完整藏文原文 · 德格版页 当前仅加载第 12 函德格 245a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷན་ཅིག་ཏུ་མཆིས་ཏེ་མཚམས་འབྲེལ་བར་གྱུར་ན་དེ་ལ་ཆོས་གོས་དང་མི་འབྲལ་བར་གང་ཚུན་ཆད་བསྐོ་བར་བགྱི། གྲོང་གི་ཉེན་ཀོར་མ་གཏོགས་པའོ། །བཙུན་པ་བཅོམ་ལྡན་འདས་ཀྱིས་ནི་གྲོང་ངམ་གྲོང་གི་ཉེན་ཀོར་མ་གཏོགས་པར་ཆོས་གོས་དང་མི་འབྲལ་བའི་
D7a.012.0245a01.01སྡོམ་པའོ་ཞེས་གསུངས་ན། ཆོས་གོས་དང་མི་འབྲལ་བའི་སྡོམ་པ་བསྐོས་པ་ལས་གྲོང་ཞིག་དེར་བཙུགས་ན་དེ་ཕྱོགས་སུ་ཆོས་གོས་དང་མི་འབྲལ་བའི་སྡོམ་པ་ཞིག་པར་འགྱུར་རམ། ཨུ་པཱ་ལི་ཞིག་པ་ཞེས་བྱའོ། །བཙུན་པ་ཆོས་གོས་དང་མི་འབྲལ་བའི་སྡོམ་པ་བསྐོས་
D7a.012.0245a02.01པ་ལས་གྲོང་གུད་དུ་འཕོས་ན་བཙུན་པ་ཅིའི་ཕྱིར་ཕྱོགས་དེར་ཡང་ཆོས་གོས་དང་མི་འབྲལ་བར་སྡོམ་པར་བསྐོ་བར་བགྱིའམ། ཨུ་པཱ་ལི་མི་དགོས་ཏེ། སྔོན་གྱི་སྡོམ་པ་གསོས་པས་ཆོག་གོ།། །།མདོར་ན། དྲན་པ་བཞི་པ་གསུམ་པ་དང་། །ལྔ་པ་དང་ནི་གཉིས་མཚན་
D7a.012.0245a03.01དང་། །ཉེས་པ་གཉིས་དང་སྐབས་འབྱེད་དང་། །སེམས་པ་འདུག་པ་ལངས་པ་དང་། །ཁྱིམ་པ་དག་ལ་སོགས་པ་དང་། །སྨྱོན་པ་འཆད་དང་མང་པོའོ། །བཙུན་པ་དགེ་འདུན་གྱིས་སྐྱ་རེངས་ཤར་བའི་ཚེ་དེང་ནི་བདག་ཅག་གི་གསོ་སྦྱོང་ངོ་ཞེས་དྲན་པར་གྱུར་ན། དགེ་
D7a.012.0245a04.01སློང་དེ་དག་གིས་གསོ་སྦྱོང་ཇི་ལྟར་བགྱི། དེང་བདག་ཅག་གི་གསོ་སྦྱོང་ངོ་ཞེས་སེམས་ལས་ཚིག་ཏུ་བརྗོད་ཅིང་། འོན་ཏེ་དེ་ན་སོ་སོར་ཐར་པ་ཀློག་ན་བཀླགས་པ་ཞེས་བྱ་སྟེ། དགེ་སློང་དེ་དག་གིས་གསོ་སྦྱོང་ཡང་བྱས་མོད་ཀྱི་འདས་པ་དང་བཅས་པར་འགྱུར་རོ། །བཙུན་
D7a.012.0245a05.01པ་བཅོམ་ལྡན་འདས་ཀྱིས་གསོ་སྦྱོང་གི་ལས་ལ་རྣམ་པ་བཞི་སྟེ། ཆོས་བཞིན་མ་ཡིན་པར་བྱེད་ཅིང་མ་འདུས་པ་དང་། ཆོས་བཞིན་མ་ཡིན་པ་ལ་འདུས་པ་དང་། ཆོས་བཞིན་ལ་མ་འདུས་པ་དང་། ཆོས་བཞིན་ལ་འདུས་པ་རྣམས་སོ་ཞེས་གསུངས་ན། ཆོས་བཞིན་མ་ཡིན་
D7a.012.0245a06.01པར་བྱེད་ཅིང་མ་འདུས་པ་གང་ཞེ་ན། གང་གི་ཚེ་སོ་སོར་ཐར་པ་བཀླག་པར་བྱ་བ་དེའི་ཚེ་མི་ཀློག །གང་གིས་བཀླག་པར་བྱ་བ་དེས་མི་ཀློག །ཇི་ལྟར་བཀླག་པར་བྱ་བ་དེ་ལྟར་མི་ཀློག །ཇི་སྲིད་དུ་བཀླག་པར་བྱ་བ་དེ་སྲིད་དུ་མི་ཀློག་པ་དང་མ་འདུས་པར་གྱུར་པའོ། །ཆོས་བཞིན་
D7a.012.0245a07.01