབས་ལེགས་པ་དང་ལྡན་
D44.038.0120a05.01པར་གྱུར་པ་དེ་དག་ཀྱང་། སེམས་ཅན་ལུས་ཀྱི་དབྱིབས་མི་སྡུག་པར་འགྱུར་བ་རྣམས་ལ་རློམ་ཞིང་ཁྱད་དུ་གསོད་དོ། །དེ་དག་དེ་ལྟར་གཅིག་ལ་གཅིག་ཁྱད་དུ་གསོད་པ་ལས་བྱུང་བའི་མི་དགེ་བའི་རྩ་བས་ཚེའི་ཚད་ལས་ཀྱང་ཡོངས་སུ་བྲི་བར་གྱུར་ཏོ། །།ཁ་དོག་དང་སྟོབས་དང་བདེ་བ་ལས་ཀྱང་ཡོངས་སུ་བྲི་
D44.038.0120a06.01བར་གྱུར་ཏོ། །རྒྱལ་པོའི་ཕོ་བྲང་རིན་པོ་ཆེའི་མེ་ཏོག་སྒྲོན་མ་དེའི་བྱང་ཕྱོགས་ལོགས་ན། སྙིང་པོ་བྱང་ཆུབ་ཀྱི་ཤིང་ཀུན་ཏུ་གྲགས་པའི་ཆོས་ཀྱི་སྤྲིན་སྒྲའི་རྒྱལ་མཚན་ཞེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་བྱང་ཆུབ་ཀྱི་རྒྱན་སྐད་ཅིག་རེ་རེ་ལ་ཡོངས་སུ་སྟོན་པ། རྩ་བ་རིན་པོ་ཆེའི་རྒྱལ་པོ་
D44.038.0120a07.01