完整藏文原文 · 德格版页 当前仅加载第 12 函德格 174a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིབ་པ་དང་། བལྡག་པ་ལ་སོགས་པ་ལ་མགྲོན་དུ་བོས་ལ་ཕྱིས་ཟས་ལ་མགྲོན་དུ་བོས་པའོ། །བཙུན་པ་དགེ་སློང་ལ་གཙེ་བར་སེམས་ཤིང་མགྲོན་དུ་བོས་པར་དགེ་སློང་དེས་འཚལ་ནས་སླད་ཀྱིས་མགྲོན་དུ་བོས་པ་ལ་ཁས་བླངས་ཏེ་འཚལ་ན་ཅིར་འགྱུར། ཉེས་པ་
D7a.012.0174a01.01མེད་དོ། །བཙུན་པ་དགེ་སློང་གིས་ལན་གཉིས་ལན་གསུམ་དུ་མགྲོན་དུ་བོས་ཏེ་འཚལ་ན་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། དེ་ནི་འདི་ལྟར་དགེ་སློང་གིས་གོས་མེད་པར་མགྲོན་དུ་བོས་ཏེ་ཟོས་པའི་འོག་ཏུ་གོས་དང་བཅས་པ་དང་ཁ་གཉིས་སུ་མགྲོན་དུ་བོས་པར་གྱུར་
D7a.012.0174a02.01པའོ། །བཙུན་པ་དགེ་སློང་གིས་གོས་དང་བཅས་པ་གཉིས་སུ་འཚལ་ཀྱང་ནོངས་པར་མི་འགྱུར་བ་མཆིས་སམ། ཨུ་པཱ་ལི་ཡོད་དེ། གོས་མི་རུང་བའོ། །དེ་ཡང་དགེ་སློང་གིས་ཤེས་ཏེ་འཚལ་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མི་རུང་བའི་ཟས་ལ་མགྲོན་དུ་བོས་པ་
D7a.012.0174a03.01དང་། དེའི་འོག་ཏུ་རུང་བའི་ཟས་བཙལ་ཏེ་འཚལ་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་ནང་པར་ཟས་ལ་མགྲོན་དུ་བོས་ལ་དེའི་འོག་ཏུ་ཡང་བོས་པའི་ཟས་འཚལ་ན་ཅིར་འགྱུར། ཉེས་པ་མེད་དོ། །བཙུན་པ་དགེ་སློང་གིས་གོས་མ་མཆིས་པའི་ཟས་སླད་མ་འཚལ་ན་
D7a.012.0174a04.01མཚན་འཕོས་ཏེ་དགེ་སློང་མར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་མ་གོས་མ་མཆིས་པའི་མགྲོན་དུ་བོས་པའི་སླད་མ་འཚལ་བ་ན་མཚན་འཕོས་ཏེ་དགེ་སློང་ཕར་གྱུར་ན་ཅིར་འགྱུར། ཉེས་བྱས་སོ། །བཙུན་པ་དགེ་སློང་གིས་གོས་མ་མཆིས་པ་ལ་གོས་མ་མཆིས་པར་
D7a.012.0174a05.01འདུ་ཤེས་ཏེ་མགྲོན་དུ་བོས་པ་སླད་མ་འཚལ་ན་ཅིར་འགྱུར། ལྟུང་བའོ། །གོས་མེད་པ་ལ་གོས་དང་བཅས་པར་འདུ་ཤེས་ཏེ་ཟོས་ན་ཉེས་པ་མེད་དོ། །གོས་དང་བཅས་པ་ལ་གོས་མེད་པར་འདུ་ཤེས་ཏེ་ཟོས་ན་ཉེས་བྱས་སུ་འགྱུར་རོ། །གོས་དང་བཅས་པ་ལ་གོས་དང་བཅས་པར་འདུ་
D7a.012.0174a06.01ཤེས་ཏེ་ཟོས་ན་ཉེས་པ་མེད་དོ། །བཙུན་པ་བསྙེན་པར་མ་རྫོགས་པ་ན་གོས་མ་མཆིས་པར་མགྲོན་དུ་བོས་པ་སླད་མར་ཁས་བླངས་ལ་བསྙེན་པར་མ་རྫོགས་པར་འཚལ་ན་ཅིར་འགྱུར། ཉེས་བྱས་སོ། །བསྙེན་པར་མ་རྫོགས་པ་ན་ཁས་བླངས་ལ་བསྙེན་པར་རྫོགས་ཀར་འཚལ་ན་ཅིར་
D7a.012.0174a07.01