完整藏文原文 · 德格版页 当前仅加载第 12 函德格 255b 版页；藏文 NFD、目录标记与异常页序保留在来源切片中，重复版页行以稳定序号区分。
ཙོས་བཞག་པར་གྱུར་པའོ། །བཙུན་པ་ཇི་ཙམ་གྱིས་ན་ཉལ་བ་ཞེས་བགྱི། ཨུ་པཱ་ལི་ལུས་ཀྱིས་འཕྲེས་པའོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་པགས་པ་མ་འཆང་ཤིག་ཅེས་གསུངས་ན། བཙུན་པ་དགེ་སློང་གིས་པགས་པ་བཅངས་ཀྱང་ནོངས་པར་མི་འགྱུར་བ་མཆིས་སམ།
D7a.012.0255b01.01ཨུ་པཱ་ལི་ཡོད་དེ། ན་བས་ནི་པགས་པ་ཆོངས་ཤིག །མི་ན་བས་ནི་མ་ཡིན་ནོ། །བཙུན་པ་བཅོམ་ལྡན་འདས་ཀྱིས་དོམ་གྱི་པགས་པ་ཆོངས་ཤིག་ཅེས་གསུངས་ན། བཙུན་པ་ནད་པས་བཅང་བར་བགྱིའམ། འོན་ཏེ་མི་ན་བས་ཀྱང་བཅང་བར་བགྱི། ཨུ་པཱ་ལི་ན་བ་དང་། མི་ན་
D7a.012.0255b02.01བ་གཉིས་ཀས་ཆོངས་ཤིག །བཅོམ་ལྡན་འདས་ཀྱིས་མཇུག་མ་ལྔ་ལས་འཇུས་ཏེ་ཀླུང་རྒོལ་ཅིག་ཅེས་གསུངས་ན། བཙུན་པ་རྐང་པ་བཞི་པ་གཞན་དག་ཀྱང་མཆིས་ན་དེ་དག་གིས་ལས་རྒལ་བར་ཡང་རུང་ངམ། ཨུ་པཱ་ལི་རྒོལ་ཅིག །བཙུན་པ་དེ་སྟེ་ཕོ་མ་མཆིས་ན་མོའི་ལས་རྒལ་བར་
D7a.012.0255b03.01བགྱིའམ། ཨུ་པཱ་ལི་དེ་ནི་བར་ཆད་ཅིག་བྱུང་ན་རྒལ་བར་བྱའོ། །བཙུན་པ་བཅོམ་ལྡན་འདས་ཀྱིས་དགེ་སློང་མལ་སྟན་མཐོན་པོར་མ་འདུག་ཤིག་ཅེས་གསུངས་ན། བཙུན་པ་མལ་སྟན་མཐོན་པོའི་ཚད་ཇི་ཙམ། བདེ་བར་གཤེགས་པའི་སོར་བརྒྱད་ལས་ལྷག་པ་ནི་མལ་སྟན་མཐོན་
D7a.012.0255b04.01པོའོ། །བཙུན་པ་བཅོམ་ལྡན་འདས་ཀྱིས་དགེ་སློང་རྣམས་ལ་མལ་སྟན་མཐོ་ཞིང་ཆེ་བ་ལ་མ་འདུག་ཅེས་གསུངས་ན། བཙུན་པ་དགེ་སློང་མལ་སྟན་མཐོ་ཞིང་ཆེ་བར་མཆིས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ལྷའི་ཁྱིམ་དང་། ཀླུའི་ཁྱིམ་དང་། གནོད་
D7a.012.0255b05.01སྦྱིན་གྱི་ཁྱིམ་དང་། རྒྱལ་པོའི་ཁྱིམ་དང་། བློན་པོའི་ཁྱིམ་དེ་དག་ཏུ་སྟན་གཞན་མེད་ནའོ། །བཙུན་པ་དགེ་སློང་གིས་བཞོན་པ་ལ་འཚལ་ན་ནོངས་པ་གསུམ་དུ་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟར་ཡང་བཞོན་པ་དེ་མོ་ཡིན་པ་དང་། གསེར་གྱིས་བརྒྱན་
D7a.012.0255b06.01པར་གྱུར་པའོ། །བཙུན་པ་བཅོམ་ལྡན་འདས་ཀྱིས་ལྗོངས་ཁ་བ་ཅན་དུ་ལྷམ་ཡུ་བ་ཅན་ཆོངས་ཤིག་ཅེས་གསུངས་ན། བཙུན་པ་དགེ་སློང་གིས་དེ་ལས་གཞན་པའི་ལྗོངས་སུ་ལྷམ་ཡུ་བ་ཅན་བཅངས་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། གང་དུ་ལྷམ་ཡུ་
D7a.012.0255b07.01