完整藏文原文 · 德格版页 当前仅加载第 12 函德格 111a 版页；藏文 NFD、目录标记与异常页序保留在来源切片中，重复版页行以稳定序号区分。
སླད་རོལ་ན་མཆིས་པ་རྣམས་ལ་བསྒོ་ན་བསྒོ་བ་ཞེས་བགྱི་འམ། ཨུ་པཱ་ལི་མ་ཡིན་ནོ། །བཙུན་པ་ལས་བགྱིད་པ་མཚམས་ཀྱི་སླད་རོལ་ན་མཆིས་པས་མཚམས་ཀྱི་ནང་ན་མཆིས་པ་རྣམས་ལ་བསྒོ་ན་བསྒོ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །
D7a.012.0111a01.01བཙུན་པ་ལས་བགྱིས་པས་མཚམས་མནན། མཚམས་བཟུང་། མཚམས་སུ་འགྲེང་ངམ། འདུག་སྟེ་བསྒོ་ན་བསྒོ་བ་ཞེས་བགྱིའམ། བསྒོ་བ་འཆགས་སམ། ཨུ་པཱ་ལི་བསྒོ་བ་ཞེས་བྱ་སྟེ། བསྒོ་བ་འཆགས་སོ། །བཙུན་པ་དགེ་སློང་ལས་བགྱིད་པ་
D7a.012.0111a02.01མ་བསྒོས་པས་མཚམས་ཀྱི་ནང་ནས་གང་ཟག་བཞི་ཞིག་སྤངས་ན་སྤངས་པ་ཞེས་བགྱི་འམ། ཨུ་པཱ་ལི་མ་ཡིན་ནོ། །བཙུན་པ་དགེ་སློང་ལས་བགྱིད་པར་བསྐོས་པས་མཚམས་ཀྱི་ནང་ནས་གང་ཟག་བཞི་ཞིག་སྤངས་ན་སྤངས་པ་ཞེས་བགྱིའམ། འོན་ཏེ་རེ་རེ་ནས་སམ།
D7a.012.0111a03.01གཉིས་གཉིས་ནས་སམ། གསུམ་གསུམ་ནས་སྤངས་ན་སྤངས་པ་ཞེས་བྱའོ། །བཙུན་པ་མཚམས་གཅིག་པའི་ཕྱོགས་བཞི་ན་མཚུངས་པར་གནས་པའི་དགེ་སློང་དག་གིས་དགེ་སློང་བཞི་ལ་བསྒོ་ན་བསྒོ་བ་ཞེས་ཀྱང་བགྱི་ལ་ནོངས་པ་ཅུང་ཟད་དུ་ཡང་མི་འགྱུར་ཞིང་
D7a.012.0111a04.01དེས་དགེ་འདུན་མི་མཐུན་པར་ཡང་མི་འགྱུར་བ་ཡང་མཆིས་སམ། ཨུ་པཱ་ལི་ཡོད་དེ། གཅིག་ལ་གཅིག་དད་པ་བྱིན་ལ་དེ་སྟེ་རེ་རེ་འམ། གཉིས་གཉིས་སམ། གསུམ་གསུམ་ལ་བསྒོ་སྟེ། བཞིར་མ་ཚང་ནའོ། །དེ་ཅིའི་ཕྱིར་ཞེ་ན། མང་པོས་མང་པོ་ལ་
D7a.012.0111a05.01ལས་བྱར་མི་རུང་ངོ་། །བཙུན་པ་ལས་བགྱིད་པ་ཕྱོགས་གཅིག་ཏུ་མཆིས་པ་གནས་བཞིའི་ལས་ཐམས་ཅད་བགྱི་བར་རུང་ངམ། ཨུ་པཱ་ལི་རུང་སྟེ། ཇི་ལྟར་དེ་ཡང་དགེ་སློང་ལས་བྱེད་པ་དེས་གནས་བཞི་ཆར་གྱི་མཚམས་ཀྱི་མདོར་ཁྲིའམ། ཁྲིའུའམ། སྨྱུག་མའམ།
D7a.012.0111a06.01རེ་ལྡེ་ལ་མནན་ཏེ་འདུག་པར་གྱུར་ལ་གནས་དེ་དག་ཏུ་འདི་ལྟ་སྟེ། བཞི་སྡེས་བྱ་བའི་ལས་སམ། ལྔ་སྡེས་བྱ་བའི་ལས་སམ། བཅུ་སྡེས་བྱ་བའི་ལས་སམ། ཉི་ཤུ་སྡེས་བྱ་བའི་ལས་ཀྱང་རུང་སྟེ། ལས་འདི་ལྟ་བུ་དག་ཉེ་བར་བྱུང་བར་གྱུར་པ་སྟེ། དེ་ཅིའི་ཕྱིར་ཞེ་ན། དེ་
D7a.012.0111a07.01