完整藏文原文 · 德格版页 当前仅加载第 12 函德格 285b 版页；藏文 NFD、目录标记与异常页序保留在来源切片中，重复版页行以稳定序号区分。
འདུས་པ་གང་ཞེ་ན། དགེ་སློང་མཚམས་ཀྱི་ནང་ན་ཇི་སྙེད་ཅིག་འཁོད་པར་གྱུར་པ་དེ་དག་ལས་བྱེད་པ་ན་དེ་དག་ཐམས་ཅད་འདུས་པར་གྱུར། མངོན་སུམ་དུ་གྱུར། དད་པ་བླང་བར་རིགས་པའི་རྣམས་ལས་དད་པ་བླངས་པར་གྱུར། དགེ་སློང་རྣམས་ཀྱང་འཐབ་པ་མེད། རྩོད་
D7a.012.0285b01.01པ་མེད་ལ། དེ་དག་ཆོས་སུ་འདུ་ཤེས། འདུལ་བར་འདུ་ཤེས་ཤིང་གསོ་སྦྱོང་གི་ལས་བྱེད་པ་འདི་ནི་དགེ་འདུན་འདུས་པ་ཞེས་བྱའོ། །བཙུན་པ་དགེ་འདུན་འབྱེད་པས་བསྟིར་མེད་པའི་ཁ་ན་མ་ཐོ་བ་སྐྱེས་ལ་མཚམས་མེད་པའི་ལས་སུ་འགྱུར་བ་གང་ལགས། ཨུ་པཱ་ལི་ནམ་དབྱེན་
D7a.012.0285b02.01བྱེད་པས་ཆོས་མ་ཡིན་པ་ལ་ཆོས་མ་ཡིན་པར་འདུ་ཤེས་པ་ཡིན། བྱེ་བ་ལའང་ཆོས་མ་ཡིན་པར་འདུ་ཤེས་བཞིན་དུ་དེས་འདུ་ཤེས་བཅབས། བཟོད་པ་བཅབས། དད་པ་དང་། བློ་གྲོས་དང་། ལྟ་བ་དང་། རྟོག་པ་རྣམས་བཅབས་ཏེ། འདི་སྐད་དུ་ཆོས་ནི་འདིའོ། །
D7a.012.0285b03.01འདུལ་བ་ནི་འདིའོ། །སྟོན་པས་བསྟན་པ་ནི་འདིའོ་ཞེས་སྨྲས་ནས་དེས་དགེ་སློང་དག་ལ་བསྒོ། ཡང་དག་པར་བསྒོ། སློབ། ལེན་དུ་འཇུག །བརྟུལ་ཞུགས་ཀྱི་གཞི་ལྔ་རྗེས་སུ་བསྒྲགས་ཏེ། གང་དབྱེན་བྱེད་པ་དེས་བརྟུལ་ཞུགས་ཀྱི་གཞི་ལྔ་རྗེས་སུ་བསྒྲགས་ཏེ། གསོལ་
D7a.012.0285b04.01བ་བྱས་ཚུལ་ཤིང་བྲིམས་ནས་མང་པོ་ཁྲིད་དེ་སོང་བ་འདི་ནི་དགེ་འདུན་འབྱེད་པ་ཡིན་ཏེ་བསྟིར་མེད་པའི་ཁ་ན་མ་ཐོ་བའང་བསྐྱེད། ཡང་དག་པ་བསྒོ་བ་བླངས་ཤིང་ལེན་དུ་འཇུག་པས་མཚམས་མེད་པའི་ལས་སུའང་འགྱུར་རོ། །དགེ་འདུན་འབྱེད་པས་བསྟིར་མེད་པའི་ཁ་ན་མ་ཐོ་བ་ནི་སྐྱེ་
D7a.012.0285b05.01ལ་དེ་མཚམས་མེད་པའི་ལས་སུ་མི་འགྱུར་བ་གང་ཞེ་ན། ཨུ་པཱ་ལི་གང་དབྱེན་བྱེད་པས་ཆོས་མ་ཡིན་པ་ལ་ཆོས་མ་ཡིན་པར་འདུ་ཤེས་པར་གྱུར་ལ་བྱེ་བ་ལ་ནི་ཆོས་སུ་འདུ་ཤེས་པ་དང་། ཆོས་མ་ཡིན་པ་ལ་ཆོས་མ་ཡིན་པར་འདུ་ཤེས་པར་གྱུར་ལ་བྱེ་བ་ལ་ཡང་ཆོས་མ་ཡིན་པར་
D7a.012.0285b06.01འདུ་ཤེས་པ་དང་། ཆོས་མ་ཡིན་པ་ལ་ཆོས་མ་ཡིན་པར་འདུ་ཤེས་པར་གྱུར་ལ་བྱེ་བ་ལ་ཐེ་ཚོམ་ཟ་བ་དང་། ཆོས་མ་ཡིན་པ་ལ་ཆོས་སུ་འདུ་ཤེས་ལ་བྱེ་བ་ལ་ཆོས་མ་ཡིན་པར་འདུ་ཤེས་པ་དང་། ཆོས་མ་ཡིན་པ་ལ་ཆོས་སུ་འདུ་ཤེས་ལ་བྱེ་བ་ལ་ཡང་ཆོས་སུ་འདུ་ཤེས་པ་དང་།
D7a.012.0285b07.01