完整藏文原文 · 德格版页 当前仅加载第 12 函德格 132a 版页；藏文 NFD、目录标记与异常页序保留在来源切片中，重复版页行以稳定序号区分。
བ་དེས་ལྷུང་བཟེད་བླངས་ཏེ་ཤིན་ཏུ་རིང་བར་བཅངས་ཀྱང་ཉེས་པ་མེད་དོ། །བཙུན་པ་དགེ་སློང་གིས་ལྷུང་བཟེད་གཅིག་མཆིས་ལ་མཆིས་བཞིན་དུ་ལྷུང་བཟེད་གཅིག་པོ་དེ་སྤང་བར་འགྱུར་བ་མཆིས་སམ་ཨུ་པཱ་ལི་ཡོད་དེ། བྱིན་གྱིས་མ་བརླབས་པར་བཅངས་པའོ། །བཙུན་པ་དགེ་
D7a.012.0132a01.01སློང་གིས་ནམ་འཚོའི་བར་དུ་ལྷུང་བཟེད་ལྷག་པ་བཅངས་ཀྱང་སྤང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་དགེ་སློང་དེ་ཞག་བཅུ་མ་ལོན་པར་དུས་བྱས་པའོ། །བཙུན་པ་བསླབ་པ་སྩལ་བས་དགུང་བཅུ་ལས་འདས་པར་ལྷུང་བཟེད་ལྷག་པ་བཅངས་ན་ཅིར་འགྱུར། སྤང་བར་
D7a.012.0132a02.01འགྱུར་རོ། །དགེ་སློང་མས་ཞག་བཅུ་ལས་འདས་པར་ལྷུང་བཟེད་ལྷག་པ་བཅངས་ན་སྤང་བའི་ལྟུང་བར་འགྱུར་རོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་བྱས་སུ་འགྱུར་རོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་
D7a.012.0132a03.01དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ནད་པ་འོན་པ་འགྲོ་བའོ། །དེ་ནས་སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ལྷན་པ་ལྔ་ལས་ཉུང་བའི་ལྷུང་བཟེད་སྤྱད་དུ་ཡོད་བཞིན་དུ་ལྷུང་
D7a.012.0132a04.01བཟེད་གཞན་བཙལ་ན་སྤང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་པ་ལས་ལྷུང་བཟེད་གཉིས་པ་བཙལ་ཏེ་ལྷུང་བཟེད་རྙེད་ན་ཅིར་འགྱུར། ཉེས་བྱས་སོ། །ཕྲིན་པ་ལས་ཇི་ལྟ་བ་དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་
D7a.012.0132a05.01བརྒྱུད་པ་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་སྨྱོན་པ་ལས་ལྷུང་བཟེད་གཉིས་པ་བཙལ་ན་ཅིར་འགྱུར། ལྷུང་བཟེད་རྙེད་ན་ཉེས་བྱས་སུ་འགྱུར་རོ། །དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། དིག་པ་དང་། ལྐུགས་པ་དང་། འོན་པ་དང་།
D7a.012.0132a06.01འགྲོ་བ་གཞན་དུ་གནས་པ་རྣམས་ལས་ལྷུང་བཟེད་གཉིས་པ་བཙལ་ཏེ་ལྷུང་བཟེད་རྙེད་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། མུ་སྟེགས་ཅན་དང་ཟ་མ་མཚན། །རྣམ་པ་བདུན་ཡང་དེ་བཞིན་ཏེ། །ཐུན་མོང་བ་དང་བཞི་པ་དང་། །ཡོ་བྱད་རྣམས་དང་དགེ་སློང་མ། །བཙུན་
D7a.012.0132a07.01