完整藏文原文 · 德格版页 当前仅加载第 12 函德格 141b 版页；藏文 NFD、目录标记与异常页序保留在来源切片中，重复版页行以稳定序号区分。
འཕོས་ཏེ་དགེ་སློང་མར་གྱུར་ན་ཅིར་འགྱུར། སྤང་བར་འགྱུར་རོ། །བཙུན་པ་དགེ་སློང་མས་ཞག་བདུན་ལོན་པ་དང་སྨན་རྙེད་ནས་ཞག་བདུན་ལས་འདས་པ་ན་མཚན་འཕོས་ཏེ་དགེ་སློང་དུ་གྱུར་ན་ཅིར་འགྱུར། སྤང་བར་འགྱུར་རོ། །བཙུན་པ་སྨན་དེ་ཉིད་སྤང་བར་འགྱུར་ལ་དེ་ཉིད་སྤངས་
D7a.012.0141b01.01པར་འགྱུར་བ་ཡང་མཆིས་སམ། ཨུ་པཱ་ལི་ཡོད་དེ། ཇི་ལྟར་དགེ་སློང་གི་སྨན་དེ་ཞག་བདུན་ལས་འདས་ལ་དུས་ཀྱང་ཡོལ་བའོ། །བཙུན་པ་བསྙེན་པར་མ་རྫོགས་པར་རྙེད་ལ་བསྙེན་པར་མ་རྫོགས་པར་ཞག་བདུན་ལས་འདས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་
D7a.012.0141b02.01པར་རྙེད་ལ་བསྙེན་པར་རྫོགས་ཀར་ཞག་བདུན་ལས་འདས་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པར་རྙེད་ལ་བསྙེན་པར་རྫོགས་ནས་ཞག་བདུན་ལས་འདས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་རྙེད་ལ་བསྙེན་པར་རྫོགས་ཀར་ཞག་བདུན་
D7a.012.0141b03.01ལས་འདས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་ཀར་རྙེད་ལ་བསྙེན་པར་རྫོགས་ནས་ཞག་བདུན་ལས་འདས་ན་ཅིར་འགྱུར། ཉེས་བྱས་སོ། །བསྙེན་པར་རྫོགས་པ་ན་རྙེད་ལ་བསྙེན་པར་རྫོགས་པ་ན་ཞག་བདུན་འདས་ན་ཅིར་འགྱུར། སྤང་བར་འགྱུར་རོ། །
D7a.012.0141b04.01བསྙེན་པར་རྫོགས་པ་ན་རྙེད་ལ་བསྙེན་པར་མ་རྫོགས་པར་ཞག་བདུན་འདས་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་སྨན་རྙེད་པ་དང་ཞག་བདུན་ལོན་ནས་སེམས་འཁྲུགས་པར་གྱུར་ན་གང་ནས་བཟུང་སྟེ་ཞག་བདུན་དུ་བགྲང་བར་བགྱི།
D7a.012.0141b05.01གང་གི་ཚེ་སེམས་སླར་རྙེད་པ་ནས་བཟུང་ངོ་། །བཙུན་པ་སྔ་དྲོ་དང་། སླད་དྲོ་དང་། ཞག་བདུན་དང་། ནམ་འཚོའི་བར་གྱི་སྨན་གང་ཡིན་པ་དེ་དག་བྱིན་ལེན་མ་བགྱིས་བྱིན་གྱིས་མ་བརླབས་པར་བདག་གིའོ་ཞེས་བདག་གིར་བྱས་ཏེ་ཀུན་ཏུ་སྤྱད་པར་སྤྱོད་དུ་གནང་ངམ། ཨུ་པཱ་ལི་མི་
D7a.012.0141b06.01གནང་ངོ་། །ཇི་ལྟར་ཡང་དེ་དགེ་སློང་གིས་སྨན་དེ་སྔ་དྲོའི་དུས་སུ་བྱིན་ལེན་བྱས་ན་ནི་སྔ་དྲོའི་དུས་སུ་ཡོངས་སུ་སྤྱད་པར་བྱའོ། །ཕྱི་དྲོའི་དུས་སུ་བྱིན་ལེན་བྱས་ན་ནི་ཕྱི་དྲོའི་དུས་སུ་ཡོངས་སུ་སྤྱད་པར་བྱའོ། །དེ་སྟེ་དུས་ལས་ཡོལ་ན་ཅིར་འགྱུར། སྤང་བར་འགྱུར་རོ། །བཙུན་
D7a.012.0141b07.01