完整藏文原文 · 德格版页 当前仅加载第 12 函德格 222a 版页；藏文 NFD、目录标记与异常页序保留在来源切片中，重复版页行以稳定序号区分。
བསྙེན་པར་མ་རྫོགས་པ་ན་སླར་བཟློག་སྟེ་མ་མཉན་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་དགེ་འདུན་གྱི་ཞལ་ཏ་བས་བསྒོ་བ་ན་ཅང་མི་མཆི་བར་མ་མཉན་ན་ཅིར་འགྱུར། ཉེས་བྱས་སོ། །བཙུན་པ་བསླབ་པ་སྩལ་བས་དགེ་འདུན་གྱི་ཞལ་ཏ་བས་བསྒོ་
D7a.012.0222a01.01བ་ན་སླར་བཟློག་སྟེ་མ་མཉན་ན་ཅིར་འགྱུར། ལྟུང་བའོ། །བཙུན་པ་དགེ་སློང་མ་དགེ་འདུན་གྱི་ཞལ་ཏ་བས་བསྒོ་བ་ན་སླར་བཟློག་སྟེ་མ་མཉན་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སོ།། །།མདོར་ན། འབྲས་
D7a.012.0222a02.01གཉིས་དང་ནི་དེ་བཞིན་སྔགས། །ཕབས་དང་ཚྭ་དང་འཁུར་ཆང་དང་། །རྩ་བ་སྡོང་བུ་འབྲས་ཆན་དང་། །བདུན་པ་རྩ་མེད་བསྲེས་པ་དང་། །བསྒོས་དང་ལྷ་དང་བཞི་པ་མཚན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་
D7a.012.0222a03.01ལྡན་འདས་ཀྱིས་ཡང་ཆང་དང་འབྲས་བུའི་ཆང་མྱོས་པར་འགྱུར་བ་འཚལ་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་རྩ་བ་དང་། སྡོང་བུ་དང་། ལོ་མ་དང་། མེ་ཏོག་དང་། འབྲས་བུ་རྣམས་ཀྱིས་མྱོས་པར་འགྱུར་བ་འཚལ་ན་ཅིར་འགྱུར། ཉེས་བྱས་
D7a.012.0222a04.01སོ། །བཙུན་པ་དགེ་སློང་གིས་རྩ་བ་དང་། སྡོང་བུ་དང་། ལོ་མ་དང་། མེ་ཏོག་དང་། འབྲས་བུ་དངོས་པོ་གཞན་ཆང་གི་ནང་དུ་གཞག་པ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཆང་ངམ་འབྲས་བུའི་ཆང་མྱོས་པར་འགྱུར་བ་བདག་གི་དྲུང་དུ་
D7a.012.0222a05.01སྔགས་སམ་སྨན་གྱིས་བླངས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ཕབས་འཚལ་ན་ཅིར་འགྱུར། ཉེས་བྱས་སོ། །བཙུན་པ་ཆང་ཚྭར་གྱུར་པ་འཚལ་བར་བགྱིའམ། ཨུ་པཱ་ལི་དེ་སྟེ། ཆང་གི་དངོས་པོ་མང་དུ་གྱུར་ལ་ཚྭའི་དངོས་པོ་ཉུང་ན་
D7a.012.0222a06.01མི་བཏུང་ངོ་། །འོན་ཏེ་ཚྭའི་དངོས་པོ་མང་བར་མངོན་ལ་ཆང་གི་དངོས་པོ་ཉུང་ན་འཐུང་ཤིག །ཨུ་པཱ་ལི་དེ་ཅིའི་ཕྱིར་ཞེ་ན། དེས་ནི་ཆང་གི་བྱ་བ་བྱེད་མི་ནུས་སོ། །བཙུན་པ་ཆང་ཚྭར་གྱུར་པ་དུས་མ་ལགས་པར་འཚལ་དུ་གནང་ངམ། ཨུ་པཱ་ལི་དེ་སྟེ་དང་བར་གྱུར་ལ་རྣམ་པར་
D7a.012.0222a07.01