完整藏文原文 · 德格版页 当前仅加载第 12 函德格 94a 版页；藏文 NFD、目录标记与异常页序保留在来源切片中，重复版页行以稳定序号区分。
པར་བཤམས་ནས་བསྙེན་པར་རྫོགས་ཏེ་བཅུག་ན་ཅིར་འགྱུར། མཐར་འགྱུར་རོ། །བསྙེན་པར་རྫོགས་ཀར་བཤམས་ནས་བསྙེན་པར་རྫོགས་ཀར་བཅུག་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པར་བཤམས་ནས་བསྙེན་པར་རྫོགས་ཏེ་བཅུག་
D7a.012.0094a01.01ན་ཅིར་འགྱུར། མཐར་འགྱུར་རོ། །བསྙེན་པར་རྫོགས་ནས་བཤམས་ལ་བསྙེན་པར་རྫོགས་ནས་བཅུག་ན་ཅིར་འགྱུར། མཐར་འགྱུར་རོ། །བསྙེན་པར་རྫོགས་ནས་བཤམས་ཏེ་བསྙེན་པར་མ་རྫོགས་པར་བཅུག་ན་ཅིར་འགྱུར། ཉེས་པ་སྦོམ་པོར་འགྱུར་རོ། །ཇི་ལྟར་
D7a.012.0094a02.01དགེ་སློང་གིས་མི་ཚངས་པར་སྤྱད་པའི་རྒྱུ་རྐྱེན་གྱིས་མཐར་གྱུར་པ་དེ་བཞིན་དུ་བསླབ་པ་བྱིན་པ་དང་། དགེ་སློང་མ་ལ་ཡང་མཐར་འགྱུར་རོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་ལ་ནི་ཉེས་བྱས་སོ།། །།མདོར་ན། བརྒྱད་བཅུའི་སྡེ་དང་མཚན་མ་
D7a.012.0094a03.01དང་། །མི་མཉམ་རིན་ཐང་འོན་ཏེ་མཚན། །བསྙེན་པར་རྫོགས་པ་བདུན་པ་བྱས། །ཤོ་གམ་བཅུ་གཅིག་དེ་བཞིན་ནོ། །བཙུན་པ་དགེ་སློང་གིས་བརྒྱད་བཅུའི་སྡེ་གཉིས་ཀར་བདག་ཉིད་གཏོགས་པར་བགྲང་དུ་བཅུག་ན་ཅིར་འགྱུར། ཉེས་བྱས་སོ། །དེ་ལ་ཆོས་དང་ལྡན་
D7a.012.0094a04.01པའི་སྐལ་བ་གང་ལགས། དང་པོའོ། །དེ་སྟེ་བླངས་ནས་བཅབས་ན་ཤེས་བཞིན་དུ་{བརྫུན་,རྫུན་}དུ་སྨྲས་པས་ལྟུང་བའོ། །ནམ་གྲུབ་པར་གྱུར་པ་ན་རིན་ཐང་བརྩི་བར་བྱའོ། །བཙུན་པ་མི་རྣམས་ཀྱི་མཚན་མ་བཙུགས་ཏེ་བཞག་པ་དེ་ལས་དགེ་སློང་གིས་རིན་ཆེ་བའི་མཚན་མ་རིན་ཆུང་
D7a.012.0094a05.01བའི་གནས་སུ་བསྐྱོད་ན་ཅིར་འགྱུར། ཉེས་པ་སྦོམ་པོར་འགྱུར་རོ། །དེ་སྟེ་རིན་ཆུང་བའི་མཚན་མ་རིན་ཆེན་པོའི་གནས་སུ་བསྐྱོད་ན་ཅིར་འགྱུར། མཐར་འགྱུར་རོ། །བཙུན་པ་དགེ་སློང་གིས་རིན་ཐང་མ་མཆིས་པའི་དངོས་པོ་ཞིག་བརྐུས་ན་ཅིར་འགྱུར། མཐར་འགྱུར་རོ། །
D7a.012.0094a06.01རིན་ཐང་མེད་པའི་དངོས་པོ་གང་ཞེ་ན། རིན་ཆེ་བར་གྱུར་པས་དེ་ལ་རིན་ཐང་གཅད་དུ་མི་ཆོད་པའོ། །དེ་སྟེ་རིན་ཐང་མ་མཆིས་པའི་དངོས་པོ་ཞིག་བརྐུས་ན་ཅིར་འགྱུར། ཉེས་པ་སྦོམ་པོར་འགྱུར་རོ། རིན་ཐང་མེད་པའི་དངོས་པོ་གང་ཞེ་ན། གང་ཆུང་བར་གྱུར་པས་རིན་གཅད་
D7a.012.0094a07.01