完整藏文原文 · 德格版页 当前仅加载第 12 函德格 233b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དགེ་སློང་གིས་བསླབ་པའི་སྡོམ་པ་སྩལ་བའི་གྲོང་ནས་བཅའ་བ་དང་བཟའ་བ་འཚལ་བ་དང་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། སོ་སོར་བཤགས་པར་བྱ་བའོ། །བཙུན་པ་དགེ་སློང་མས་བསླབ་པའི་སྡོམ་པ་སྩལ་བའི་གྲོང་ནས་བཅའ་བ་དང་བཟའ་བ་འཚལ་བ་ན་མཚན་འཕོས་ཏེ་
D7a.012.0233b01.01དགེ་སློང་དུ་གྱུར་ན་ཅིར་འགྱུར། སོ་སོར་བཤགས་པར་བྱ་བའོ། །བཙུན་པ་དགེ་སློང་གིས་བསླབ་པའི་སྡོམ་པ་སྩལ་བའི་གྲོང་ནས་སྩལ་བར་འདུ་ཤེས་ཏེ་བཅའ་བ་དང་བཟའ་བ་བླངས་ཏེ་འཚལ་ན་ཅིར་འགྱུར། སོ་སོར་བཤགས་པར་བྱ་བའོ། །སྩལ་བ་ལ་མ་སྩལ་བར་འདུ་ཤེས་ཏེ་འཚལ་
D7a.012.0233b02.01ན་ཅིར་འགྱུར། ཉེས་བྱས་སོ། །མ་སྩལ་བ་ལ་སྩལ་བར་འདུ་ཤེས་ཏེ་འཚལ་ན་ཅིར་འགྱུར། ཉེས་བྱས་སོ། །མ་སྩལ་བ་ལ་མ་སྩལ་བར་འདུ་ཤེས་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་གིས་བསླབ་པའི་སྡོམ་པ་སྩལ་བའི་གྲོང་མི་ལ་མིར་འདུ་ཤེས་ནས་བཅའ་བ་དང་། བཟའ་བ་
D7a.012.0233b03.01ཞིག་བླངས་ཏེ་འཚལ་ན་ཅིར་འགྱུར། སོ་སོར་བཤགས་པར་བྱ་བའོ། །མི་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སོ། །མི་མ་ལགས་པ་ལ་མིར་འདུ་ཤེས་ན་ཅིར་འགྱུར། ཉེས་བྱས་སོ། །མི་མ་ལགས་པ་ལ་མི་མ་ལགས་པར་འདུ་ཤེས་ན་ཅིར་འགྱུར། ཉེས་བྱས་སུ་འགྱུར་རོ། །
D7a.012.0233b04.01བཙུན་པ་བསླབ་པ་སྩལ་བས་བསླབ་པའི་སྡོམ་པ་སྩལ་བའི་གྲོང་ནས་བཅའ་བ་དང་བཟའ་བ་བླངས་ཏེ་འཚལ་ན་ཅིར་འགྱུར། སོ་སོར་བཤགས་པར་བྱ་བའོ། །བཙུན་པ་དགེ་སློང་མས་བསླབ་པའི་སྡོམ་པ་སྩལ་བའི་གྲོང་ནས་བཅའ་བ་དང་བཟའ་བ་བླངས་ཏེ་འཚལ་ན་ཅིར་འགྱུར། སོ་སོར་
D7a.012.0233b05.01བཤགས་པར་བྱ་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ཀྱིས་འཚལ་ན་ཅིར་འགྱུར། ཉེས་བྱས་སོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ན་བ་འོན་པ་འགྲོ་བའོ། །
D7a.012.0233b06.01སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་འདུན་དགོན་པ་ལ་གནས་པར་གྱུར་པ་ན་དོགས་པ་དང་བཅས་པར་འཚལ། འཇིགས་པ་དང་བཅས་པར་འཚལ། འཇིགས་ཤིང་སྐྲག་པ་དང་བཅས་པར་འཚལ་བཞིན་དུ་
D7a.012.0233b07.01