完整藏文原文 · 德格版页 当前仅加载第 12 函德格 214b 版页；藏文 NFD、目录标记与异常页序保留在来源切片中，重复版页行以稳定序号区分。
བསྙེན་པར་རྫོགས་པར་བྱོས་ཤིག །བཙུན་པ་བསླབ་པ་སྩལ་བས་ལོ་ཉི་ཤུར་མ་ལོན་པའི་གང་ཟག་བསྙེན་པར་རྫོགས་པར་བགྱིས་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་གཞོན་ནུ་མ་ལོ་ཉི་ཤུར་མ་ལོན་པ་དང་། མི་ལ་སོང་བ་ལོ་བཅུ་གཉིས་སུ་མ་ལོན་པ་བསྙེན་པར་
D7a.012.0214b01.01རྫོགས་པར་བགྱིས་ན་ཅིར་འགྱུར། ལྟུང་བའོ། །དགེ་སློབ་མ་དང་། དགེ་ཚུལ་མ་དང་། དགེ་ཚུལ་ཕ་རྣམས་ལ་ཉེས་པ་མེད་དོ།། །།མདོར་ན། ཕྲིན་པ་སྤྲིང་ཡིག་ལག་བརྡ་དང་། །གཞན་ཟེར་བ་དང་གཅིག་ནས་གཅིག །སྨྱོན་པར་གྱུར་དང་སེམས་འཁྲུགས་དང་། །ན་བ་
D7a.012.0214b02.01འོན་པ་འགྲོ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་བདག་གི་སུག་པས་ས་བརྐོས་སམ་རྐོར་སྩལ་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་གྱིས་ས་རྐོར་
D7a.012.0214b03.01སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་ས་རྐོར་བཅུག་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་དགེ་སློང་གིས་སྨྱོན་པ་ས་རྐོར་སྩལ་ན་ཅིར་འགྱུར། ཉེས་བྱས་སོ། །
D7a.012.0214b04.01དེ་བཞིན་དུ་སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་ནི་ཐམས་ཅད་ཉེས་བྱས་སུ་འགྱུར་རོ།། །།མདོར་ན། མཚན་དང་བཞི་པ་བདུན་དེ་བཞིན། །ཁྱིམ་པ་དག་ལ་སོགས་པ་དང་། །
D7a.012.0214b05.01སྐད་དང་ལུས་དང་མ་འཐས་པ། །ཕུར་པ་ས་ཞག་ཚིག་པའོ། །བཙུན་པ་དགེ་སློང་གིས་རང་གི་སུག་པས་ས་རྐོ་བ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། །ལྟུང་བའོ། །བཙུན་པ་དགེ་སློང་མས་རང་གི་སུག་པས་ས་རྐོ་བ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། ལྟུང་བའོ། །
D7a.012.0214b06.01བཙུན་པ་དགེ་སློང་གིས་ས་ལ་སར་འདུ་ཤེས་ཏེ་བརྐོས་སམ་རྐོར་སྩལ་ན་ཅིར་འགྱུར། །ལྟུང་བའོ། །ས་ལ་ས་མ་ཡིན་པར་འདུ་ཤེས་ན་ཉེས་པ་མེད་དོ། །ས་མ་ཡིན་པ་ལ་སར་འདུ་ཤེས་ཏེ་རྐོར་བཅུག་ན་ཉེས་བྱས་སོ། །ས་མ་ཡིན་པ་ལ་ས་མ་ཡིན་པར་འདུ་ཤེས་ན་ཉེས་པ་མེད་དོ། །བཙུན་པ་དགེ་
D7a.012.0214b07.01