完整藏文原文 · 德格版页 当前仅加载第 12 函德格 263b 版页；藏文 NFD、目录标记与异常页序保留在来源切片中，重复版页行以稳定序号区分。
དབྱར་ཚུལ་དུ་ཞུགས་པ་ལ་དགེ་འདུན་འདུས་པ་རྣམས་ཀྱིས་མཉམ་དུ་མི་སྤྱོད་པའི་སྡོམ་པ་བཅས་པར་གྱུར་ཏམ། བཀར་བའི་ལས་བྱས་པར་གྱུར་ལ། དེས་ཀྱང་བཟོད་པ་གསོལ་ན་དབྱར་གནས་པའི་དགེ་འདུན་རྣམས་དང་ལྷན་ཅིག་ཏུ་གཏན་པ་བཏིང་ན་དེའི་གཏན་པ་བཏིང་བ་ཞེས་བྱའོ། །
D7a.012.0263b01.01བཙུན་པ་བཅོམ་ལྡན་འདས་ཀྱིས་དགེ་སློང་གཏན་པ་འདིང་བས་གཏན་པ་བླངས་ནས་བཀྲུ་བ་དང་། བརྐྱང་བ་དང་། དྲ་བ་དང་། བཙེམ་པ་ཐམས་ཅད་དང་ཁབ་སོ་ཐ་མའི་བར་དུ་ཐོག་མར་འགྲོ་བར་བྱོས་ལ་བདག་གིས་ཆོས་གོས་འདིས་དགེ་འདུན་གྱི་གཏན་པ་གདིང་བར་བྱ་བ་གདིང་ངོ་། །
D7a.012.0263b02.01བདག་གིས་བཏིང་ངོ་ཞེས་སེམས་རྣམ་པ་གསུམ་སྐྱེད་ཅིག །སེམས་རྣམ་པ་གསུམ་བསྐྱེད་ཀྱང་ཆོས་གོས་འདིས་དགེ་འདུན་གྱི་གཏན་པ་གདིང་བར་བྱ། བདག་གིས་བཏིང་ངོ་ཞེས་སེམས་རྣམ་པ་གཉིས་བསྐྱེད་ན་གཏན་པ་བཏིང་བ་ཞེས་བྱའོ། །བཙུན་པ་སེམས་བསྐྱེད་པ་གཅིག་གིས་
D7a.012.0263b03.01གཏན་པ་གདིང་དུ་རུང་ངམ། ཨུ་པཱ་ལི་རུང་སྟེ། འདི་ལྟར་ཡང་གཏན་པ་གདིང་བའི་དགེ་སློང་གིས་གཏན་པ་གདིང་བར་བདག་མིང་འདི་ཞེས་བགྱི་བས་གོས་འདིས་དགེ་འདུན་གྱི་གཏན་པ་གདིང་ངོ་ཞེས་སེམས་བསྐྱེད་ན་གཏན་པ་གདིང་བ་ཞེས་བྱའོ། །བཙུན་པ་ཚུལ་ནས་འབྱུང་
D7a.012.0263b04.01བའི་ཚེ་རྒྱལ་པོས་ཤོལ་བོར་ན་དགེ་སློང་དེ་དག་གིས་གཏན་པ་ཇི་ལྟར་གདིང་བར་བགྱི། ཇི་ལྟར་ཚུལ་ནས་བྱུང་བ་བཞིན་ནོ། །བཙུན་པ་གཏན་པ་དེ་ཉིད་རུང་ལ་དེ་ཉིད་མི་རུང་བར་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་དགེ་སློང་དེ་དག་ཁ་ཅིག་ནི་ཤོལ་བོར། ཁ་
D7a.012.0263b05.01ཅིག་ནི་ཤོལ་མ་བོར་བར་ཚུལ་དུ་ཞུགས་ཏེ་དེ་ཉིད་དུ་ཁྱིམ་བདག་གིས་ཤོལ་མ་བོར་བའི་གནས་སུ་ཚུལ་ནས་འབྱུང་བ་དེ་ཉིད་ཀྱི་ཉ་བྲི་ཞག་གཅིག་ལ་དགེ་འདུན་གཉི་ག་ཟན་བྱིན་ཏེ་གཏན་པའི་གོས་ཕུལ་ན་གོས་དེ་ཤོལ་མ་བོར་བ་ལ་ནི་རུང་ངོ་། །ཤོལ་བོར་བ་ལ་ནི་མི་རུང་ངོ་། །བཙུན་པ་གང་
D7a.012.0263b06.01མ་ལྟ་བུའི་ཚིག་བརྒྱད་པོ་འདི་དག་གིས་ནི་གཏན་པ་ལས་འབྱུང་བར་འགྱུར་རོ། །དེ་ལ་ཐུན་མོང་བ་ནི་དུ། ཐུན་མོང་མ་ལགས་པ་ནི་དུ། ཨུ་པཱ་ལི་ཐོག་མ་དང་ཐ་མ་མ་གཏོགས་པར་ལྷག་མ་རྣམས་ནི་ཐུན་མོང་བའོ། །བཙུན་པ་གཏན་པ་འདིང་བའི་དགེ་སློང་གིས་གཏན་པ་འདིང་བའི་
D7a.012.0263b07.01