完整藏文原文 · 德格版页 当前仅加载第 12 函德格 228b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་རུས་པའམ། བ་སོའམ། རྭ་ལས་ཁབ་རལ་བགྱིས་ན་ལྟུང་བར་འགྱུར་རོ་ཞེས་གསུངས་ན། བཙུན་པ་དགེ་སློང་གིས་ཕྲིན་གྱིས་རུས་པའམ། བ་སོའམ། རྭ་ལས་
D7a.012.0228b01.01ཁབ་རལ་བགྱིད་དུ་སྩལ་ན་ཅིར་འགྱུར། ཉེས་བྱས་སོ། །དེ་བཞིན་དུ་སྤྲིང་ཡིག་དང་། ལག་བརྡ་དང་། གཞན་ཟེར་བ་དང་། གཅིག་ནས་གཅིག་ཏུ་བརྒྱུད་དེ་བྱེད་དུ་བཅུག་ན་ཉེས་བྱས་སོ། །དེ་བཞིན་དུ་སྨྱོན་པ་ལ་བྱེད་དུ་བཅུག་པ་དང་། སེམས་འཁྲུགས་པ་དང་། ནད་ཀྱིས་གཟིར་བ་དང་། གླེན་
D7a.012.0228b02.01པ་དང་། ལྐུགས་པ་དང་། འོན་པ་དང་། འགྲོ་བ་གཞན་དུ་གནས་པ་རྣམས་བྱེད་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ།། །།མདོར་ན། གཞན་དང་གཞན་ཕྱིར་མ་ཟིན་མཚན། །བཞི་པ་མི་རུང་བདུན་པ་དང་། །དེ་བཞིན་མ་གཏོགས་ཐ་མའོ། །བཙུན་པ་དགེ་སློང་གིས་རུས་པའམ།
D7a.012.0228b03.01བ་སོའམ། རྭ་ལས་ཁབ་རལ་གཞན་གྱིས་བརྩམས་པ་ལགས་པར་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གཞན་གྱི་སླད་དུ་ཁབ་རལ་བགྱིས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་མ་ལགས་པར་བགྱིས་ཏེ་བོར་ན་ཅིར་འགྱུར། ཉེས་བྱས་སོ། །
D7a.012.0228b04.01བཙུན་པ་དགེ་སློང་གིས་རུས་པའམ། བ་སོའམ། རྭ་ལས་ཁབ་རལ་བགྱིས་པ་ན་མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་རུས་པའམ། བ་སོའམ། རྭ་ལས་ཁབ་རལ་བགྱིས་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར།
D7a.012.0228b05.01ལྟུང་བའོ། །བཙུན་པ་དགེ་སློང་གིས་མི་ལ་མིར་འདུ་ཤེས་ཏེ་ཁབ་རལ་བགྱིད་དུ་སྩལ་ན་ཅིར་འགྱུར། ལྟུང་བའོ། །མི་ལ་མི་མ་ཡིན་པར་འདུ་ཤེས་ན་ཉེས་བྱས་སུ་འགྱུར་རོ། །མི་མ་ཡིན་པ་ལ་མིར་འདུ་ཤེས་ན་ཉེས་བྱས་སུ་འགྱུར་རོ། །མི་མ་ཡིན་པ་ལ་མི་མ་ཡིན་པར་འདུ་ཤེས་ན་ཉེས་བྱས་
D7a.012.0228b06.01སུ་འགྱུར་རོ། །བཙུན་པ་དགེ་སློང་གིས་རུས་པའམ། བ་སོའམ། རྭ་ལས་ཁབ་རལ་བགྱིད་དུ་སྩལ་ཀྱང་ནོངས་པ་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། མི་རུང་བ་ལས་བྱས་པའོ། །བཙུན་པ་བསྙེན་པར་མ་རྫོགས་པ་ན་བརྩམས་ལ་བསྙེན་པར་
D7a.012.0228b07.01