完整藏文原文 · 德格版页 当前仅加载第 12 函德格 278b 版页；藏文 NFD、目录标记与异常页序保留在来源切片中，重复版页行以稳定序号区分。
བགྱི། དགེ་འདུན་གྱི་ནང་དུའོ། །བཙུན་པ་ཆོས་བཞིན་དུ་གང་དུ་སྨྲ་བར་བགྱི། དགེ་འདུན་གྱི་ནང་དུའོ། །བཙུན་པ་ཆོས་བཞིན་དུ་ལུང་དབོག་པ་གང་དུ་དགག་པར་བགྱི། དགེ་འདུན་གྱི་ནང་དུའོ། །བཙུན་པ་ཆོས་བཞིན་དུ་སྐབས་འབྱེད་པ་གང་དུ་དགག་པར་བགྱི། དགེ་འདུན་གྱི་ནང་དུའོ། །
D7a.012.0278b01.01བཙུན་པ་སྐབས་དབྱེ་བར་གསོལ་བ་གང་དུ་བགྱི། དགེ་འདུན་གྱི་ནང་དུའོ། །བཙུན་པ་གང་དུ་སྐབས་དབྱེ་བར་བགྱི། དགེ་འདུན་གྱི་ནང་དུའོ། །བཙུན་པ་ཆོས་བཞིན་དུ་བགྱི་བའི་རྣམ་པ་གང་དུ་བགྱི། དགེ་འདུན་གྱི་ནང་དུའོ། །བཙུན་པ་ཆོས་བཞིན་དུ་བརྩད་པ་གང་དུ་བགྱི། དགེ་
D7a.012.0278b02.01འདུན་གྱི་ནང་དུའོ། །བཙུན་པ་ཆོས་བཞིན་གྱི་ཡི་དམ་གང་དུ་བགྱི། དགེ་འདུན་གྱི་ནང་དུའོ། །བཙུན་པ་ཆོས་བཞིན་དུ་གསོ་སྦྱོང་དགག་པ་ནི་དུ། ཆོས་བཞིན་མ་ལགས་པ་ནི་དུ། ཆོས་བཞིན་མ་ཡིན་པས་གསོ་སྦྱོང་དགག་པ་ནི་གཅིག་གོ། །ཆོས་བཞིན་པའང་གཅིག་གོ། །
D7a.012.0278b03.01ཆོས་བཞིན་མ་ཡིན་པ་ནི་གཉིས་ཏེ། ཆོས་བཞིན་པའང་གཉིས་སོ། །ཆོས་བཞིན་མ་ཡིན་པ་ནི་གསུམ་སྟེ། ཆོས་བཞིན་པའང་གསུམ་མོ། །ཆོས་བཞིན་མ་ཡིན་པ་ནི་བཞི་སྟེ། ཆོས་བཞིན་པའང་བཞིའོ། །ཆོས་བཞིན་མ་ཡིན་པ་ནི་ལྔ་སྟེ། ཆོས་བཞིན་པའང་ལྔའོ། །
D7a.012.0278b04.01ཆོས་བཞིན་མ་ཡིན་པ་ནི་དྲུག་སྟེ། ཆོས་བཞིན་པའང་དྲུག་གོ། །ཆོས་བཞིན་མ་ཡིན་པ་ནི་བདུན་ཏེ། ཆོས་བཞིན་པའང་བདུན་ནོ། །ཆོས་བཞིན་མ་ཡིན་པ་ནི་བརྒྱད་དེ། ཆོས་བཞིན་ཡིན་པ་ཡང་བརྒྱད་དོ། །ཆོས་བཞིན་མ་ཡིན་པ་ནི་དགུ་སྟེ། ཆོས་བཞིན་པའང་དགུའོ། །ཆོས་
D7a.012.0278b05.01བཞིན་མ་ཡིན་པ་ནི་བཅུ་སྟེ། ཆོས་བཞིན་པའང་བཅུའོ། །ཆོས་བཞིན་མ་ཡིན་པས་གསོ་སྦྱོང་དགག་པ་གཅིག་གང་ཞེ་ན། བྱས་པ་ལ་གཞི་མེད་པས་གསོ་སྦྱོང་འགོག་པ་ནི་ཆོས་བཞིན་མ་ཡིན་པས་གསོ་སྦྱོང་འགོག་པའོ། །བྱས་པ་ལ་གཞི་ཡོད་པས་གསོ་སྦྱོང་འགོག་པ་ནི་ཆོས་
D7a.012.0278b06.01བཞིན་དུ་གསོ་སྦྱོང་འགོག་པའོ། །འདི་ནི་ཆོས་བཞིན་མ་ཡིན་པས་གསོ་སྦྱོང་འགོག་པ་གཅིག་དང་། ཆོས་བཞིན་ཡང་གཅིག་གོ། །ཆོས་བཞིན་མ་ཡིན་པ་གཉིས་དང་། ཆོས་བཞིན་དུ་གསོ་སྦྱོང་འགོག་པ་གཉིས་པོ་གང་ཞེ་ན། ཇི་ལྟར་ཡང་དེ་ནི་དགེ་སློང་གིས་དགེ་སློང་བྱས་པ་ལ་
D7a.012.0278b07.01