完整藏文原文 · 德格版页 当前仅加载第 12 函德格 251b 版页；藏文 NFD、目录标记与异常页序保留在来源切片中，重复版页行以稳定序号区分。
བགྱིའམ། ཨུ་པཱ་ལི་མ་ཡིན་ནོ། །བཙུན་པ་མཐའ་འཁོབ་པས་མཐའ་འཁོབ་པའི་སྐད་དུ་དད་པ་དང་སྐབས་དབྱེ་བ་ཕུལ་བ་དང་། དགེ་སློང་དེ་དག་གིས་མཐའ་འཁོབ་པའི་སྐད་མ་འཚལ་ན་དད་པ་དང་སྐབས་དབྱེ་བ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་མཐའ་
D7a.012.0251b01.01འཁོབ་པས་འཕགས་པའི་སྐད་དུ་དད་པ་དང་སྐབས་དབྱེ་བ་ཕུལ་བ་དང་། དགེ་སློང་དེ་དག་གིས་འཕགས་པའི་སྐད་མ་འཚལ་ན་དད་པ་དང་སྐབས་དབྱེ་བ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་དད་པ་དང་སྐབས་འབྱེད་པ་འབུལ་བའི་དགེ་སློང་གིས་ལུས་ཀྱིས་
D7a.012.0251b02.01དམིགས་ཀྱི་ཚིག་གིས་མ་ལགས་ན་དད་པ་དང་སྐབས་དབྱེ་བ་ཕུལ་བ་ཞེས་བགྱིའམ། ཨུ་པཱ་ལི་ཕུལ་བ་ཞེས་བྱའོ། །དེ་བཞིན་དུ་ཚིག་གིས་སྨྲས་ཀྱི་ལུས་ཀྱིས་མ་ལགས་པ་དང་། ཚིག་དང་ལུས་ཀྱིས་དམིགས་པས་ཀྱང་དད་པ་དང་སྐབས་དབྱེ་བ་ཕུལ་བ་ཞེས་བགྱིའམ། ཨུ་པཱ་ལི་
D7a.012.0251b03.01ཕུལ་བ་ཞེས་བྱའོ། །བཙུན་པ་དེ་སྟེ་ལུས་ཀྱིས་ཀྱང་མ་དམིགས་ཚིག་གིས་མ་སྨྲས་ན་དད་པ་དང་སྐབས་དབྱེ་བ་ཕུལ་བ་ཞེས་བགྱིའམ། ཨུ་པཱ་ལི་མ་ཡིན་ནོ། །བཙུན་པ་དད་པ་དང་སྐབས་དབྱེ་བ་འབུལ་བའི་དགེ་སློང་མཚན་གྱུར་ན་དད་པ་དང་སྐབས་དབྱེ་བ་ཕུལ་བ་ཞེས་བགྱིའམ། ཨུ་
D7a.012.0251b04.01པཱ་ལི་མ་ཡིན་ནོ། །བཙུན་པ་ཆད་པ་དང་བྲ་བས་དད་པ་དང་སྐབས་དབྱེ་བ་ཕུལ་ན་དད་པ་དང་སྐབས་དབྱེ་བ་ཕུལ་བ་ཞེས་བགྱིའམ། ཨུ་པཱ་ལི་ཕུལ་བ་ཞེས་བྱ་སྟེ། དགེ་སློང་དེ་དག་ནི་འདས་པ་དང་བཅས་པའོ། །བཙུན་པ་དད་པ་དང་སྐབས་དབྱེ་བ་གཅིག་ནས་གཅིག་ཏུ་བརྒྱུད་དེ་སྨྲས་ན་དད་པ་
D7a.012.0251b05.01དང་སྐབས་ཕྱེ་བ་ཕུལ་བ་ཞེས་བགྱིའམ། ཨུ་པཱ་ལི་ཕུལ་བ་ཞེས་བྱ་སྟེ། དགེ་སློང་དེ་དག་ནི་འདས་པ་དང་བཅས་པའོ། །དད་པ་དང་སྐབས་དབྱེ་བ་ཕུལ་ནས་ཁྱིམ་པ་ལགས་པར་ཁས་བླངས་ན་དད་པ་དང་སྐབས་ཕྱེ་བ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཕུལ་བ་ཞེས་བྱའོ། །དེ་
D7a.012.0251b06.01བཞིན་དུ་མ་ནིང་ལགས་པར་ཁས་བླངས་པ་ནས་རྒྱས་པར་སྔར་འཁྲུགས་པ་ལགས་པའི་བར་དུ་ཁས་བླངས་ན་དད་པ་དང་སྐབས་ཕྱེ་བ་མ་ཕུལ་བ་ཞེས་བགྱིའམ། ཨུ་པཱ་ལི་མ་ཕུལ་བ་ཞེས་བྱའོ། །བཙུན་པ་དད་པ་དང་སྐབས་འབྱེད་པ་འབུལ་བའི་དགེ་སློང་དད་པ་དང་སྐབས་དབྱེ་བ་འབུལ་བའི་ཚེ་ཟ་མ་
D7a.012.0251b07.01