完整藏文原文 · 德格版页 当前仅加载第 12 函德格 299a 版页；藏文 NFD、目录标记与异常页序保留在来源切片中，重复版页行以稳定序号区分。
མི་ཤེས་ཏེ་ཕས་ཕམ་པའི་ཉེས་པར་མ་གྱུར་གྲང་སྙམ་དུ་བསམས་པ་དང་། བཅོམ་ལྡན་འདས་ཀྱིས་བཀའ་སྩལ་པ། བླངས་པ་ལ་ཉེས་པ་མེད་དེ། གཞན་ཞེས་བྱ་བར་བྱོས་ཤིག་ལྗོངས་ཀོ་ས་ལར་དགེ་འདུན་གྱི་བཤོས་འགོད་པ་ན་དགེ་སློང་གཞི་
D7a.012.0299a01.01བ་ཞིག་གྲོང་གཞན་དུ་སོང་ནས་དགེ་སློང་དེའི་མཛའ་བོ་དེས་དེའི་ཟན་མནོས་པ་དང་། དེ་འོངས་ནས་སྨྲས་པ། ཚེ་དང་ལྡན་པ་ཁྱོད་ཀྱིས་ཁོ་བོའི་ཟན་མནོས་སམ་སྨྲས་པ། མནོས་སོ། །དགེ་སློང་དེས་ངས་མ་བཅོལ་བར་ཁྱོད་ཀྱིས་ཅིའི་ཕྱིར་མནོས་ཞེས་སྨྲས་པ་དང་། དགེ་སློང་དེ་
D7a.012.0299a02.01འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། མ་བཅོལ་པར་ནི་མ་ནོད་ཅིག །ལྗོངས་ཀོ་ས་ལར་དགེ་འདུན་གྱི་བཤོས་འགོད་པ་ན་དགེ་སློང་ནད་པ་ཞིག་ཡོད་དེ་དེའི་ནད་གཡོག་གིས་ཟན་མནོས་ཏེ། དེས་མནོས་ནས་སོང་བ་དང་། དགེ་སློང་
D7a.012.0299a03.01དེ་ཡང་དུས་ལས་འདས་ནས་དེས་ཇི་ལྟར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དེ་སྟེ་སྔར་དུས་ལས་འདས་ལ་ཕྱིས་མནོས་ན་ནི་དེ་ཉིད་དུ་སླར་ཕུལ་ཅིག །འོན་ཏེ་སྔར་མནོས་ལ་ཕྱིས་དུས་ལས་འདས་ན་ཡོ་བྱད་གཞན་ཇི་ལྟ་བ་དེ་ལྟར་བྱོས་ཤིག །
D7a.012.0299a04.01དགེ་སློང་ཞིག་གིས་དགེ་སློང་ཞིག་ལ་འདི་སྐད་དུ་ཚེ་དང་ལྡན་པ་ཚུར་ཤོག །རྐུན་པོ་ལ་འདོང་ངོ་ཞེས་སྨྲས་ནས་དེ་གཉིས་དོང་སྟེ་ལམ་གྱི་ཕྱེད་དུ་ཕྱིན་པ་དང་། བདག་ཅག་ནི་དགེ་བར་གསུངས་པའི་ཆོས་འདུལ་བ་ལ་རབ་ཏུ་བྱུང་བས་རྐུན་པོ་བྱས་ན་ནི་བདག་ཅག་གཉིས་མི་མཛེས་
D7a.012.0299a05.01ཤིང་མི་རིགས་སོ་སྙམ་སྟེ་ངོ་ཚ་བའི་ཆོས་དང་ལྡན་པར་གྱུར་ནས་དེ་གཉིས་དེར་མ་དོང་བ་དང་། དེ་གཉིས་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ་ཉེས་བྱས་སུ་འགྱུར་རོ། །དགེ་སློང་ཞིག་གིས་དགེ་སློང་དག་གཅིག་ལ་ཚེ་དང་ལྡན་
D7a.012.0299a06.01པ་དག་ཚུར་ཤོག །རྐུན་པོ་ལ་འདོང་ངོ་ཞེས་དེ་སྐད་སྨྲས་པ་དང་། དེ་དག་དོང་ནས་ལམ་གྱི་ཕྱེད་དུ་ཕྱིན་པ་དང་། བདག་ཅག་ནི་མི་མཛེས་སོ་སྙམ་ནས་ངོ་ཚ་བའི་ཆོས་དང་ལྡན་པར་གྱུར་ཏེ་དེ་དེར་མ་དོང་བ་དང་། དགེ་སློང་དེ་དག་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་
D7a.012.0299a07.01