完整藏文原文 · 德格版页 当前仅加载第 12 函德格 156a 版页；藏文 NFD、目录标记与异常页序保留在来源切片中，重复版页行以稳定序号区分。
སྔར་ཉེས་པ་བྱུང་བ་དང་། སྔར་འཁྲུགས་པ་དང་། ཉེ་བར་ཕྱོགས་པ་དང་། བསླབ་པ་བྱིན་པ་རྣམས་མངོན་སུམ་དུ་ཤིང་གཅོད་དུ་བཅུག་ན་ཐམས་ཅད་ཉེས་བྱས་སུ་འགྱུར་རོ། །བཙུན་པ་བསླབ་པ་སྩལ་བས་རན་སྔོན་པོ་བཀུམ་མམ་འགུམས་སུ་སྩལ་ན་ཅིར་འགྱུར།
D7a.012.0156a01.01ལྟུང་བའོ། །བཙུན་པ་དགེ་སློང་མས་རན་སྔོན་པོ་འགུམ་མམ་འགུམས་སུ་སྩལ་ན་ཅིར་འགྱུར། ལྟུང་བའོ། །བཙུན་པ་དགེ་སློང་མས་རན་སྔོན་པོ་བཀུམ་མམ་འགུམས་སུ་སྩལ་ན་ཅིར་འགྱུར། ཉེས་བྱས་སོ། །དགེ་ཚུལ་ཕ་དང་དགེ་ཚུལ་མ་རྣམས་ལ་ཉེས་པ་མེད་དོ།། །།
D7a.012.0156a02.01མདོར་ན། སྐད་དང་ལུས་དང་དབེན་པ་དང་། །མཚན་དང་བཞི་པ་བདུན་པ་དང་། །ཁྱིམ་པ་དག་ལ་སོགས་པ་རྣམས། །བསྐོས་པ་དག་དང་མ་བསྐོས་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ནོངས་པ་ངོར་བརྗོད་
D7a.012.0156a03.01ཅིང་དཔྱས་འདོགས་ན་ལྟུང་བར་འགྱུར་རོ་ཞེས་གསུངས་ན། དགེ་སློང་གིས་ནོངས་པ་ངོར་བརྗོད་ཅིང་དཔྱས་བཏགས་ཀྱང་ལྟུང་བར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། ཇི་ལྟར་ཡང་དེ་ནི་མི་མ་ཡིན་པ་ལས་རབ་ཏུ་བྱུང་ཞིང་བསྙེན་པར་རྫོགས་པ་ལ་ནོངས་པ་ངོར་བརྗོད་ན་
D7a.012.0156a04.01ཉེས་བྱས་སུ་འགྱུར་རོ། །བཙུན་པ་དགེ་སློང་འཕགས་པས་འཕགས་པའི་སྐད་དུ་དགེ་སློང་ལ་ནོངས་པ་ངོར་བརྗོད་ཅིང་དཔྱས་བཏགས་པ་དང་དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །འཕགས་པས་མཐའ་འཁོབ་པའི་སྐད་དུ་དགེ་སློང་
D7a.012.0156a05.01ལ་ནོངས་པ་ངོར་བརྗོད་ཅིང་དཔྱས་བཏགས་པ་དང་། དགེ་སློང་དེས་ཀྱང་མཐའ་འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་དགེ་སློང་ལ་ནོངས་པ་ངོར་བརྗོད་ཅིང་དཔྱས་བཏགས་པ་དང་། དགེ་སློང་དེས་ཀྱང་མཐའ་
D7a.012.0156a06.01འཁོབ་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །མཐའ་འཁོབ་པས་འཕགས་པའི་སྐད་དུ་དགེ་སློང་ཞིག་ལ་ནོངས་པ་ངོར་བརྗོད་ཅིང་དཔྱས་བཏགས་པ་དང་། དགེ་སློང་དེས་ཀྱང་འཕགས་པའི་སྐད་མ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་ལུས་
D7a.012.0156a07.01