完整藏文原文 · 德格版页 当前仅加载第 12 函德格 224a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར། ཉེས་པ་མེད་དོ། །བཙུན་པ་དགེ་སློང་གིས་དགེ་སློང་མཆིས་པ་ལ་འཚལ་བར་མ་བགྱིས་པར་སླད་དྲོ་གྲོང་དུ་མཆིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་དེ་ནི་དགེ་སློང་མེད་པའི་གནས་ན་འདུག་འདུག་
D7a.012.0224a01.01པའོ། །བཙུན་པ་གྲོང་གི་ནང་ན་གཙུག་ལག་ཁང་ཞིག་མཆིས་སམ་བསྐོར་བར་གྱུར་པ་དེ་ནས་འཚལ་བར་མ་བགྱིས་པར་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ནམ་མཁའ་ལ་མཆིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་ནམ་མཁའ་
D7a.012.0224a02.01ལ་མཆིས་པ་ཞིག་ལ་འཚལ་བར་བགྱིས་ན་འཚལ་བར་བགྱིས་པ་ཞེས་བགྱིའམ། ཨུ་པཱ་ལི་ཤེས་པར་བྱས་པ་ཞེས་བྱའོ། །དེ་བཞིན་དུ་ས་ལ་གནས་པས་ནམ་མཁའ་ལ་གནས་པ་དང་། མཚམས་ཀྱི་ནང་ན་གནས་པས་མཚམས་ཀྱི་ཕྱི་རོལ་ན་གནས་པ་ལ་འཚལ་བར་བགྱིས་ན་
D7a.012.0224a03.01འཚལ་བར་བགྱིས་པ་ཞེས་བགྱིའམ། ཨུ་པཱ་ལི་ཤེས་པར་བྱས་པ་ཞེས་བྱའོ། །བཙུན་པ་དགེ་སློང་གིས་མཆིས་པའི་དགེ་སློང་ལ་འཚལ་བར་མ་བགྱིས་པར་སླད་དྲོ་གྲོང་དུ་མཆིས་པ་དང་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་
D7a.012.0224a04.01སློང་མས་མཆིས་པའི་དགེ་སློང་མ་ལ་འཚལ་བར་མ་བགྱིས་པར་སླད་དྲོ་དབྱར་མོ་ཁང་ནས་གྲོང་དུ་མཆིས་པ་དང་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་གིས་སླད་དྲོ་ལ་སླད་དྲོར་འདུ་ཤེས་ཏེ་དགེ་སློང་མཆིས་བཞིན་དུ་འཚལ་བར་མ་བགྱིས་
D7a.012.0224a05.01པར་གྲོང་དུ་མཆིས་ན་ཅིར་འགྱུར། ལྟུང་བའོ། །དུས་མ་ལགས་པ་ལ་དུས་སུ་འདུ་ཤེས་ཏེ་མཆིས་ན་ཅིར་འགྱུར། ཉེས་པ་མེད་དོ། །དུས་ལ་དུས་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། །དུས་ལ་དུས་སུ་འདུ་ཤེས་ན་ཅིར་འགྱུར། ཉེས་པ་མེད་དོ། །
D7a.012.0224a06.01བཙུན་པ་དགེ་སློང་གིས་ཁྱིམ་པ་ཞིག་ལ་འཚལ་བར་བགྱིས་ན་ཅིར་འགྱུར། ཉེས་བྱས་སོ། །དེ་བཞིན་དུ་ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་དང་། མ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་
D7a.012.0224a07.01