完整藏文原文 · 德格版页 当前仅加载第 12 函德格 170a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱོགས་མ་དང་། བསླབ་པ་སྩལ་བ་མོ་རྣམས་ལ་གོས་སྩལ་ན་ཅིར་འགྱུར། ཐམས་ཅད་ལྟུང་བའོ། །བཙུན་པ་དགེ་སློང་མས་ཁྱིམ་པ་ལ་གོས་སྩལ་ན་ཅིར་འགྱུར། གལ་ཏེ་དགེ་སྦྱོང་གི་གོས་བྱིན་ན་ལྟུང་བར་འགྱུར་རོ། །འོན་ཏེ་ཁྱིམ་པའི་གོས་བྱིན་ན་ཉེས་པ་མེད་དོ། །
D7a.012.0170a01.01བཙུན་པ་དགེ་སློང་མས་དགེ་སློང་དང་། དགེ་ཚུལ་ཕ་ལ་གོས་སྩལ་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་གཉེན་མ་ལགས་པའི་དགེ་སློང་མ་ལ་གོས་སྩལ་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་ལ་ཉེས་བྱས་སོ།། །།མདོར་ན། སྔགས་
D7a.012.0170a02.01དང་བཞི་པ་རྫུ་འཕྲུལ་དང་། །མཚན་དང་དུས་དང་བདུན་པ་དང་། །ལམ་མ་ཡིན་དང་ཁྱིམ་ལ་སོགས། །སྐད་དང་ལུས་དང་དབེན་དེ་བཞིན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་མའི་འདྲོན་པ་
D7a.012.0170a03.01མང་པོ་དང་ལྷན་ཅིག་ཏུ་འཐམས་ཏེ་ཤུལ་དུ་ཞུགས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་འཐམས་ནས་སྔགས་སམ། སྨན་གྱིས་བདག་མི་སྣང་བར་བགྱིས་ཏེ་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་བསྙེན་པར་རྫོགས་མ་ལ་བསྙེན་པར་རྫོགས་པར་
D7a.012.0170a04.01འདུ་ཤེས་ཏེ་འཐམས་ནས་མཆིས་ན་ཅིར་འགྱུར། ལྟུང་བའོ། །བསྙེན་པར་རྫོགས་མ་ལ་བསྙེན་པར་མ་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །བསྙེན་པར་མ་རྫོགས་མ་ལ་བསྙེན་པར་རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །བསྙེན་པར་མ་རྫོགས་མ་ལ་བསྙེན་པར་མ་
D7a.012.0170a05.01རྫོགས་པར་འདུ་ཤེས་ན་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་དགེ་སློང་མ་དང་འཐམས་ནས་ལྷན་ཅིག་ཏུ་རྫུ་འཕྲུལ་གྱིས་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་མའི་འདྲོན་པ་མང་པོ་དང་འཐམས་ནས་ལྷན་ཅིག་ཏུ་འགྲོགས་ཏེ་མཆིས་པ་ན་མཚན་འཕོས་
D7a.012.0170a06.01ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མ་དགེ་སློང་ཕའི་འདྲོན་པ་མང་པོ་དང་འཐམས་ནས་ལྷན་ཅིག་ཏུ་ཤུལ་དུ་ཞུགས་ཏེ་མཆིས་པ་ན་མཚན་འཕོས་ཏེ་དགེ་སློང་ཕར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་དགེ་སློང་མ་དང་འཐམས་ནས་ཤུལ་
D7a.012.0170a07.01